Новости за 09.07.2021

(Әлмәт, 9 июль, «Татар-информ», « Әлмәт таңнары »). Әлмәттән 18 яшьлек Реналь Нәҗипов Римда үткән Европа Чемпионатында чыгыш ясады. Беренче ярыш көнендә Нәҗипов Россия җыелма командасы составында 15-18 яшьлекләр арасында 4×100 метрга ирекле стиль белән эстафетада финал йөзүендә җиңде. Россиялеләрнең нәтиҗәсе — 3 минут 19,66 секунд. Икенче урынны Румын йөзүчеләре яулады, алар җиңүчеләрдән 0,27 секундка калыштылар. Бронза Польша командасына эләкте (+0,30 сек.). Ренальның тренеры — Вәлиәхмәтова Светлана.

(Казан, 9 июль, «Татар-информ», Полина Шевчук). «Татар-информ»га шаһитлар сүзеннән билгеле булганча, бүген кичке сәгать дүртенчедә Актаныш – Иске Байсар автомобиль юлында Аккүз торак пунктында авария булган. Беренчел мәгълүматлар буенча, «КамАЗ» шоферы идарәне югалҗкан, йөк машинасы юл кырыена төшеп киткән һәм әйләнеп капланган. « Машина йөртүче һәм пассажир зыян күргән. Икесен дә табиблар хастаханәгә алып киттеләр » , - диде юл һәлакәте шаһитлары.

(Казан, 9 июль, «Татар-информ»).   «КАМАЗ-мастер» командасы пилоты Эдуард Николаев Instagram социаль челтәрендә «КАМАЗ» спорт йөк машиналарының «Ефәк юлы» раллиенда катнашканнан соң өйгә кайту күренеше сурәтләнгән видео күрсәтте. «Безнең ярыш автомобильләр командасы һәм техник хезмәт күрсәтү транспорты өйгә таба хәрәкәт итә. Бүген команда Курганга килә, анда төн куну планлаштырылган. Машиналар һәрвакыт үз көчләре белән бара», — дип сөйләде Николаев. Аның экипажы «Ефәк юлы» раллиенда йөк автомобильләре зачетында 4нче урынны алды. Читать дальше...

(Казан, 9 июль, «Татар-информ»). Бу көннәрдә «Чирмешән урман хуҗалыгы» ДБУ белгечләре, урманнарны саклау, яклау һәм яңадан торгызу буенча эшләр комплексын үтәү белән бергә, дару үләннәре дә әзерли. Бу турыда Татарстан Урман хуҗалыгы министрлыгының матбугат хезмәте хәбәр итте. «Гадәттә без мәтрүшкә, сары мәтрүшкә, бөтнек һәм мең яфрак кебек үсемлекләрне җыябыз. Бүгенге көндә 346 бәйләм әзерләнде, — дип сөйләде урман хуҗалыгы директоры Николай Кваков. — Августта шомырт һәм гөлҗимеш җимешләрен җыюга керешәчәкбез». Читать дальше...

(Казан, 9 июль, «Татар-информ», Эльза Кузнецова). Балаларга һәм яшьләргә «Ышаныч» психологик-педагогик ярдәм күрсәтү үзәге педагог-психологы Ләйсән Хисаметдинова гаиләнең һәр кешесе белән бозылган мөнәсәбәтләрне торгызу ысуллары турында сөйләде. Психолог сүзләренчә, бу мәсьәләдә йортның эчке тәртип кагыйдәләре ярдәм итә ала, аларны балалар да, өлкәннәр дә үтәргә тиеш. «Әйтик, без аш вакытында телевизор карамыйбыз. Яки: без сөйләшкәндә телефоннарда утырмыйбыз. Бу кагыйдәләрне һәр зонага бераз гына кертеп җибәрергә була»... Читать дальше...

(Казан, 9 июль, «Татар-информ», Полина Шевчук). «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә хәбәр итүләренчә, бүген 14.08 сәгатьтә башкаланың Идел буе районындагы Магистраль урамы тирәсендә, Идел елгасында ир-ат батып үлгән. Һәлак булган кешенең мәете 15.55 сәгатьтә ярдан 35 метр ераклыкта, җиде метр тирәнлектә табыла. Аны  ярга чыгарып, полиция хезмәткәрләренә тапшыралар. Мәрхүмнең шәхесе ачыклана. Шунысын да искәртергә кирәк, ир-ат су коену өчен җайланмаган урында коенган.

