Новости за 29.04.2021

(Актаныш, 29 апрель, «Татар-информ», « Актаныш-информ »). Бүген Бөтенроссия күләмендә Бөек Ватан сугышы темасына багышланган «Җиңү диктанты» тарихи акциясе узды. Аңа Актаныш районы да кушылып, сәләтле балалар өчен гуманитар гимназия-интернат, Актанышның 1нче урта мәктәбе, кадет интернат-мәктәбе базаларында югары сыйныф укучылары, укытучылар, җәмәгатьчелек активы үзләренең белемнәрен сынап карады. Киң җәмәгатьчелекне Бөек Ватан сугышы тарихын өйрәнүгә җәлеп итү, тарихи грамоталылыкны күтәрү, яшь буынга... Читать дальше...

(Казан, 29 апрель, «Татар-информ»). Туры эфирда Казан мэры Илсур Метшин быел Татарстанда игълан ителгән Туган телләр һәм халык бердәмлеге елы уңаеннан булган сорауга җавап бирде. Башкалада яшәүче берәү аның кул астында эшләүчеләре татар телен беләме икәнлеге белән кызыксынды. Шулай ук шәһәр башлыгына, хезмәткәрләре белмәсә, туган телне өйрәнергә «мәҗбүр итәргә» киңәш итте. «Әлбәттә, мәҗбүр итәргә була, әмма кеше телне үзе теләп өйрәнсә, нәтиҗәлерәк», — дип искәртте Метшин. Мисал итеп Илсур Метшин үзе турында сөйләде. Читать дальше...

(Казан, 29 апрель, «Татар-информ»). 2021 елда Татарстанда 35 бала тудыру бүлеген, бала тудыру йортын һәм перинаталь үзәкне дезинфекцияләү планлаштырыла. Бу хакта ТР Сәламәтлек саклау министрлыгының матбугат хезмәте хәбәр итә. Казан медуниверситеты клиникасында эшләр 12 апрельдә тәмамланды, кабат алар 22 октябрьдән 11 ноябрьгә кадәр узачак. Республика клиник хастаханәсенең перинаталь үзәгенең обсервация бүлеге 10 майдан 31 майга кадәр дезинфекцияләнәчәк. Клиниканың матбугат хезмәтендә «Татар-информ» үтенече буенча ачыклауларынча... Читать дальше...

(Казан, 29 апрель, «Татар-информ»). Бүген Тукай районында Иске Зирекле авылы янында юл-транспорт һәлакәте булган. Бу хакта «Татар-информ»га Чаллыдагы үз хәбәрчесе хәбәр итте. Hyundai машинасы шоферы Түбән Суыксу авылы ягыннан килгәндә, сулга - Иске Зирекле авылы юлына борылырга җыенган. Арттан барган «Лада» шулвакыт узып китәргә чыккан һәм машиналар бәрелешкән. Бәрелүдән «Лада» трассадан кюветка төшеп киткән һәм берничә тапкыр әйләнеп капланган. Авариядә «Лада» салонындагы өч кеше зыян күргән,... Читать дальше...

(Казан, 29 апрель, «Татар-информ», Рәмис Латыйпов). «Татар-информ» агентлыгының баш редакторы Ринат Билалов Татарстан мөфтие Камил хәзрәт Сәмигуллинның Рәхмәт хаты белән бүләкләнде. Бүләкне мөфти Диния нәзарәтенен журналистлар өчен оештырылган ифтарында тапшырды. Җәмгыятьтә ислам диненең традицион кыйммәтләрен тарату, дини белем һәм тәрбия бирүдә мәгълүмати ярдәм күрсәткәнегез өчен олы рәхмәтемне җиткерәм, диелә мөфти котлавында. Ринат Билалов мөфтинең һәм мөфтиятнең матбугат хезмәте журналистларга ачык булуын билгеләп үтте. Читать дальше...

