Новости за 26.10.2018

Маршо Радион таханлера боцца хаамаш

Урдунехь хи тIедаларан бахьанашца мел лаххара а 20 стаг велла, 40 лазийна. 14 шаре довланза бераш ду царлахь. И хаамбина пIераскандийнахь  Ammon News портало, яздо ТАСС агенталло. 37 бер а, 7 хьехархо а цхьана волуш экскурсе баьхкина хилла берийн самукъадаккха хIордан йисте. ЦIеххьашха ловзабаьллачу хIордо дIатекхийна уьш. Беллачарлахь а, лазийначарлахь а бу гIамаран пляжехь шайн доьзалшца садаIа гулбелларш а цхьана. Иштта Iуьйранна дуьйнна ши эзар сов стаг ара а вьлла, Ал-Ахвар регионехь лоьхуш бу байнарш. Читать дальше...

Дечкен-беттан 16-чохь Устрада-гIалара лаьцна дIавигина Хасаев Мовсар СИЗО чохь вуьтуш сацамбина Екатеринбурган кхело. Свердловскера баьхкинчу полисхоша лаьцнера иза 2011-чу шеран буса Белинскийн урамехь бизнесхо Арутюнян Ашот вина цо аьлла, бехкевина. Хьалхо кхеле латкъам бинера цуьнан адвокаташа, иза чохь латтор бух болуш дац аьлла, делахь а суьдхоша хийцам боцуш дитина чукхачийна арз. veved.ru хьостане бина и хаам кхелан пресс-гIуллакххоша.

"Аэроэкспресс" журнал арахоьцучу Жуков Константинера 90 миллион сом даккхарна бехкевечу пхеанна 7, 5 шо хенаш тохар дехна. Бехкебечех шиъ Думан депутатан Делимханов Адаман хадархой бу. Хьалхо царна тIехIоьттинера Нохчийчоьнан куьйгалхо Кадыров Рамзан. Нохчийчуьрчу чоьхьарчу гIуллакхийн министраллан хилла белхахой Ахмаев СаьIид а, Болатбаев Лечи а ву царех шиъ. ГIалгIайчуьра ву Булгучев Ахьмад а, Мовлади а. Иштта цаьрца хилла Жуковн хилла бизнес-партнер Катков Евгений а. Тоба вовшах а тоьхна, ахчанаш дохуш хилла цара, яздо РБК агенталло.

Муртазалиева Зараъ Le Figaro сихделира цIе тIекхолла, сиха дац ша харц хиллийла хаийта Кху беттан 13-чу дийнахь девзаш долчу "аьтто" кхетам болчу хьолахойн Le Figaro газето кхаъ баьккхира ерриг Францига, 23 нохчо-рэкетхо лаьцна Ливри-Гарган гIалахь, аьлла. Дуьйцура, гIерано дийнахь 200 евро ясакх гулъеш хилла кир бохьуш а, нах балош а Париже мел йогIучу машенна тIера, бохуш. Карабаьхкина и нохчий рогIера цхьа йоккха ясакх дIаоьцуш, яздора Le Figaro-с. Газето бахарехь, "бандитийн бен" Iорабоккхуш хьийзарг яра BRIF ... Читать дальше...

Бакъонашларъярхошна тIаьхьадевлла а ца лелаш, дуьненаюкъарчу низамашкахь адамийн бакъонаш ларъярехь цаьрга болх байтар дехна Оьрсийчоьнан Iедалхошка Amnesty International организацино. Пачхьалкхан 11 регионехь болх бечу бакъонашларъярхошна тIехIиттинчу бахархойн 169 эзар куьйгяздина кехат кхачийна Оьрсийчоьнан президентан администраце жигархоша а, организацийн векалша а. Адамийн бакъонаш ларъечу жигархойн цIераш тIе язйина дуьсийна лоппаргаш а хийцира Кремлна герггахь стигал, дуьйцу Маршо Радион корреспонденто. Читать дальше...

Чуьйрашца лазаршца шайлахь 10 бер а долуш, 49 стаг валийна ХIинжа -гIаларчу дарбан цIийне. ДIавш даьлла хилла царна "Терем" кафечохь йиинчу котамах. Республикерчу могушаллин министраллан хаамашца, 47 стаг дарбан хIусамехь охьавиллина. Ханна кафе дIа а къевлина, цу чуьра 17 стаг балхах а ваьккхина, талламаш болийна.

ГIалгIайчуьрчу  экстремизмца къийсам латточу Центран (ЦПЭ) а, къайлахчу сервисийн а ворхI белхахочунна кхайкхийна таIзар хийцам боцуш дитина Къилбаседа Кавказан тIеман кхело. Уьш бехкебора нах байарна а, лецначарна тIехь Iазап латторна а, кхи а цхьа могIа зуламашна а. Налчикерчу тIеман кхело хьалхо церан хьокъехь бина сацам тIечIагIбина еаридийнахь суьдхоша аьлла, хаамбина кхелан пресс-гIуллакхочо Катькало Аленас. Карладоккху, Налчикерчу кхело набахтехь даккха 7 шо тоьхнера ЦПЭ-н куьйгалхочунна Хамхоев Тимурна, эпсаран даржах а воккухш. Читать дальше...

ЛадоьгIуш юй хьажархьама кест-кеста кхерамзаллан урхаллаша талла а толлуш, Iамеркан Цхьатоьхначу Штатийн президентан Трамп Доналдан  белхан цхьа телефон бен яц аьлла, дIахьедина цуьнан пресс-секретаро Гидли Хогана. Трампа наггахь шегарчу телефонехула къамелаш до, Iамеркан къайлахчу сервисаша Оьрсийчоьнан а, Китайн а сервисаша цуьнан  телефон ладоьгIуш хиларх шега дIахьедешшехь бохуш, The New York Times газетано Iораяьккхинчу публикацех комментари йитина цо. Ша Трампа и информаци "фейк" ю аьлла... Читать дальше...

Нохчийчоьнца доза тоьхна ярташ кхиоран проект кечъе аьлла, министрийн кабинетна тIедиллина ГIалгIайчоьнан куьйгалхочо Евкуров Юнус-Бека цаьрца хиллчу кхеташонехь. "Сунженск кIоштарчу Берд-Юьртан, Арштын, Даттыхан, Чемульган, Алкунан а, ишта Малгобекан кIоштарчу Аки-Юьртан, Новый Поселок олучу юьртан а инфраструктура кхиорхьама проект кечъян омра дина ас",- яздина Евкуровс еаридийнахь шен "ВКонтактерчу" агIонехь. Хьалхо белхан хьокъехь Москох цхьанакхетар хиллера Евкуровн Оьрсийчоьнан вице-премьерца Мутко Виталийца. Читать дальше...