(Казан, 9 июль, «Татар-информ»). 10-11 июльдә Әлмәт шәһәрендә «Печән базары» фестивале программасы билгеле. Биредә көндезге уникедән кичке сигезгә кадәр татар дизайнерларыннан заманча милли продукция, Әлмәт фермерлары җитештергән продуктлар алып булачак. Сәгать унбердә Казан, Чаллы, Әлмәт рәссамнары өчен экскурсия-пленэр, 17:30 сәгатьтә татар телендә экскурсия була. Экскурсияләргә алдан теркәлү кирәк, сылтама @tatardesign_official профилендә, дирп хәбәр итте оештыручылар. Антилекторий URBANTATAR... Читать дальше...

(Казан, 9 июль, «Татар-информ»). Татарстанда коронавирус инфекциясеннән өч үлем очрагы теркәлгән. Бу хакта ТР Сәламәтлек саклау министрлыгының матбугат хезмәте хәбәр итә. Коронавирустан 1950 елда туган бер хатын-кыз, 1951 һәм 1952 елларда туган ике ир-ат үлгән. Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән. Мәрхүмнәрнең туганнары һәм якыннарының югалту кайгысын уртаклашабыз. 9 июльгә республикада коронавирустан барлыгы 560 үлем очрагы теркәлгән.

(Казан, 9 июль, «Татар-информ», Дмитрий Киселев). Әфганстанның төньяк провинцияләрендә, нигездә, әфган татарлары яшәгән өлкәләрдә, хөкүмәт көчләре һәм боевиклар арасында сугыш бара. Моннан тыш, радикаль агымдагы хәрби төркемнәр активлашкан. Әфганстан татар җәмгыяте үз территорияләрен саклау өчен отрядлар оештырды, дип сөйләде «Татар-информ» мәгълүмат агентлыгы корреспондентына шундый бер отряд командиры. «Минем отрядта 350дән артык солдат бар, күбесе татарлар. Без Саманган провинциясе чикләрендә торабыз... Читать дальше...

(Казан, 9 июль, «Татар-информ»).   Бүген Татарстан Республикасы Президенты Рөстәм Миңнеханов «Идел» М-7 Мәскәү — Владимир — Түбән Новгород — Казан — Уфа тиз йөрешле трассаларында Түбән Кама, Чаллы һәм «Казан — Екатеринбург» шәһәрләрен урап узу участогын төзү мәсьәләләре буенча киңәшмәдә катнашты. Бу хакта ТР Президенты матбугат хезмәте хәбәр итә. «Идел» М-7 —  Татарстанның иң зур агломерацияләрен тоташтыра һәм төбәкләр арасында өзлексез элемтәне тәэмин итә торган төп транспорт магистральләренең берсе. Читать дальше...

(Казан, 9 июль, «Татар-информ»). 8 июльдә танылган опера артисты, камера җырчысы, педагог, режиссер Рафаэль Сәхәбиевкә 70 яшь тулган булыр иде. «НТР-24» хәбәр итүенчә, артистның туган көнендә зиратка аның рухын искә алырга иң якыннары килгән. Алар арасында дуслары, хезмәттәшләре, Рафаэль Сәхәбиевнең талантына битараф булмаган кешеләр булган. Җырчы Түбән Каманың Шәңгәлче авылында туган. Салих Сәйдәшев исемендәге көллиятне, аннан Казан дәүләт консерваториясен тәмамлый. Шактый еллар Казан консерваториясенең опера классында укыта. Читать дальше...

(Казан, 9 июль, «Татар-информ», Эвелина Киселева). Казандагы дүрт пляж һәм Әлмәт шәһәр пляжы суы санитар нормаларга туры килми. Бу хакта «Татар-информ» мәгълүмат агентлыгында узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина сөйләде. «Суның канәгатьләнмәслек нәтиҗәләрен без санитар-химик күрсәткечләр буенча алдык — бу Зур Аккош күле пляжы. Микробиологик күрсәткечләр буенча ... Читать дальше...