(Казан, 29 апрель, «Татар-информ»).Татарстан парламенты башлыгы Фәрит Мөхәммәтшин шәһәр һәм районнарда Туган телләр һәм халыклар бердәмлеге елы чараларын гамәлгә ашыру буенча эшне көчәйтергә чакырды. Бу хакта ТР Халыклар ассамблеясе Советы рәисе ассамблея филиаллары җитәкчеләре белән очрашуда белдерде, дип хәбәр итә ТР Дәүләт Советы матбугат хезмәте. Фәрит Мөхәммәтшин сүзләренчә, Татарстанда игълан ителгән Туган телләр һәм халыклар бердәмлеге елында милләтара тынычлыкны һәм татулыкны саклауны, туган телләрне өйрәнү буенча эшне көчәйтергә кирәк.

(Казан, 29 апрель, «Татар-информ»). Ольга Редько Татарстанның Сатып алулар буенча дәүләт комитеты рәисе вазифасыннан азат ителде. Тиешле указга Татарстан Президенты Рөстәм Миңнеханов кул куйды. «Редько Ольга Андреевнаны үз теләге белән Татарстан Республикасының Сатып алулар буенча дәүләт комитеты рәисе вазифасыннан азат итәргә», — диелә документта. Ольга Редько бу вазифаны 2014 елдан бирле башкарып килде.

(Казан, 29 апрель, «Татар-информ», Гадел Әхмәтҗанов). Татарстанда бүгенге көнгә татарча элмә такталардагы иң күп хаталар табылган муниципаль берәмлекләр билгеле булды. «Чаллы алда, аннан бүгенге көндә сиксәнгә якын гариза килде. Икенче урында Лениногорск районы, өченчедә — Казан. Бүген генә Азнакайдан 5-6 гариза килде. Башка районнарда күп түгел. Мәсәлән, Бөгелмә, Түбән Камадан хаталы элмә такталар турында 7-10 гариза гына теркәлгән», — диде Г. Ибраһимов исемендәге Тел, әдәбият һәм сәнгать институты... Читать дальше...

(Казан, 29 апрель, «Татар-информ»). Әлмәттә Ленин урамында урнашкан торак йортның бер фатирында янгын чыккан. Бу хакта «Татар-информ» мәгълүмат агентлыгына ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр. Янгын турында хәбәр 101нче янгын сагы номеры буенча дүртенче яртыда алынган. Бинаның дүртенче катындагы фатирда кухняда һава суыру торбасына ут капкан. Янгын сүндерүчеләр фатирда ике өлкән яшьтәге кешене аңсыз килеш табып ала. Аларны ашыгыч ярдәм бригадасына тапшыралар. Читать дальше...

(Казан, 29 апрель, «Татар-информ», Гөлнар Гарифуллина). Май бәйрәмнәре арасында — 4-7 майда Татарстан мәктәпләре һәм балалар бакчаларында дежур төркемнәр булачак. РФ Президенты Указы нигезендә, 4, 5, 6, 7 май көннәре эшләми торган көннәр итеп билгеләнде. «1-10 майда мәктәпләр эшләми, ләкин башлангыч сыйныфлар өчен дежур класслар ачу ихтыяҗы туса, ачарга була. Ә балалар бакчаларында шушы көннәрдә андый төркемнәр кирәкме-юкмы икәнлеген ачыклыйбыз. Әгәр дә кирәк булса, һичшиксез, әти-әниләр теләсә,... Читать дальше...

(Казан, 29 апрель, «Татар-информ», Рәмис Латыйпов). Быел Татарстанда IX республикакүләм ифтар «Казан Экспо» халыкара күргәзмә үзәгендә 11 майда уза. Аның сыйдырышлыгыннан чыгып, чарада 5 мең кеше катнашыр дип көтелә, диде мөфти Камил хәзрәт Сәмигуллин журналистлар өчен Диния нәзарәте оештырган ифтарда. Былтыр, пандемия булу сәбәпле, республикакүләм ифтар узмады. Аңа кадәр Татарстан күләмендәге чаралар гадәттә «Казан Арена»да уза иде. 2019 елда узган җиденче ифтарда 15 мең кеше катнашкан иде. «Кызганыч... Читать дальше...

(Казан, 29 апрель, «Татар-информ», Гадел Әхмәтҗанов). Татарстанда 1 февральдән татар телендә хаталы элмә такталар табучылар арасында бәйге бара. Бүгенге көнгә өч йөздән артык шундый такта табылган. «Статистиканы атна саен яңартып торабыз. Узган атна мәгълүматлары буенча, хаталы язмалар турында барлыгы 267 гариза килгән. Бу атна дәвамында якынча 50 гариза килде. Шул рәвешле, 1 февральдән алып, бүгенгәчә „Халык контроле“ системасында өч йөздән артык гариза теркәлгән», — диде Г. Ибраһимов исемендәге Тел... Читать дальше...

