په ارزګان کې د خلکو اختریزې میلې په شور او شوق سره لمانځي. دا ولایت چې جګړو ډېر ځپلی، خلک يې درې ورځني اوربند ته ډېر خوښ دي. ارزګان کې یو شمېر خلک د اختر په ورځ اتڼونه کوي، سمیه ییزې سندرې وايي، په ښار او بازارونو کې پلې ګرځي او تمبل وهي. دوی د افغان جګړې له ښکېلو غاړو د دایمي اوربند هيله لري. په دې اړه نور حال په دې ویډیويي راپور کې وګورئ:
اسراییلي الوتکو نن سهار بیا پر غزې بمبارۍ وکړې او د حماس ډلې وسله والو په ځواب کې د اسراییل پر لور توغندي وویشتل. په یوه برید کې یوه نهه پوړې ودانۍ چې د اسوشیټېډ پریس خبري اژانس او څو نورو رسنیو دفترونه په کې وو، نړول شوې ده. فلسطیني روغتیاپالان وایي په یوه هوایي حمله کې لږ تر لږه ۱۰ کسان چې ټول د یوې لویې کورنۍ غړي وو، د غزې په شمال کې او په لویدیځه غاړه کې په پرونیو نښتو کې ۱۱ کسان وژل شوي دي. د اسراییل صدراعظم بنیامین نتانیاهو پرون ماښام په یوه ویډیويي پیغام کې د حماس او نورو فلسطیني ډلو پر ضد د حملو د دوام ګواښ وکړ... Читать дальше...
د عبدالرشید دوستم په مشرۍ د ملي اسلامي جنبش ګوند لسګونه پلویانو نن شنبه (د غويي ۲۵مه) د فاریاب لپاره د نوي والي د ټاکلو په غبرګون کې د ولایت د ودانۍ دروازه بنده کړه. مظاهره چیانو چې د والي د دفتر مخې ته یې د پرلت خېمې وهلي، خبرداری ورکړی چې خپل اعتراض ته به تر هغه دوام ورکړي چې غوښتنې یې ومنل شي. دوی وايي چې د فاریاب د نوي والي په توګه د محمدداوود ټاکنه نه مني. اعتراض کوونکي همدا راز وايي چې په پام کې وه نن ښاغلی داوود خپلې دندې ته حاضر شي خو الوتکې ته یې د کېناستو اجازه ورنه کړل شوه. دولتي چارواکو تراوسه په دې اړه څه نه دي ویلي.
د ایران د ولسمشرۍ په را روانو انتخاباتو کې، د دې هېواد د قضا مشر چې له تُندلارو روحانیونو څخه دی، ځان کاندید کړی. ابراهیم رییسي چې د ایران ستر مذهبي مشر ایت الله علي خامنه یي سره نژدې اړیکي لري نن شنبې د احتمالي کاندیدانو د ثبت په وروستۍ ورځ اعلان وکړ چې د جون د اتمې په انتخاباتو کې به ودرېږي. احتمالي کاندیدان شورای نګهبان تاییدوي او تمه ده چې دا شورا د روانې مې میاشتې په ۲۷مه نېټه د کاندیدانو وروستی فهرست اعلان کړي. د احتمالي کاندیدانو په فهرست کې د پارلمان پخوانی رییس علي لاریجاني چې له... Читать дальше...
د انګلستان د فوټبال دوه نامتو لوبډلې چلسي او لیسټر سیټي نن د انګلستان د 'FA' کپ د لوبو په لړۍ کې د سیالۍ ډګر ته ننوځي. تمه ده چې د کابل پر وخت د شپې په پنځلس کم نهو بجو نژدې ۲۰۰۰۰ کسان د لندن په ویمبلي لوبغالي کې او د نړۍ شااوخوا یو میلیارد خلک پر ټلوېزیونونو د دې لوبې ننداره وکړي. لیسټر سیټې هېڅکله د FA کپ اتلولي نه ده ګټلې، خو چلسي لوبدله که نننۍ لوبه وګټي نو د نهم ځل لپاره به د اتلولۍ کپ ترلاسه کړي.
