Новости за 31.07.2021

(Кукмара, 31 июль, «Татар-информ», « Хезмәт даны », Алсу Сәлахетдинова). Кукмара районының Лубян урман-техник көллияте базасында республика мәктәп урманчылыкларының IV слетын ачу тантанасы булды. Яшь урманчыларны, аларның җитәкчеләрен һәм кунакларны район башлыгы Сергей Димитриев, Татарстан урман хуҗалыгы министры урынбасары Рәис Гомәров, Саба районы башлыгы Рәис Миңнеханов сәламләде. «Мәктәп урманчылыклары слетының безнең районда узуы, әлбәттә, зур мәртәбә. Мондый чаралар балаларны берләштерә, аларга һөнәр сайлауда бер юнәлеш булып тора. Читать дальше...

(Апас, 31 июль, «Татар-информ», « Апастово-информ» , Ландыш Гайнуллина). Апас районы Олы Бакырчы авылында ачык һавада, алмагач бакчасында корбан ашы үткәрделәр. Мәҗлескә барлыгы 100гә якын кеше килгән иде. «Авылыбыз мәчетеннән кеше өзелми. Өлкәннәр дә, яшьләр дә килеп тора, намазга баса. Бүгенге мәҗлесне үткәрү тәкъдимен дә барысы да хуплап алды. Аны оештыруга изге күңелле авылдашларыбыз иганәчелек итте. Ходай Тәгалә кабул кылсын иде», — диде авылның имамы Шәүкәт хәзрәт Гайнетдинов. Дини мәҗлестә... Читать дальше...

(Зәй, 31 июль, «Татар-информ», « Зәй офыклары »). 30 июльдә Зәйдә коронавирус йоктыруның ике очрагы расланды. Авыручыларның берсе бер айлык бала булуы ачыкланды. Бала июнь аенда туган. Гаилә Казанда яши, бала тугач Зәй районына туганнарына кайтканнар. Гаиләдәге барлык өлкәннәр дә COVID-19га каршы прививка ясатмаган булган. Россия Кулланучылар хокукларын яклау һәм кеше иминлеге өлкәсендә күзәтчелек федераль хезмәте тарафыннан бу очрак буенча тикшерү үткәрелә. Бала авыруны башкалардан йоктырган дигән шик бар. Читать дальше...

(Балтач, 31 июль, «Татар-информ», «Хезмәт» ). Татарстан авыл хуҗалыгы һәм азык-төлек министры Марат Җәббаров Балтач районы кырларын югарыдан карап узды һәм хуҗалык җитәкчеләре белән фикер алышты. 29 июльгә район буенча 12962 гектар мәйданда игеннәр җыйнап алынган, бу барлык мәйданның 43 проценты дигән сүз. Хуҗалык амбарларына 23522 тонна ашлык кайтарылган. Бөртеклеләрнең  уңышы район буенча хәзергә һәр гектардан 18,1 центнерны тәшкил итә. Хәзергә иң зур уңыш Тимирязев исемендәге, «Кама», «Кызыл юл»... Читать дальше...

(Казан, 31 июль, «Татар-информ») 2021 елның 1 августыннан "ШАЯН ТВ" телеканалында "Тик Ток" "ШАЯН ТВ" фабрикасы үз эшен башлап җибәрә. Бу хакта каналның матбугат үзәге хәбәр итә. Тик Ток" "ШАЯН ТВ" фабрикасының төп максаты - татар телен популярлаштыру, татар балаларын берләштерү.Тик Ток "ШАЯН ТВ" фабрикасын ачып җибәрү белән бергә махсус контент ярдәмендә бөтен дөнья балаларын туган телгә , милли мәдәнияткә тарту мөмкинлеге туачак. Тик Ток кушымтасына сылтама @shayan_house

(Казан, 31 июль, «Татар-информ»). Төркиянең Бодрум районында кабат урман яна. «Бүген Бодрум тирәсендә Кумбахче һәм Гюмбет районнарында янгыннар башланган. Янгын шәһәр ягына таба үрмәләгән янгынны сүндерергә тырышалар. Әлегә ут ялкыны йортлардан ерак. Туристлар ял итүен дәвам итә», - дип сөйләде шаһит РИА Новости агентлыгына. Шимбә көнне Төркия авыл һәм урман хуҗалыгы министры Бекир Пакдемирли сүзләренчә, соңгы дүрт көндә 30 төрек провинциясендә 88 урман янгыны контрольгә алынган. Адан (Пос районы)... Читать дальше...

