Новости за 29.07.2021

(Казан, 28 июль, «Татар-информ», Гөлнар Гарифуллина). KazanSummit 2021 форумында «Рамай» фермер хуҗалыгы, «Кәүсәр» кооперативы җитәкчесе Фәрит Хәйретдинов үзенең уңышының сәбәбен эшенең хәләл булуында икәнен әйтте. «Хәләл индустриядә эшләүчеләр — альтруистлар, акча өчен түгел, идея өчен эшлиләр. Хәләл ул — кошны дөрес чалу гына түгел, тормыш фәлсәфәсе. Кошны дөрес асрау гына түгел, эшчеләргә, тәэмин итүчеләргә хезмәт хакын вакытында түләү, шушы тулы чисталык, кагыйдәләр үтәлсә генә, юл ачыла», — диде Фәрит Хәйретдинов. Читать дальше...

(Казан, 29 июль, «Татар-информ»). TAT CULT FEST халыкара яңа татар мәдәнияте фестивале быел «тел» темасына багышланачак, дип хәбәр итә оештыручылар. 30 август көнне ул Казан Кремле территориясендә дүртенче мәртәбә оештырыла. Фестивальдә Россиянең 11 шәһәреннән һәм дөньяның төрле почмакларыннан килгән музыкантлар, медиарәссамнар, график дизайнерлар, хореографлар һәм галимнәр катнашачак. Биредә алар төрле, ләкин татарга якын торган халыклар мәдәниятен һәм сәнгатен тәкъдим итәчәк. Әлеге фестиваль, гадәттәгечә... Читать дальше...

(Казан, 29 июль, «Татар-информ»).  Татарстанда Covid-19 инфекциясенең 52 яңа очрагы теркәлгән. ТР Сәламәтлек саклау министрлыгы матбугат хезмәте хәбәр итүенчә, алты кеше инфекцияне республикадан читтә йоктырган, калган очраклар авыру кеше белән аралашу нәтиҗәсендә эләккән. 14 кеше хастаханәгә салынган, 38 кеше өйдә дәвалана. Чир йоктыручыларның күбесе Казанда (20) һәм Чаллыда (18). Өч кеше Түбән Камада, Арча һәм Тукай районнарында — икешәр, Әтнә, Яшел Үзән, Лаеш, Лениногорск, Мөслим, Чирмешән һәм Чистай районнарында берәр очрак теркәлгән. Читать дальше...

(Казан, 29 июль, «Татар-информ», Гөлнар Гарифуллина). РФ метрология һәм техник көйләнеш федераль агентлыгы җитәкчесе Антон Шалаев Хәләл продукция һәм хезмәтләр буенча дәүләтара техник комитет оешачагын әйтте. «Быел июльдә, ике атна элек, Дәүләтара метрология, стандартизация һәм сертификация советы тарафыннан хәләл продукциясе һәм хезмәтләре буенча дәүләтара техник комитет булдыру карары кабул ителде. Бу комитетны булдыру инициаторы — Казахстан, РФ дә бу комитетка керде. Бу стандартлаштыру буенча эшне тәңгәлләштерергә мөмкинлек бирәчәк»... Читать дальше...

(Казан, 29 июль, «Татар-информ»). РФ мөселманнары Диния нәзарәте коронавирус инфекциясенә каршы Россия вакциналарының чит ил мөселман дини оешмалары тарафыннан танылуы турында сөйләшүләр алып бара. Бу хакта РИА Новости агентлыгы РФ мөселманнары Диния нәзарәте президиумы әгъзасы, Россия Мөфтиләр шурасы рәисе урынбасары Рушан Аббясовка сылтама белән хәбәр итә. «Хәләл сертификатының булуы актив роль уйный һәм вакцинаны тану мәсьәләсенә килгәндә, бүген бездә хәләл продукция кысаларында шундый эш алып барыла. Читать дальше...

(Казан, 29 июль, «Татар-информ», Гөлнар Гарифуллина). РФ метрология һәм техник көйләнеш федераль агентлыгы җитәкчесе Антон Шалаев сүзләренчә, хәләл стандартларның илкүләм линейкасы Идел буе Болгарында Ислам кабул итүнең 1100 еллыгына расланырга мөмкин. «Быел һәм киләсе елда хәләл өлкәсендә стандартларның тулы бер линейкасын эшләү күздә тотыла. Хәләл дарулар, хәләл икәнен билгеләү өчен анализ алу тәртибе һәм башкалар. Әгәр бу стандартларның төп линейкасы Росстандарт тарафыннан 2022 елда Болгарда ислам кабул итүнең 1100 еллыгында расланса... Читать дальше...