کونړ کې یو شمېر ځوانانو د کنډو کپر سړکونو او لارو کوڅو د جوړولو لپاره یو ټولنیز کمپاین پیل کړی دی او غواړي له دې لارې خلک د ټولګټو پروژو ساتنې ته وهڅوي. د سړک ترمیم کوونکي رضا کارې ډلې مشر امان الله سالارزی وايي، دا کار يې ځکه پیل کړی چې څو خلک او حکومت په دې وپوهېږي چې سړک جوړول او ساتل غواړي، نو ځکه يې په خپل شخصي لګښت د سړک جوړولو ته لستوڼې بډ وهلي دي . سالارزي زیاته کړه: "موږ دا کار د دې لپاره پیل کړی څو خلک او حکومت په دې پوه شي چې د سړکونو جوړول او ساتل د ټولو شریک کار دی او باید وساتل شي. Читать дальше...
د افغانستان روغتیا وزارت وایي، د دوی له لارښونو سره- سره بیا هم خلکو د کوچني اختر په ورځو کې د لیدنو او يو بل کره د تګ راتګ پر مهال د کرونا وبا د مخنیوي په هدف روغتیایي لارښوونې سمې په پام کې نه دي نيولي. د عامې روغتيا وزارت مرستيال ميرويس عليزي د شنبې (د غويي ۲۵مه) په ورځ ازادي راډيو ته وويل، وضعيت ته په پام ښايي تر اختر وروسته په دې ويروس د اخته کسانو شمېر زيات شي. عليزي زیاته کړه: "زه له خلکو هیله کوم چې د روغتیا وزارت پیغامونه په پام کې ونیسي، اوس د اختر په ورځو کې کم خلک د کرونا ویروس ټېسټ... Читать дальше...
په وروستیو دوه اونیو کې د برېښنا د ۱۳ پایو له الوځولو وروسته اوس د افغانستان برېښنا شرکت له امنیتي ارګانونو او خلکو د برېښنا د پایو د ساتنې په تړاو همکاري غواړي. د دغه شرکت ویاند سنګر نیازي د شنبې (د غويي ۲۵مه) په ورځ ازادي راډیوته وویل چې دغه پایې په وروستیو دوه اونیو کې د ماینونو په وسیله الوځول شوي دي. ښاغلي نیازي زیاته کړه: "په وروستیو دوه اونیو کې د برېښنا ۱۳ پایې د افغانستان د دښمنانو له خوا الوځول شوي دي، باید وویل شي چې د الوځول شوېو پایو د هرې یوې په بېرته رغونې سل زره امریکایي ډالر... Читать дальше...
د افغانستان د بهرنیو چارو وزیر محمد حنیف اتمر پر فلسطینیانو د اسراییلو وروستۍ حملې غندلي او ویلي یې دي چې دا تاوتریخوالی د منلو وړ نه دی. په هغه بیان کې چې د بهرنیو چارو وزارت نن خپور کړ راغلي چې ښاغلي اتمر د فلسطین د بهرنیو چارو له وزیر ریاض المالکي سره په ټیلیفوني خبرو کې د روژې او اختر په ورځو کې پر فلسطینیانو د حملو او یرغلونو دوام غندلی او په دې سیمه کې د تاوتریخوالي د سمدستي بندیدو غوښتنه یې کړې. د اسراییلو پوځ له تېرو څو ورځو راهیسې د غزې پر تړانګه هوايي حملې کړي چې په ترڅ کې یې د... Читать дальше...
اروپايي ټولنې پر روسیې له دې کبله انتقاد کړی چې امریکا او چک جمهوریت یې غیر دوست هېوادونه نومولي دي. د روسیې حکومت پرون د مې په څوارلسمه نېټه د غیردوست هېوادونو لېست خپور کړ او ژمنه یې وکړه چې که نور هېوادونه هم غیر دوستانه چلند وکړي نو پر وړاندې به یې ورته اقدام وشي. د دې نومونې په نتیجه کې امریکا په روسیه کې په خپل ډیپلوماتیک ماموریت کې سیمه ییز کار کوونکي نه شي ګومارلی او د چک جمهوریت لپاره د سیمه ییزو کار کوونکو پر شمېر محدودیت لګول کېږي. د اروپايي شورا مشر شارل مایک نن شنبې د روسیې... Читать дальше...