(Казан, 9 июль, «Татар-информ»). Бүген, 9 июльдә, Троицк шәһәрендә бөек татар шагыйре Габдулла Тукай бюсты ачылды. Бөтендөнья татар конгрессы матбугат хезмәте хәбәр итүенчә, Чиләбе өлкәсе губернаторы Алексей Текслер, Россия Югары мөфтие Тәлгать Таҗетдин, Татарстан мөфтие Камил хәзрәт Сәмигуллин, Чиләбе өлкәсе татарлары конгрессы Башкарма комитеты рәисе Лена Колесникова, Бөтендөнья татар конгрессы Башкарма комитеты җитәкчесе урынбасары Илгиз Халиков һ. б. чараның мәртәбәле кунаклары булды. Шулай... Читать дальше...

(Казан, 9 июль, "Татар-информ"). Татарстан Республикасы мөселманнары Диния нәзарәтенең «Хозур» нәшрият йорты рәсми кибете адресын үзгәртте. Хәзер ул Париж Коммунасы урамы, 6нчы йорт адресы буенча урнашкан бинада эшли. Эш вакыты: дүшәмбе — җомга (9:00-18:00); шимбә (10:00-16:00); якшәмбе (ял көне). «Хозур» нәшрияты кибете татар, рус, гарәп телләрендә дини, тарихи, фәнни әдәбият тәкъдим итә. Балалар өчен танып белү басмалары, бүләккә карта, шулай ук мөселман атрибутикасы бар.

(Казан, 9 июль, «Татар-информ», Надежда Гордеева). Татарстан Дәүләт Советы Рәисе Фәрит Мөхәммәтшин Covid-19 инфекциясеннән прививка ясатуы турында сөйләде һәм бар кешене дә вакцинация үтәргә чакырды. Бу хакта парламент башлыгы «Татар-информ» агентлыгы баш мөхәррире Ринат Билаловка «Уникенче кат» проектында биргән интервьюсында әйтте. Фәрит Мөхәммәтшин яңа коронавирус инфекциясеннән вакцинацияләүнең ике этабын да узуын — «Спутник V» вакцинасының икенче дозасын 15 майда алганын әйтте. «Чит эффектлар юк. Читать дальше...

(Казан, 9 июль, «Татар-информ»). 12 июль көнне 11.00 сәгатьтә «Татмедиа» бинасында (Декабристлар ур., 2нче йорт) «Туганайлар» газетасы редакциясенең «Татар-информ» мәгълүматы агентлыгы белән берлектә оештырылган «Питрау җыены — җәй җәме» күргәзмәсен ачу тантанасы була. Бу хакта «Туганайлар» культура-агарту керәшен гәҗите хәбәр итә. Күргәзмәдә республика күләмендәге «Питрау» керәшен мәдәнияте фестивалендә 2017 һәм 2019 елларда төшерелгән 29 фото урын алган. Питрау мизгелләре сурәтләнгән ул фотоларның авторлары — Рамил Гали һәм Илнар Тухбатов. Читать дальше...

(Казан, 9 июль, «Татар-информ», Егор Никитин). 2021 елның беренче яртыеллыгы нәтиҗәләре буенча республика территориясендә коррупцияле хокук бозуларның артуы теркәлгән, китерелгән зыян 230 млн сумнан артып киткән. Бу хакта «Татар-информ» мәгълүмат агентлыгында узган брифингта ТР Президентының Коррупциягә каршы сәясәт мәсьәләләре буенча идарәсенең баш киңәшчесе Салават Рәхимов хәбәр итте. Ул күптән түгел РФ Президенты тарафыннан расланган Россия илкүләм иминлек стратегиясенең үз көченә кергәнлеген искәртте. Читать дальше...

(Казан, 9 июль, «Татар-информ», Эвелина Киселева). Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе ике атнадан төнге эшкә кафе һәм рестораннарга рөхсәт бирүне яңарту мөмкинлеген караячак. Бу хакта «Татар-информ» мәгълүмат агентлыгында узган матбугат конференциясендә ведомство җитәкчесе урынбасары Любовь Авдонина хәбәр итте. «4нче санитар-эпидемиягә каршы комиссия карары нигезендә эшмәкәрләргә һәм юридик затларга рөхсәт... Читать дальше...

(Казан, 9 июль, «Татар-информ»). Казанда 2021 елның 10 июленнән 2022 елның 15 декабренә кадәр Җиңү проспекты участогында транспорт хәрәкәте чикләнәчәк. Тиешле боерыкка шәһәр Башкарма комитетында кул куелды. Вознесение трактын төзегәндә инженерлык челтәрләрен чыгару эшләре белән бәйле рәвештә, Җиңү проспекты буенча Зәкиев урамыннан Минская урамына кадәр юлны ябачаклар.

