Новости за 08.10.2018

Нохчийчоьне ша латта дIалуш халкъах дага ца ваьлла Евкуров Юнус-Бек, боху гуламехь лаьттачу къоначу гIалгIаша.

Олевский Тимур                                                                                                    "Карара Хан"  ("НастоящееВремя")                                                                                                            ГIалгIайчоьнан хьалхарчу президенто Аушев Руслана бакъбо Магасера гуламхой Протестхошна хьалха вистхила Магасе веъна Москох веха ГIалгIайчоьнан хьалхара президент Аушев Руслан. Ша митингехь динчу къамелца цо хаитира шена муьлха агIо бакъ хета – Iедал я гуламхой. Читать дальше...

Оппозицин журналист Хашогги Джамал варца доьзна СаIуда Iаьрбийчоьне бакъо ехна Туркойчоьнан арахьарчу гIуллакхийн министралле, Истанбулерчу паччахьаллин инарла консулаллех хьовсийта шаьш аьлла. NTV телеканало бина и хаам оршотдийнахь. Туркойн Iедалхойн векалшна хетарехь, кIира хьалха вайна Хашогги Истанбулерчу СаIуда Iаьрбийчоьнан векалтехь вийна хила тарло. СаIудера журналист вар толлучу гIуллакхна тIехь терго латтош ву ша аьлла, дIахьединера туркойн президенто ЭрдохIан Реджепа. Хашоггин доттагIчо бахарехь... Читать дальше...

Гавел Вацлаван цIарах Европан Кхеташонан Парламентан ассамблейн (ПАСЕ) бакъоларъяран совгIат дина Соьлжа-ГIаларчу "Мемориал" центран офисан куьйгалхочунна Титиев Аюбна. Оршотдийнахь Страсбургехь схьайиллинчу ПАСЕ-н сессехь дIакхайкхийна цунах организацин куьйгалхочо Паскье Лилиан Морис. Европан Кхеташонан Парламентан ассамблейн трибуни тIера дIабовзийтира Титиев Аюба бина кхайкхам. Нохчийчохь "таIзар доцуш лелочу харцонех", политикан бух тIехь дуьхьалдохучу бехкзуламан гIуллакхех яздинера бакъонашларъярхочо. Читать дальше...

Оршотдийнахь бакъонашларъярхочун Титиев Аюбан кхелехь левечу полисхочо шегахь вон хьал ду аьллачул тIаьхьа, юкъахъяьккхина суьдхойн кхеташо. Кхелахоша хьалхара хеттарш дар долийра Титиев сацочу дийнахь новкъахь ха деш хиллачу полисхочуьнга Данчаев Мохьмаде. Титиев дIалоцучу дийнахь ша Хутаевца а, Гараевца а цхьана гIаролехь вара, Гараевс тешаш бало гIо аьлла, дIахьажийра ша аьлла, дийцар долийна, цул тIаьхьа шегахь дика хьал дац аьлла, латкъам бира цо. Йоьду кхел сацйра суьдхочо. Цул тIаьхьа лоьраш кхайкхира аьлла... Читать дальше...

Интерполан урхаллехь лаьттина Хунвэй Мэн коррупци лелош хилла аьлла, шеконаш кхоллаелла Китайн Iедалхойн. Пачхьалкхан юкъараллан кхерамзаллан министралло оршотдийнахь даржийначу дIахьедарехь дуьйцу цунах, хаамбо CNN телеканало. Бехкаш дахкар доьзна ду Китайхь куьйгаллин даржашкахь цо бинчу белхашца. Хьалхо  Интерполо хаамбира, кIирандийнахь Хунвэй Мэна дарж охьадуьллуш, кехат чуделла аьлла. Байначу беттан 25-чу дийнахь Китайхь кеманчуьра охьавуссучу заманчохь дIалаьцнера иза. Хунвэйн хIусамнанас хаамбарца... Читать дальше...

ПIераскан дийнахь ши даздар дIадаьхьна Нохчийчохь - билгалдаьккхина Соьлж-ГIалин 200 шо дузар а, Кадыров Рамзанан 42 шо кхачар а. Журналисташ, шайн парггIат болх бойла дацара бохуш летккъахь а, хаза кечйина а, ондда ларъеш а яра шахьар.

Омскерчу лоьмар 6 йолчу колонехь летарш хиллачул тIаьхьа дарбан хIусаме кхачийна 4 стаг, амбулаторан гIо кхачийна кхин а масийтта тутмакхна, - хаамбо "Интерфакс" агенталло, кIоштарчу омбудсменан Касьянова Иринин хаамна тIе а тевжаш. Цо иштта дIахьедина, дов долийна аьлла, бехкевина 12 гергга тутмакх СИЗО дIахьажорах а. Хьалхо дийцаредаьккхинера, Талламан комитето бехкзуламан гIуллакх диллина бохуш. Хилларг ма дарра зен а зуьйш, бехкенаш билгалбохуш бу аьлла, хаамбина Омскан кIоштарчу Талламан комитетан пресс-гIуллакххоша. Читать дальше...

145 дийнахь мацалла хьегна Украинан режиссер Сенцов Олег колонера ара а ваккхий, цунна оьшу лоьрийн дарба кхачаде аьлла, Оьрсийчоьне кхайкхамбина Европан Кхеташоно. Динчу дIахьедарехь иштта маьршабаха тIеэгийна Оьрсийчохь а, аннекси йинчу ГIирмехь а бехк боцуш чохь латто Украинан бахархой а. Украинхойн режиссеро шен мацаллин протестехь гайти "майралла, чIагIалла, шен са цакхоор", - яздо дIахьедарехь. Нагахь кхачо йоллуш Сенцовна медицинан гIо ца кхачадахь, жоьпалла Оьрсийчоьнна тIехь дуьту цара. Читать дальше...

Нохчийчоьнца дозанаш хийцарна дуьхьалбевлла, митинге арабевлла меттигера бахархой, Iедалан пурбанца "ГIалгIайчоь" телерадиокомпанина герга дехьабевлла аьлла, хаамбина "Интерфакс" агенталле жигархочо Мальсагов Мусас. "Четарш а, гIанташ а Магасан коьртачу майданара къоман телерадиокомпанин гIишлонна хьалхарчу майданахь дIахIиттийна жигархоша. Оршотдийнара 15-чу дийне кхаччалц магийна Iедалхоша митинг латто", - аьлла юкъаралхочо Зязиков Идриса. Цо бахарехь, декъашхой даим а хийцалуш бу: нах цIа а боьлхий... Читать дальше...

Оьрсийчоьнан ММА-н латархочо Нурмагомедов Хьабиба толам баьккхира Ирландерчу Макгрегор Конорца хиллачу латарехь. Маршо Радион «Current Time» проектан корреспондент хилира ХIинжа-гIалахь.