(Казан, 31 июль, «Татар-информ»). Татарстан Авыл хуҗалыгы һәм азык-төлек министрлыгында 2021 елның беренче яртысына терлекчелек өлкәсендә йомгак ясадылар. Киңәшмәдә ведомство башлыгы Марат Җәббаров, министр урынбасары Ленар Гарипов, һ.б. катнашты. Министрлык матбугат хезмәте хәбәр иткәнчә, бу яртыеллыкта 209 мең тонна терлек һәм кош үстерелгән, 2020 ел белән чагыштырганда үсеш 1 процент булган. 721 мең тонна сөт җитештерелгән, сыерларның продуктивлыгы 4 процентка арткан. Кошларның баш саны 6 процентка... Читать дальше...

(Казан, 31 июль, «Татар-информ»). Бүген 14.36 сәгатьтә Казанның Ибраһимов проспектында 45нче йортта янгын турында хәбәр килде. «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә сөйләүләренчә, янгын сүндерүчеләр тугыз катлы йортның дүртенче катында җиһаз һәм әйберләр януын ачыклаган. Төтен таралган фатирдан биш яшьлек малайны коткарганнар. Янгын сүндерүчеләр фатир ишеген ачып кергән, балага махсус битлек кидереп урамга алып чыкканнар. Бала фатирда үзе генә булган. Читать дальше...

(Казан, 31 июль, «Татар-информ»). Коронавирус очракларының бер тәүлектә иң аз артуы буенча Татарстан Россия төбәкләре өчлегенә керде. 0,21 процент күрсәткече белән Орлов өлкәсе генә республикадан алда бара. «Бер тәүлектә ковид очраклары иң аз арткан субъектлар ачыкланган. Беренче 0,21 процент белән Орлов өлкәсе, икенче урында 0,23 процент белән Мәскәү һәм Татарстан, өченче - 0,25 процент белән Киров һәм Тамбов өлкәләре», - дип хәбәр итә Covid-19 таралуга каршы көрәш буенча федераль оператив штаб. Читать дальше...

(Казан, 31 июль, «Татар-информ»). Казан BMX-райдеры Ирек Ризаев Токиода Олимпия уеннарында фристайлистлар турниры финалы алдыннан квалификацияле ярышларда бишенче нәтиҗә күрсәтте. 23 яшьлек спортчы беренче ярышта 81,20 нәтиҗәсенә иреште, икенчесендә — 81,30. Спортчының уртача баллы 81,25 булды һәм ир-атлар турнирында 9 катнашучы арасында квалификация нәтитҗәләре буенча нәкъ уртадагы урынны алды. Иң яхшы нәтиҗәне (90,97) Австралиядән Логан Мартин күрсәтте. Якшәмбе, 1 августта тугыз спортчы да Олимпия... Читать дальше...

​(Казан, 31 июль, «Татар-информ»). 30 июль - Халыклар дуслыгы көне уңаеннан Ташкентның Милләтара мөнәсәбәтләр һәм чит илләр белән дустанә элемтә комитеты «Халыклар дуслыгы» күкрәк билгесен тапшыру тантанасын үткәрде. Ташкент шәһәренең Татар иҗтимагый мәдәни-агарту үзәгенең телеграм-каналы хәбәре иткәнчә, комитетның рәисе Рөстәмбәк Корбанов бүләкләнүчеләрне котлады. Бүген 130 милләт, 16 дини конфессия вәкиле бер гаилә булып яши һәм илнең үсеше өчен өлеш кертүен әйтте, диде ул. Күп милләтле һәм күп мәдәниятле булу ... Читать дальше...

(Казан, 31 июль, «Татар-информ»). Россия Хөкүмәте рәисе Михаил Мишустин икенче августтан мәктәп укучыларына президент түләүләрен бирү турындагы карарны имзалады. Бу турыда РИА Новости хәбәр итә. Кичә Мишустин хәбәр иткәнчә, 2 августтан укучылар өчен 10 мең сумга күчерә башларга техник яктан барысы да әзер. «2 августтан укучыларның ата-аналары президент боерыгы нигезендә бервакытлы 10 мең сум акчаны ала башлаячак. Бу карарны Хөкүмәт Рәисе Михаил Мишустин имзалады», диелгән Министрлар Кабинеты хәбәрендә. Читать дальше...