(Казан, 29 июль, «Татар-информ»). Татарстан Төркия партнерлары белән уртак проектларны гамәлгә ашыруга карата кызыксыну белдерә. ТР Президенты Рөстәм Миңнеханов Төркиянең сәүдә министры Мәхмәт Муш белән очрашу вакытында шулай дип белдерде. Очрашу Казан Кремлендә узды, дип хәбәр итә ТР Президентының матбугат хезмәте. Рөстәм Миңнеханов 2021 елның июнендә Татарстан делегациясенең Әнкарага сәфәрен оештырган өчен министрга рәхмәт белдерде. «KazanSummit 2021 Халыкара икътисади саммитында катнашканыгыз өчен рәхмәт. Читать дальше...

(Казан, 29 июль, «Татар-информ»). Казанда 11.58 сәгатьтә Ямашев проспектындагы «Имера» сәүдә үзәге бинасыннан төтен чыкканга янгын сүндерүчеләрне чакыртканнар. Бу хакта «Татар-информ»га Россия Гадәттән тыш хәлләр министрлыгының Татарстан буенча баш идарәсе матбугат хезмәтендә сөйләделәр. Сәүдә үзәгендә янгын чыкмавы билгеле була. Ресторанда ризык көйгәнгә төтен чыккан.

(Казан, 29 июль, «Татар-информ», Егор Никитин). Татарстандагы сайлау комиссияләре әгъзаларының 60 процентка якыны прививка ясаткан яки аларның коронавируска антитәнчекләре бар. ТР Үзәк сайлау комиссиясе рәисе Андрей Кондратьев «Татар-информ» агентлыгының баш редакторына биргән интервьюсында шундый мәгълүматлар китерде. Ул билгеләп үткәнчә, прививка - вирус таралуын тоткарларга мөмкинлек бирә торган бердәнбер нәтиҗәле чара. Шунлыктан Татарстан Үзәк сайлау комиссиясендә персоналны вакцинацияләү буенча актив эш алып баралар. Читать дальше...

(Казан, 29 июль, «Татар-информ», Полина Шевчук). Кичә кичке дүртенчеләр киткәч Түбән Кама шәһәрендә KIА автомобиле ике баланы бәрдергән. Машина белән 52 яшьлек ир-ат идарә итә. Ул Сөембикә урамындагы 61нче йорт каршында, светофорның кызыл утына чыгып, 9 һәм 10 яшьлек ике баланы бәрдергән. Бу хакта «Татар-информ» агентлыгына Түбән Кама Дәүләт автоинспекциясенең пропаганда бүлегеннән хәбәр иттеләр. Нәтиҗәдә, 10 яшьлек баланың кулы сынган, аяк-куллары һәм башы җәрәхәтләнгән. Аны Түбән Кама шәһәр балалар хастаханәсенә озатканнар. Читать дальше...

(Казан, 29 июль, «Татар-информ»). 30 июльдә П.В.Алабин исемендәге Самара өлкә тарихи-туган якны өйрәнү музеенда «Татарларда кунакта» дигән күргәзмә ачыла. «Самар татарлары» сайты хәбәр иткәнчә, анда Алабуга дәүләт тарихи-архитектура һәм сәнгать музей-тыюлыгында саклана торган экспонатлар тәкъдим ителәчәк. Күргәзмә бирегә килүчеләрне татар халкының көндәлек тормышы, бәйрәмнәре, күп гасырлардан килгән йолалары һәм гореф-гадәтләре белән таныштыра. Экспозициядә XIX йөз ахыры — XX йөз башына караган этнографик материалны (хатын-кыз костюмнары... Читать дальше...

(Казан, 29 июль, «Татар-информ»). Туризм буенча федераль агентлык Төркиядә ял итүче туристларга Антальяда кунакханә территориясеннән китмәскә киңәш иткән. Бу хакта РИА Новости агентлыгы ведомствоның матбугат хезмәтенә сылтама белән хәбәр итә. Бу Төркия провинциясендә котырган янгыннар белән аңлатыла. Җирле хакимият вазгыять тиешле контрольдә дип ышандыра (янгынны сүндерү өчен техниканың төрле төрләре кулланыла). Туризм буенча федераль агентлык ялны вакытыннан алда төгәлләргә чакырмый һәм вазгыятьне контрольдә тотуы хакында хәбәр итә. Читать дальше...