(Казан, 29 апрель, «Татар-информ»). Татарстанда тагын өч кеше коронавирус инфекциясеннән үлгән. Алар1936 һәм 1945 елгы ике хатын-кыз һәм 1949 елгы ир-ат. «Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — диелә ТР Сәламәтлек саклау министрлыгы хәбәрендә. 29 апрельгә республикада Covid-19 вирусыннан 461 үлем очрагы теркәлгән.

(Казан, 29 апрель, «Татар-информ»). Ял көннәрендә салкын атмосфера фронты Татарстанга яшенле яңгыр һәм көчле җил китерәчәк. Бу ТР Гидрометеорология үзәге тарафыннан таратылган фараздан күренә. Иртәгә, 30 апрельдә, республика антициклон йогынтысында булачак. Явым-төшем көтелми, алмашынучан болытлы һава торышы була. Көньяктан һәм көньяк-көнбатыштан талгын җил исәчәк. Төнлә һава температурасы + 3, -2 градуска кадәр төшә, көндез +12, +17 градуска кадәр җылыта. Шимбә, 1 май төнендә, төбәк территориясендә... Читать дальше...

(Казан, 29 апрель, «Татар-информ»). Бүген Татарстан Президенты Рөстәм Миңнеханов Таҗикстан Республикасы Премьер-министры Каһир Рәсүлзадә белән очрашты, дип хәбәр итә республика җитәкчесенең матбугат хезмәте. Очрашуда машина төзелеше, химия һәм химия өлкәсе җитештерүе, ягулык- энергетика өлкәсе, медицина һәм сәламәтлек саклау, туризм һәм мәгариф өлкәләрендә хезмәттәшлекнең перспектив юнәлешләре турында фикер алыштылар. 2020 ел нәтиҗәләре буенча Татарстан Республикасы белән Таҗикстан Республикасы арасында... Читать дальше...

(Казан, 29 апрель, «Татар-информ», Гөлнар Гарифуллина). Татарстанның мәгариф һәм фән министры Илсур Һадиуллин «Җиңү диктанты» сорауларын кызык дип бәяләде. Бүген ул Казанның 98 нче мәктәбендә шушы диктантны язды. «Җиңү диктанты» сораулары кызык. Икеләнмичә җавап бирер өчен яңадан бер карап чыгарга кирәк булган икән дип уйладым әле менә. Сорауларга килгәндә, мәсәлән, Муса Җәлилнең өч шигыре бирелгән. Берсе нигезендә дүрт җавап каралган. «Моабит дәфтәре» дигән җавапны сайладым, дөрес дип уйлыйм»... Читать дальше...

(Казан, 29 апрель, «Татар-информ»). Татарстанга Төрекмәнстан Премьер-министры урынбасары Сердар Бердымөхәммәдов килде. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте. Г.Тукай исемендәге Казан халыкара аэропортында мәртәбәле кунакны Татарстан Премьер-министры Алексей Песошин каршы алды, диде агентлык әңгәмәдәше. Сердар Бердымөхәммәдов Төрекмәнстанның хәзерге Президенты Гурбангулы Бердымөхәммәдовның бердәнбер улы. Ул 29 һәм 30 апрельдә Татарстан башкаласында... Читать дальше...

(Казан, 29 апрель, «Татар-информ», Гөлнар Гарифуллина). Бүген Татарстанның мәгариф һәм фән министры Илсур Һадиуллин Казанның 98 нче мәктәбендә «Җиңү диктанты»н язды. «Бу зур акция. Тарихыбызга мәхәббәтебезне күрсәтү, минемчә, Җиңү алдыннан изге эш», — диде. Тест рәвешендә 25 сораулык диктантка 45 минут вакыт бирелде. «Шушы көннәрдә әтиләребез, бабаларыбыз, Cоветлар союзы халкының зур героик куйган көчләрен искә төшерү, аларның батырлыгына соклану өчен языла торган диктант бу. Тарихны искә алмасак... Читать дальше...

