Яшел Үзәндә йорт территориясе яшелләндерелгән һәм төзекләндерү эшләре үткәрелгән
(Яшел Үзән, 14 июль, «Татар-информ»). «Рослесозащита» ФБУ филиалы — Татарстан Урманнарны яклау үзәге хезмәткәрләре Яшел Үзән шәһәренең Бакый Урманче урамы буенча урнашкан йорт территориясен яшелләндерү һәм төзекләндерү эшләрен үткәргән. Бу турыда Татарстан урман хуҗалыгы министрлыгы матбугат хезмәте хәбәр итә. Чара Бөек Ватан сугышында Җиңүнең 75 еллыгы уңаеннан Хәтер һәм Дан елы кысаларында үткәрелгән. Әлеге йортта федераль программа ярдәмендә торак шартларын яхшырта алган Бөек Ватан сугышында катнашучылар яши. Филиал хезмәткәрләре көче белән барлыгы 25 данәдән артык юкә үсентесе утыртылган.