په اوکراین کې نن په دوهمه نړیواله جګړه کې د یهودانو د ګڼې وژنې د یوې لویې پېښې په یاد له لرګیو جوړه کنیسه پرانیستل شوه. د اوکراین صدراعظم دینیس شمیهال Denys Shmyhal په بابین یار دره کې د دې یادګاري ودانۍ د پرانیستو پر مهال وویل دا سمبولیکه کنیسه د ټولو هغو کسانو یاد ته د درناوي لپاره ده چې په هغه سیمه کې وژل شوي دي. دا یهودي عبادتځای چې د یوه پرانیستي کتاب په بڼه جوړ شوی په نقشونو او لیکلو دعاګانو ډیزاین شوی دی او دننه د لویدیځ اوکراین د لرغونو کنیسو په بڼه جوړ شوی دی. د دې کنیسې د پرانیستو... Читать дальше...
له طالبانو د یوې جلا شوې ډلې مرستیال ملا عبدالمنان نیازی د کابل په یوه روغتون کې ومړ. د هرات یوه سیمه ییز چارواکي چې نه غواړي هویت یې افشا شي او د نیازي د کورنۍ غړو له ازادي راډیو سره په خبرو کې دا خبر تایید کړی دی. عبدالمنان نیازی تېره اوونۍ په یو برید کې له سخت ټپي کېدو وروسته لومړی د هرات حوزوي روغتون او وروسته کابل ته ولېږدول شو. د هرات د سیمه ییزو چارواکو په وینا نیازی د نامعلومو وسله والو په برید کې ټپي شوی و. د ملا محمدرسول په مشرۍ له طالبانو جلا شوې ډلې په ۲۰۱۵ کال کې خپل موجودیت اعلان کړ.
د هلمند ولایت په نهر سراج ولسوالۍ کې یو مکتب سوځول شوی. د هلمند د امنیه قوماندانۍ ویاند زمان همدرد په یو بیان کې چې نن خپور شو ویلي چې د نهر سراج ولسوالۍ د سمینار سیمې ښوونځی تېره شپه د نامعلومو وسله والو له خوا وسوځول شو. ښاغلی همدرد وايي چې وسله والو د ښوونځي ودانۍ او کتابونو ته اور اچولی. په هغو تصویرونو کې چې له دې بیان سره یوځای استول شوي ښکاري چې د درسي کتابونو ترڅنګ د قرآنکریم نسخې هم سوځېدلي. د افغانستان په ناامنه سیمو، په تېره په جنوبي ولایتونو کې مخکې له دې هم ښوونځي سوځول شوي خو مسوولیت یې تر ډېره چا نه دی منلی.
په قطر کې د افغان دولت او طالبانو د مرکچي پلاوو له پرونۍ کتنې وروسته اوس د افغانستان د ملي مصالحې عالي شورا وايي، د هېواد روانه کشاله د خبرو له لارې حل کېدونکې ده. د دې شورا ویاند فریدون خوځون نن ازادي راډيو ته وویل، افغان مرکچي پلاوی د خبرو لپاره پوره چمتوالی لري. خوځون زیاته کړه:" د افغانستان د روانې کشالې د حل لپاره د خبرو دوامداراه او مانا داره دوام دی، د افغانستان اسلامي جمهوریت کاملاً چمتو دی چې دا خبرې پرمخ یوسي او موږ په دې عقیده یو چې جګړه د حل لاره نه ده او بايد تمرکز په خبرو ډېر شي. Читать дальше...
د اسرایلو او حماس وسله والې ډلې ترمنځ بېګا د جګړې پنځمه شپه وه. د فلسطین روغتیایي چارواکو ویلي، د شپې پرمهال د غزې په شمال کې د هوایي بریدونو له کبله لږ تر لږه ۱۲ تنه وژل شوي. پرون هم فلسطیني چارواکو وویل چې په لویدیځه غاړه کې د اسراییلي پولیسو او فلسطیني مظاهره کوونکو ترمنځ اخ او ډب کې ۱۱ تنه وژل شوي او پنځوس نور په ربړۍ او اور غورځونکو ګولیو ټپيان شوي دي. د شپې په اوږدو کې د اسراییل په دوو لویو جنوبي ښارونو کې د خطر زنګونه وهل کېدل او د حماس له خوا د توغندیو د ویشتلو خبرداری یې ورکاوه. ... Читать дальше...