(Казан, 31 июль, «Татар-информ»). Татарстанда Covid-19 йоктырган кешеләрнең саны арту 0,22 процент дәрәҗәсендә тора. Мондый күрсәткечләр республикада вируска каршы көрәш өчен күрелгән чараларның вәзгыятьне контрольдә тотарга мөмкинлек бирүе турында сөйли. Бу хакта Татарстан Хөкүмәте Йортында узган киңәшмәдә республика Президенты Рөстәм Миңнеханов белдерде. «Без кабул иткән чаралар вазгыятьне контрольдә тотарга мөмкинлек бирә. Барыннан да элек Роспотребнадзорның барлык таләпләрен үтәү турында сүз бара. Читать дальше...

(Казан, 31 июль, «Татар-информ»). Узган тәүлектә Татарстанда коронавирус йоктыруның 55 яңа очрагы теркәлгән. 7 кеше чирне республикадан читтә йоктырган, калганнары авыру кеше белән аралашканда эләктергән. «12 кеше хастаханәгә салынган, 43 кеше өйдә дәвалана», диелә Татарстан Сәламәтлек саклау министрлыгының матбугат хезмәте хәбәрендә. Авыручыларның күбесе Казанда теркәлгән, анда 35 кеше ковид йоктырган. Чаллыда ковид йоктыруның 11 очрагы, Тукай районында өч очрак ачыкланган. Түбән Кама районында ике кеше... Читать дальше...

(Казан, 31 июль, «Татар-информ»). Соңгы вакытта республика халкыннан иҗтимагый киңлекләрнең начар торышына — чүп-чар, ватылган фонарьлар һәм эшләми торган бәдрәфләр турында күп шикаятьләр килә. Татарстан Президенты Рөстәм Миңнеханов муниципалитетлар башлыкларына ай ярым дәвамында паркларны һәм скверларны тәртипкә китерергә кушты. «Сезнең шундый иҗтимагый киңлекләрегез булгач, өегездә дә шул ук хәлдер. Димәк, сезнең моңа игътибарыгыз җитми, бу сезгә кызык түгел, бу сезгә кирәк түгел. Сезгә кешеләрнең кайда ял итүләре, кая барулары барыбер. Читать дальше...

(Казан, 31 июль, «Татар-информ»). Июньдә Россиядә ипотека буенча уртача еллык ставка тарихи минимумга — 7,07 процентка кадәр кимегән. Регулятор хәбәрендә билгеләп үтелгәнчә, күрсәткеч 0,23 процентка кимегән. 2018 елның гыйнварыннан башлап, ул иң минималь сан. Бу хакта Россия Банкы мәгълүматларына сылтама белән РИА Новости хәбәр итә. 2019 елның апреленнән ипотека буенча уртача ставка тотрыклы кими. Ул вакытта еллык ставка 10,56 процент тәшкил иткән. Шул ук вакытта ипотека буенча уртача срок өч ай ярым айга үсте — максималь 20,3 елга кадәр. Читать дальше...

(Казан, 31 июль, «Татар-информ»). Татарстанда 2021 елга планлаштырылган объектларны капиталь ремонтлау буенча 28 программаның дүртесе үтәлгән. Бу максатка 23 миллиард сумнан артык акча бүлеп бирелгән. Бу хакта Татарстан Хөкүмәте Йортында киңәшмәдә төзелеш, архитектура һәм торак-коммуналь хуҗалык министрыны беренче урынбасары Алексей Фролов сөйләде. Чараны барлык муниципаль районнар белән видеоконференцэлемтә режимында Татарстан Президенты Рөстәм Миңнеханов үткәрде. Гомумән алганда, социаль-мәдәни өлкә объектлары... Читать дальше...

(Казан, 31 июль, «Татар-информ», Полина Шевчук). Бүген төнге сәгать ике тирәсендә Казанда Әмирхан проспектындагы кафеларның берсендә 34 яшьлек ир-ат белән хатыны ял иткән. Алар белән кафедагы башка кеше арасында низаг чыккан. Шул вакытта оппонент травматик пистолетка охшаган корал белән ир-атның йөзенә аткан. «Татар-информ» агентлыгына Татарстан буенча Эчке эшләр министрлыгы матбугат хезмәтендә хәбәр итүләренчә, зыян күрүче урамга чыккан һәм ашыгыч ярдәм чакырган. Ир-атны хастаханәгә алып киткәннәр, әмма иртән өенә җибәргәннәр. Читать дальше...