(Казан, 29 июль, «Татар-информ», Тимур Касыймов). Фехтованияче Марта Мартьянова (Казан) Россия Олимпия комитеты җыелма командасы составында, үзенә ким дигәндә көмеш медаль гарантияләп, Токиода уза торган Олимпия уеннарында рапирачыларның команда ярышлары финалына чыкты. Башта чирек финалда россиялеләр Мисыр командасын 45:21 исәбенә отты. Мартьянова бу ярышта чыгыш ясамады. Ярым финалда Уфадан Аделина Заһидуллинаның уңышсыз чыгышыннан соң (ул үзенең көндәше – АКШ спортчысына 4:9 исәбенә оттырды)... Читать дальше...

(Казан, 29 июль, «Татар-информ»). Мостай Кәримнең «Ай тотылган төндә» һәм «Ташлама утны, Прометей!» пьесалары драматургияне өйрәнү буенча дөньякүләм фәнни проект сайтына урнаштырылган. «Башинформ» агентлыгы кинорежиссер Таңчулпан Буракаевага сылтама белән хәбәр иткәнчә, әлеге эш DraCor халыкара проекты кысаларында Мостай Кәрим Фонды ярдәме белән башкарылган. DraCor – Германия (Потсдам университеты) һәм Россия (Югары икътисад мәктәбе) фәнни коллективларының уртак проекты. Ул төрле телләрдә иҗат ителгән... Читать дальше...

(Казан, 29 июль, «Татар-информ»). Татарстан Президенты Рөстәм Миңнеханов Гагаузия Автономияле-территориаль берәмлеге (Молдова Республикасы) башлыгы Ирина Влах белән очрашты. Бу хакта Президентның матбугат хезмәте хәбәр итә. Ирина Влахның Татарстанга сәфәре XII «Россия – Ислам дөньясы: KazanSummit 2021» Халыкара икътисади саммитына багышланган. Татарстан Гагаузиягә машина төзелеше предприятиеләре продукциясен, химия һәм нефть химиясе товарлары җибәрергә әзер. Хезмәттәшлекне үстерү өчен перспективалы... Читать дальше...

(Казан, 29 июль, «Татар-информ»). «Яңа кешеләр» партиясе автомобильләргә тавышсыз сигнализацияләр кую инициативасын тәкъдим итте.  Төнлә тулысынча ял итү — кешеләрнең сәламәтлеге һәм эшкә сәләтлелеге өчен мөһим шарт булып тора. Әмма шәһәрдәге тулы бер кварталлар төнлә эшли башлаган машина сигнализацияләре тавышын тыңларга мәҗбүр. Нигездә сигнализацияләр юк кына сәбәп аркасында эшли башлый: аккумулятор утыра, песи йөгереп уза, яшен яшьни яки машинага очраклы рәвештә туп тия. Шул ук вакытта машина... Читать дальше...

(Казан, 29 июль, «Татар-информ», Полина Шевчук). Кичә кичке бишенчеләрдә республиканың Азнакай районы Победа бистәсендә юл һәлакәте булган. «УАЗ» фургоны юлдан кюветка төшеп киткән һәм әйләнеп капланган. Авария сәбәпләре әлегә ачыкланмаган. «Машинада өч ир-ат булган. Аларның берсе шунда ук үлгән. Башы яраланган тагын бер зыян күрүчене табиблар хастаханәгә алып киткән. Җиңелчә тән җәрәхәтләре алган өченче ир-ат медицина учреждениесенә барудан баш тарткан», — дип белдерде авариянең шаһитлары.

(Казан, 29 июль, «Татар-информ»). Татарстан китап нәшриятында балалар өчен «Куркынычсызлык әлифбасы» чыкты. Нәшриятның инстаграмдагы сәхифәсендә хәбәр ителгәнчә, әлеге китап мавыктырыч формада көнкүрештә, урамда, юлда, табигатьтә куркынычсызлык кагыйдәләренә өйрәтәчәк. Балаларның бик якын һәм алыштыргысыз ярдәмчесенә әйләнәчәк, диелә хәбәрдә.

(Казан, 28 июль, «Татар-информ», Гөлнар Гарифуллина). А.Бурназян исемендәге медицина үзәге табиб-неврологы Миләүшә Йосыпова коронавирус белән авырган кешеләрнең депрессиядән һәм йокысы бозылудан интеккәнен әйтте. KazanSummit форумында ул коронавирустан соң пациентларга нейрореабилитация тәҗрибәсе турында сөйләде.  Россия һәм чит ил тикшеренүләре ковид белән авырганнарның яртысының йокы бозылу, хафалану, борчылу, депрессиясе булуын күрсәткән. Табиб нерв системасына бик зур зыян килгән очраклар булганын белдерде. Читать дальше...