د کونړ په مرکز او ولسوالیو کې خیاطان وايي، د پخوانیو کلونو پرتله یې د کار او بار بازار سوړ و. د مرکز اسعداباد کې محمد نقیب د جامو، پکولونو او واسکټ ګنډلو هټۍ لري وایي: "تېرو اخترونو کې موږ ۱۰۰-۱۵۰ جوړې جامې ګنډلې، خو اوس ۵۰-۶۰ جوړه جامې ګنډو، حالات خراب شوي او امنیت هم نشته، جګړو د خلکو اقتصاد کمزوری کړی دی." د اسعداباد ښار یو بل هټیوال محمد اسماعیل هم ورته ستونزه لري: "سږکال جګړو زور اخیستی، خلک يې غربت سره مخ کړي، تېر کال به موږ په ورځ کې ۱۵-۱۸ جوړه جامې ګنډلې، خو سږ کال دغه اندازه یوازې ۸... Читать дальше...
اسراییل نن پر غزې وروسته له هغه بریدونه سخت کړل چې په لویدیځه غاړه او له لبنان سره پر پوله نښتې وشوې. اسراییلي الوتکو نن سهار بیا پر غزې بمبارۍ وکړې او د حماس ډلې وسله والو په ځواب کې د اسراییل پر لور توغندي وویشتل. فلسطیني روغتیاپالان وایي په یو هوایي برید کې د غزې په شمال کې لږ تر لږه ۷ تنه وژل شوي دي. د اسراییل صدراعظم بنیامین نتانیاهو پرون ماښام په یوه ویډیويي پیغام کې د حماس او نورو فلسطیني ډلو پر ضد د حملو د دوام ګواښ وکړ: " ما ویلي چې موږ به د حماس او نورو تروریستي ډلو پر ضد حملې ډېرې سختې کړي او موږ به دې کار ته دوام ورکړو. Читать дальше...
تر پنځوسو د ډېرو هېوادونو او لویو ټکنالوژي کمپینو استازیو نن په انلاین غونډه کې پر دې خبرې وکړې چې څرنګه په انټرنټ کې ممکنه ده چې د بیان ازادي خوندي شي او د افراطيانو د تبلیغاتو مخه ونیول شي. دا غونډه د هغو نړیوالو هڅو برخه ده چې د فرانسې ولسمشر امانویل مکرون او د نیوزیلنډ صدراعظمې جاسیندا اردیرن د دوی پر هېوادونو له خونړیو بریدونو وروسته چې پر ټولنیزو رسنیو خپرې شوې، پیل کړې. په نیوزیلنډ کې دوه کاله مخکې یو سپین پوستي توکمپالي یو پنځوس مسلمانان په جوماتونو کې ووژل او دا برید یې د فیسبوک له لارې په ژوندۍ بڼه خپور کړ. Читать дальше...
د چین فضایي بیړۍ نن په بریالیتوب د مریخ پر غولي خپل روبات ښکته کړ. دا د چین او د دغه هیواد د فضایي پروګرام لپاره یوه تاریخي لاسته راوړنه ده. د چین 'سي.سي.ټي.وي' دولتي ټلوېزیون د مریخ پر غولي د دې روبات د کښیناستو راپور ورکړ. د دغهّ هېواد د رسمي اژانس سینهوا په وینا، د ( تیان وین-یو) په نوم فضایي بیړۍ مریخ ته ورسېده او دا لومړی ځل دی چې د چین یو روبات پر دې سیارې کښیني. د ژورونګ په نوم روبات چې شپږ پښې لري، نژدې درې میاشتې به په مریخ کې تیرې کړي او له هغه ځایه به د کاڼو سیمپلونه د څیړنې لپاره مځکې ته راوړي.
د پاکستان د بهرنیو چارو وزیر شاه محمود قریشي وایي، د افغانستان د جګړې ښکیلې خواوې باید دایمي اوربند ته هڅې روانې وساتي. قریشي پرون له خپل افغان سیال محمد حنیف اتمر سره د ټیلیفوني خبرو پرمهال د اختر د درې ورځنی اوربند هرکلی هم وکړ. د پاکستان د بهرنیو چارو وزارت د خبرپاڼې له مخې ښاغلي قریشي ویلي: "بین الافغاني خبرو جامع او هر اړخیز سیاسي جوړجاړي ته تاریخي فرصت برابر کړی دی." پاکستان د سولې خبرو کې افغان چارواکو ته د همکارۍ ډاډ ورکړی، خو افغان لوری د دوی په خبرو بې باوره دی. د اختر په... Читать дальше...