(Казан, 29 апрель, «Татар-информ», Гадел Әхмәтҗанов). Быел Татарстанда «Аеклык ноктасы» («Точка трезвости») проектында авыр тормыш хәлендә калган 74 гаиләдән 80 кеше катнаша. Әлеге гаиләләрдә 133 бала тәрбияләнә. «Быелның беренче кварталы нәтиҗәләре буенча, 25 ата-ана эшкә урнаштырылды, 11 гаилә йортында төзекләндерү эшләре башкарылды, 5 гаиләгә җиһазлар һәм көнкүреш техникасы сатып алынды, 2 гаиләгә торакның санитар нормаларын яхшыртуда ярдәм күрсәтелде», — диде Татарстан хезмәт, халыкны эш белән... Читать дальше...

Нурлатские автоинспекторы в составе 6 экипажей патрульно-постовой службы провели профилактическое мероприятие «Тоннель 2021» по улице Советская.

(Казан, 29 апрель, «Татар-информ»). Бүген Татарстан Республикасы Президенты Рөстәм Миңнеханов Үзбәкстан Республикасы Премьер-министры Абдулла Арипов белән очрашты, дип хәбәр итә республика җитәкчесенең матбугат хезмәте. Татарстанда Абдулла Арипов Евразия хөкүмәтара советы утырышында катнашачак. Узган ел нәтиҗәләре буенча Татарстан һәм Үзбәкстанның тышкы сәүдә әйләнеше 156,5 млн долларга җиткән, күбесенчә экспорт (127 млн доллар). «Хәзер бездә хезмәт ресурсларына ихтыяҗ зур», - диде Рөстәм Миңнеханов очрашуда. Читать дальше...

(Казан, 29 апрель, «Татар-информ»). Татарстан Мәгариф һәм фән министрлыгының матбугат хезмәте май бәйрәмнәрендә балалар бакчалары, мәктәпләр һәм көллиятләрнең эш тәртибе турында хәбәр итте. Россия Президенты Владимир Путинның «Россия Федерациясе территориясендә 2021 елның май аенда эшләми торган көннәр билгеләү турында» 2021 елның 23 апрелендәге 242 номерлы Указы нигезендә, балалар бакчалары, мәктәпләре һәм көллиятләре 1 майдан 10 майга кадәр ял итәчәк. Көллият студентлары һәм мәктәп укучылары 1-10 майда укымый. Читать дальше...

27  пакетов  с  бытовым мусором - таков  результат природоохранного мероприятия  трудового коллектива  Нурлатского  автотранспортного  предприятия   в рамках  санитарно-экологического двухмесячника и республиканской акции «Эковесна-2021».

(Казан, 29 апрель, «Татар-информ», Гадел Әхмәтҗанов). «Чаян» юмор һәм сатира журналының баш рәссамы Александр Алешин карикатура ясарга рөхсәт ителмәгән темаларны атады. «Дөрес, хәзер цензура булмаса да, тоемлау хисе бар. Нәрсә ярамаганын үзебез сизәбез. Мәсәлән, инвалидлардан, диннән көләргә ярамый. Бу темаларга кагылмаска тырышабыз. Сәясәт турында язабыз. Америка президентын да тәнкыйтьләгәнебез булды. Коррупция, эчкечелек темаларын да яктыртабыз. Ләкин шаяртулар конкрет кешегә карамый», — диде карикатурачы «Интертат»ка  интервьюда . Читать дальше...

(Казан, 29 апрель, «Татар-информ»). Пенза өлкәсенең Урта Әләзән авылында беренче тапкыр «Татар шамаилендә мәчет образы» күргәзмәсе тәкъдим ителгән. Россия Мөфтиләр шурасы сайтында хәбәр ителгәнчә, банкетлар залындагы күргәзмәне Россия мөселманнары Диния нәзарәте, Мәрҗани фонды һәм «Мансаф шамаиле» проекты оештырды. Гадәт буенча, татар шамаилләре фольгада башкарыла һәм пыяла астына урнаштырыла. Әмма «Мансаф шамаиле» мәрмәр вагы белән яки тиредә эшләнә, ә аннары махсус агач яссылыкка төшерелә. Бу — аның үзенчәлеге. Читать дальше...