(Казан, 29 июль, «Татар-информ»). Казанның Горки-Әмәт урманында этләрне йөртү мәйданчыгы 5 августка кадәр карантинга ябылган. Территориядә питомник ютәленнән махсус дезинфекция чаралары белән эшкәртү үткәрелә. Бу турыда Казан мэриясе хәбәр итте. Эт асраучылардан якын көннәрдә мәйданчыкка барудан тыелып тору һәм этләр белән бергә урманда йөрү сорала, дип хәбәр ителә иҗтимагый киңлекнең Instagram-аккаунтында.

(Казан, 29 июль, «Татар-информ»). Татарстан Республикасының Студентлар отрядлары «Игелекле эшләр десанты» акциясенә старт бирде. «Игелекле эшләр десанты» акциясе 26 июльдән 28 августка кадәр Татарстан Республикасының 5 муниципаль берәмлегендә — Балтач, Азнакай, Менделеевск, Теләче, Мамадыш районнарында була, дип яза Татарстан Яшьләр эшләре министрлыгының матбугат хезмәте. Акциядә сиксәнгә якын студент катнаша. Чарага әлеге муниципаль районнардан, шулай ук бөтен республикадан килгән һәр кеше чыгышларга кушыла ала. Читать дальше...

(Алабуга, 29 июль, «Татар-информ», « Алабуга нуры »). 1-10 августта Алабуга дәүләт музей ядкарьлеге «Туган йорт җылысы» темасына яшь рәссамнарның «BASHNYA» IV Халыкара иҗат лабораториясен үткәрәчәк.  Лабораториядә студентлар, аспирантлар, чыгарылыш сыйныф укучылары катнашыр дип көтелә. 15 яшь рәссам рәсемнәр иҗат итәчәк, кайнар эмаль һәм конгрев техникасы буенча мастер-классларда катнашачак, коллектив арт-объект булдырачак, Алабуга һәм Татарстан башкаласы музейларында булачак. Катнашучылар эшләреннән торган күргәзмә ... Читать дальше...

(Казан, 29 июль, «Татар-информ», Зилә Мөбәрәкшина). Кичә Ташкент шәһәрендә 103 яшендә хезмәт фронты ветераны, педагог Габдерәшит Исхаков вафат булган. «Ташкент шәһәренең Татар иҗтимагый мәдәни-агарту үзәге Габдерәшит Мөхәммәтгата улы гаиләсенең кайгысын уртаклаша. Ветераныбыз һәрвакыт безнең хәтердә булачак», — диелгән Ташкент шәһәренең Татар иҗтимагый мәдәни үзәгенең телеграм-каналында. «2019 елда Татарстан Республикасының Үзбәкстан Республикасындагы вәкиллеге Ташкент шәһәрендә Татар иҗтимагый мәдәни-агарту... Читать дальше...

(Казан, 29 июль, «Татар-информ»). 13 августтан 29 августка кадәр «Чистай-Түбән Кама» автомобиль юлында Борок авылы янындагы Зәй елгасы аша күпердә аварияле деформацион җөйләрне алыштыру буенча эшләр планлаштырылган. Бу чорда участокта юл ябылачак. «Главтатдортранс»ка сылтама белән Түбән Кама муниципаль районы рәсми сайты хәбәр иткәнчә, Әйләнеп үтү Чистай — Сухрау — Зәй — Түбән Кама маршруты буенча һәм кирегә автомобиль юлларының гамәлдәге челтәре буенча оештырыла. Эшләр тәүлек әйләнәсе башкарылачак. Читать дальше...

(Әлки, 29 июль, «Татар-информ», « Әлки хәбәрләре »). Әлки районында бушлай салам өләшәләр. Җәен явым-төшемнәр аз булу сәбәпле, авыл халкына терлек азыгы хәзерләү авырга туры килә.Шуны да истә тотып, хуҗалыклар, авыл җирлекләре җитәкчеләре соравы буенча, урак барышында саламны халык өчен комбайн белән ваклатмыйча калдыралар. Саламны авылларга якын кырлардан алырга була. Моның өчен түләргә дә, рөхсәт сорап йөрергә дә кирәкми. Авыл халкыннан үз хаҗәтенә кирәк кадәр саламны тизрәк алуларын сорыйлар. Хуҗалыкларга ул кырларны саламнан арындырып... Читать дальше...