(Казан, 21 июнь, «Татар-информ», Марат Ишкильдин). Татарстан Республикасына бер тәүлектә 23 рейста 2 меңгә якын пассажир килде. Алар очып килгәч тә санитар-эпидемиологик контроль узды. Бу хакта «Татар-информ» мәгълүмат агентлыгында узган матбугат конференциясендә Роспотребнадзор идарәсенең Татарстан буенча җитәкчесе урынбасары Любовь Авдонина хәбәр итте. «Бер тәүлектә Россия субъектларыннан 23 рейс килде. Барлыгы 1 992 кеше тикшерелде. Санитар-карантин контроле барышында яңа коронавирус инфекция симптомнары, шулай ук температура сы булган затлар ачыкланмаган», — диде Любовь Авдонина. «Казан» һәм «Бигеш» аэропортларында рейсларны карантин контроле дәвам итә, алар илнең барлык почмакларыннан килә. Әлегә республикада эчке рейсларны гына каршы алалар, чөнки халыкара рейсларга рөхсәт бирелмәгән.
