Татарстан галимнәре фән турында федераль закон барлыкка килүгә өметләнә
(Казан, 3 июнь, «Татар-информ»). Татарстан галимнәре фән турында закон барлыкка килүгә өметләнә, чөнки фәнгә дәүләт ярдәме күрсәтү турында Конституциягә кертеләчәк яңа төзәтмәләр тармакның абруен арттырачак. Бу хакта Татарстан Фәннәр академиясе президенты Мәгъзүм Сәлаховка сылтама белән «Парламентская газета» яза.
«Шулай ук без Төп законга үзгәрешләр керткәннән соң, фән турында яңа федераль закон да барлыкка килер дип өметләнәбез», — диде Сәлахов.
Аның сүзләренчә, Конституциядә фәннең роле турында аерым телгә алу, галимнәрнең дә, илнең бөтен фәнни җәмәгатьчелегенең дә абруен һәм җаваплылыгын арттырачак.
Әгәр ил белемнәргә һәм яңа технологияләргә таянса, көчле һәм уңышлы булачак, дип өстәде Мәгъзүм Сәлахов.