(Казан, 31 июль, «Татар-информ»). Төмән өлкәсенең Яркәү районы Аккүл авылы 110 еллык юбилеен бәйрәм итте. Россия Мөфтиләр шурасы хәбәр иткәнчә, 110 ел элек авылга Татарстаннан күчеп китүчеләр нигез салган. Чараны оештыручылар истәлекле көнне мөселманнар өчен изге Корбан бәйрәме көннәрендә билгеләп үтәргә булган, чөнки Аккүл авылына нигез салучылары дини кешеләр булган. Бу хакта кайчандыр күл ярында урнашкан яхшы борынгы мәчет хәрабәләре сөйли. Борынгы традицияләргә хөрмәт күрсәтеп, чарада катнашучылар, беренче чиратта, зиратта булды. Читать дальше...

(Казан, 31 июль, «Татар-информ»). Россия Сәламәтлек саклау министрлыгы йөртүчеләрнең сәламәтлеге турында белешмәне автомат рәвештә Юл хәрәкәте иминлеге дәүләт инспекциясенә җибәрәчәк. Алар медицина күрсәтмәләренә нигезләнеп, машина йөртү таныклыгын автомат рәвештә гамәлдән чыгара алачак. Бу хакта «Юл хәрәкте иминлеге турында»гы законга төзәтмәләре проектында әйтелә. Шулай итеп, яңа нигезләмәләр буенча, йөртүчедә транспорт чарасы белән идарә итәргә ярамый торган авыру барлыгы ачыкланса, кеше медицина... Читать дальше...

(Казан, 31 июль, «Татар-информ»). Кыш аена караганда, балалар коронавирус белән ешрак авырый башлады. Балаларны авырудан саклау өчен ата-аналарга прививка ясатырга кирәк. «Хәзер „дельта“ штаммы белән яшьләр дә, балалар да авырый. Кыш ае белән чагыштырганда, балалар күбрәк авырый башлады», — диде РИА Новости агентлыгына табиб-инфекционист Евгений Тимаков. Балаларны коронавирустан саклау, аларга чир йоктырмас өчен ата-аналарга ковидтан прививка ясатырга кирәк, дип искәртә табиб.

(Казан, 31 июль, «Татар-информ»). Тиздән Россия хезмәт базарында цифрлы методистлар, педагогик дизайнерлар һәм мәгариф инженерлары кебек белгечләр өчен вакансияләр барлыкка киләчәк. «Мәгариф өлкәсен алсак, мәгълүматларга нигезләнгән мәгариф инженерлары, цифрлы методистлар, педагогик дизайн буенча белгечләр кирәк. Эшчәнлекнең төрле өлкәләрендә күп кенә кызыклы һөнәрләр пәйда булачак», — дип сөйләде РИА Новости агентлыгына «20.35» илкүләм технологик инициатива университетының ректоры, генераль директоры Нина Яныкина. Читать дальше...

(Казан, 31 июль, «Татар-информ»). Бүген иртәнге сәгать дүрттән соң республиканың Буа районы Бик Ути авылы янында юл-транспорт һәлакәте булган. «Татар-информ» агентлыгына шаһитлар сөйләгәнчә, «Лада» автомобиле белән идарә итүче яшь ир-ат «Керү тыела» билгесен бәрдергән һәм юлның ремонт бара торган өлешенә кергән. Автомобильгә шунда ук ут капкан. «Машина белән 25 яшьлек егет идарә иткән. Аның башы бәрелгән һәм ирене ярылган, күкрәге авыртуга зарланган. Аны ашыгыч ярдәм машинасы хастаханәгә алып киткән», — диде шаһитлар.

(Казан, 30 июль, «Татар-информ»). Covid-19 инфекциясенең «альфа», «бета», «гамма» һәм «дельта» штаммнарына вирусның тагын да куркынычрак төрләре өстәлергә мөмкин. «Бөтенроссия сәламәтлекне саклау оешмасы Сovid-19 авыруын китереп чыгаручы вирус үзгәрде һәм үзгәрүен дәвам итә. Борчу тудыра торган дүрт варианты барлыкка килде һәм вирус таралуын дәвам иткәндә тагын барлыкка киләчәк», — диде Женевада оешманың генераль директоры Аданом Гебрейесус. Аның сүзләренчә, соңгы атнада авыручылар арту дельта штамм таралу белән бәйле... Читать дальше...

(Алабуга, 31 июль, «Татар-информ», « Алабуга нуры »). Быел Алабугада Спас ярминкәсе 6, 7, 8 августта узачак. Шулай ук бу көннәрдә Бөтенроссия чаң кагу фестивале дә үткәрелә. Исегезгә төшерәбез, узган ел ярминкә пандемия аркасында үткәрелми калды. Ике ел элек Спас ярминкәсендә 195 мең кеше булган.