د اختر په لومړۍ او دویمه ورځ د خلکو له راټولېدو سره-سره افغانستان کې د کرونا مثبتې پېښې نسبتًا کمې ثبت شوي. د عامې روغتیا وزارت مرستیال ویاند میرویس عليزي پرون جمعه ازادي راډیو ته د تېرو ۲۴ ساعتونو د کرونا ارقام داسې په ګوته کړل: "تېرو ۲۴ ساعتونو کې د هېواد په دولتي او خصوصي روغتونونو کې د ۵۶۶ مشکوکو کسانو ټېسټ شوي چې له دې شمېر ۷۰ تنه مثبت دي. په دې سره په کرونا ناروغۍ د اخته کسانو شمېر ۶۳۴۱۹ تنو ته ورسېد. دې موده کې ۱۵ تنه روغ شوي او ۶ تنو ژوند له لاسه ورکړی." عامې روغتیا وزارت د اختر په لومړۍ ورځ د کرونا مثبتې پیښې ۲۶۱ اعلان کړې وې. Читать дальше...
د کورنیو چارو سرپرست وزیر د غور امنیتي او دفاعي چارواکو ته د دولت د وسله والو مخالفانو د تهاجمي تحرکاتو د جدي ځواب سپارښتنه وکړه. حیات الله حیات چې تردې مخکې په هرات کې و، په غور کې د امنیتي وضعیت د ارزونې پرمهال دا سپارښتنه کړې ده. غور چې له نارامو ولایتونو هلمند او فراه سره ګډه پوله لري، وروستیو څو اونیو کې د ناامنیو د څو پیښو شاهد و. په یوه تازه پېښه کې د فیروز کوه دننه یوه نفوذي کس په یوه پوسته کې څلور پولیس ووژل او په تېښته بریالی شو.
د جرمني یو شمېر دیپلوماتانو، پوځي افسرانو او پوهانو له خپلو چارواکو د هغو افغانانو لاسنیوی غوښتی چې جرمنیانو سره یې افغانستان کې کار کړی دی. په یوه لیک کې چې یوه کاپي یې 'ډي.پي.اې' اژانس ته رسیدلې راغلي، طالبانو ښکاره خبرداری ورکړی چې افغانستان کې به د لویدیځوالو د همکارانو پر وړاندې اقدام کوي. د لیک په دوام کې راغلي، باید ژر تر ژره هغه افغانان جرمني ته انتقال شي چې تېرو دوو لسیزو کې یې له جرمني ځواکونو سره کار کړی دی. وړاندې راغلي، که داسې اقدام نه کېږي، په دې معنا ده چې جرمني خپل پخواني همکاران له کومې دفاعي وسیلې پرته یوازې پریږدي. Читать дальше...
په ایران کې د اصلاحپالو یوه وتلي شخصيت او سوداګر سید مصطفی تاجزاده، د دغه هېواد د ولسمشرۍ ټاکنو د کاندیداتورۍ لپاره نوملیکنه وکړه. تاجزاده چې ۶۴ کلن دی، د ایران په کورنیو چارو وزارت کې د خپل نوم تر ثبتولو وروسته وویل، د بریا په صورت کې به په نظام کې اساسي بدلونونه راولي: "زه د امریکا او روسیې پر خلاف د ګرانبیه بهرني سیاست مخالف یم. موږ به د خبرو اترو او روغې جوړې لوری خوشې نه کړو، حتی که مقابل لوری له موږ سره جګړه هم غواړي." سید مصطفي تاجزاده د ایران د پخواني ولسمشر محمد خاتمي په اداره کې... Читать дальше...
د اسراییل هوايي ځواک پرون جمعه پر غزه خپلې حملې لا پسې شدیدې کړي. راپورونه وايي، په دغو حملو کې چې په پرله پسې ډول یې ۴۰ دقیقې دوام وکړ، ۱۳ کسان وژل شوي دي. په غزه کې روغتیايي چارواکي وايي، په وژل شویو کې یوه مور او د هغې درې ماشومان هم شامل دي. بل خوا اسراییل وايي، د درنو حملو هدف، د هغې سمڅې له منځه وړل وو چې د حماس ډلې افراطي وسله والو د تګ راتګ لپاره ترې استفاده کوله او راکټونه یې لېږدول. د حماس ډلې له خوا هم د اسرائیل پر جنوب راکټي حملې روانې وې. د فلسطین روغتیايي چارواکي وايي،... Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.