(Казан, 9 июль, «Татар-информ»). Роспотребнадзор башлыгы Анна Попованың Россиядәге барлык кешеләрне дә мәҗбүри вакцина ясатырга өндәвен Кремльдә хуплыйлар дип белдерде Россия Президентының матбугат сәркатибе Дмитрий Песков. Хәтта җитештерүчеләр күзлегеннән караганда да бу планга ирешү бик катлаулы, дип яза РИА Новости Дмитрий Песковка сылтама белән. Җитештерүчеләр вакцинация препаратларын әзерләү темпларын арттыра, әмма экспертлар 18 яшьтән кечерәк кешеләргә вакцинациянең ничек тәэсир итәчәген ачыкларга тиеш, дип белдерде Песков. Читать дальше...

(Казан, 9 июль, «Татар-информ», Надежда Гордеева). Бүген ТР Дәүләт Советы Рәисе Фәрит Мөхәммәтшин «Татмедиа» АҖдә булды. Ул «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев һәм «Татмедиа» АҖ генераль директоры Шамил Садыйков озатуында компаниянең берничә медиа проекты белән танышты. Аерым алганда, Татарстан парламенты башлыгы татар посткроссинг платформасында — «Миллиард.Татар» сайтында һәм бөтен дөнья буенча креатив кәгазь открыткалар алмашу өчен... Читать дальше...

(Казан, 9 июль, «Татар-информ», Арсений Кәримов). Казанның «Россия — минем тарих» паркында «Җиңү адымнары 2021» бәйгесе җиңүчеләрен бүләкләделәр. Анда республикадан 1,5 мең мәктәп укучысы катнашкан. Тантанада Россия Дәүләт думасы депутаты Илдар Гыйльметдинов катнашты. «”Җиңү адымнары" проектына мәктәп укучылары җәлеп ителгән. Еш кына моңа охшаш чараларда, лекцияләрдә аларга өлкәннәр мәҗбүриләп катнаштыра, әмма бу очракта алар үзләре инициатива белдерде. Яшь буын Бөек Җиңү турында бәйрәмнәрдә генә түгел, ә көн саен хәтерләргә тиеш», — диде ул.

(Казан, 9 июль, «Татар-информ»). Иртәгә, 10 июльдә, Татарстанда эссе һава торышы, яшен һәм көчле җил аркасында шторм кисәтүе игълан ителде. Татарстанның Гидрометеорология үзәге хәбәр иткәнчә, республикада һәм Казанда урыны белән яшен булуы, яңгыр явуы көтелә. Җилнең тизлеге секундына 15-20 метрга, урыны белән 24 метрга ук җитәчәк, шулай ук көчле яңгыр, боз явуы көтелә, диелә хәбәрдә. Гидрометеорология үзәге фаразларына караганда, шимбә төнендә +15…+20˚, көндез +27…+32˚ градус булачак.

(Казан, 9 июль, «Татар-информ»). Литва Республикасы Парламенты 2021 елны литва татарлары тарихы һәм мәдәнияте дип игълан итте. Бөтендөнья татар конгрессы хәбәр иткәнчә, 1997 елдан башлап Висагинас татар оешмасы уздыра торган Сабан туе Литвада традицион мәдәни чара булып тора. Бу бәйрәм 2018 елда Литваның Матди булмаган мәдәни мирасы җыентыгына кертелә. Висагинаста Сабан туе 23 нче тапкыр, 10 июльдә, 12:00–18:00 сәгатьләрдә узачак. Һөнәрчелек остаханәләрендә татар бизәкләре төшерелгән традицион сувенирлар әзерләргә мөмкин булачак. Читать дальше...

(Казан, 9 июль, «Татар-информ», Эвелина Киселева). Казанда Фатыйх Әмирхан проспектындагы төзелеш гипермаркетында коронавирустан прививка ясый башладылар. «Без бүген „Леруа Мерлен“ сәүдә үзәгендә тагын бер вакцинация пункты ачтык. Ул бүген эшли башлады», — дип белдерде ТР сәламәтлек саклау министры урынбасары Владимир Жаворонков «Татар-информ»да узган матбугат конференциясендә. Шулай ук хәзер шәһәрдәге дүрт метро станциясе янында вакцинация пунктлары эшли. Әмма эссе һава сүрелүгә алар метро станцияләренең һәрберсендә дә эшләячәк. Читать дальше...