روغتیا وزارت: تېر شپه او ورځ کې کرونا ۶ تنه مړه کړي او ۷۰ پرې اخته دي
د عامې روغتیا وزارت مرستیال ویاند میرویس عليزي پرون جمعه ازادي راډیو ته د تېرو ۲۴ ساعتونو د کرونا ارقام داسې په ګوته کړل: "تېرو ۲۴ ساعتونو کې د هېواد په دولتي او خصوصي روغتونونو کې د ۵۶۶ مشکوکو کسانو ټېسټ شوي چې له دې شمېر ۷۰ تنه مثبت دي. په دې سره په کرونا ناروغۍ د اخته کسانو شمېر ۶۳۴۱۹ تنو ته ورسېد. دې موده کې ۱۵ تنه روغ شوي او ۶ تنو ژوند له لاسه ورکړی."
عامې روغتیا وزارت د اختر په لومړۍ ورځ د کرونا مثبتې پیښې ۲۶۱ اعلان کړې وې.
له دې وړاندې چارواکو په وار- وار ویلي، د کرونا غیر رسمي شمېرې زیاتې دي، ځکه په خبره یې ډېر کسان په اسانه د معایناتو لپاره روغتونونو ته نه ځي.