Новости за 16.03.2021

(Казан, 16 март, «Татар-информ», Рузилә Мөхәммәтова). Туфан Миңнуллин исемендәге Татар дәүләт драма театры «Әлдермештән Әлмәндәр» спектаклен Казан тамашачысына күрсәтте. Тинчурин театры залында Түбән Кама театрының ике көнлек гастрольләре бара. Театр Казанга ике спектаклен алып килде. Ул аларны көнгә икешәр тапкыр уйный. «Туфанның үзенә бу спектакль ошар иде дип уйлыйм. Үз әсәре буенча куелган спектакльләрне ошатмаган чагы булмады аның. Театр алынган икән, ул үз мөмкинлекләреннән чыгып уйный дип саный һәм авыр сүз әйтми иде»... Читать дальше...

(Минзәлә, 16 март, «Татар-информ», «Минзәлә-информ» , Илшат Вагыйзов). Минзәлә гимназиясенең «Сәяр» труппасы Татарстанда үткәрелгән «Сәйяр» фестивалендә гран-при яулады. Фестиваль онлайн-форматта узды «Быел Муса Җәлилнең «Вәхшәт» шигырен сәхнәләштердек, гран-прига лаек булдык. Әйтергә кирәк, әлеге әсәрне сәхнәләштерү күп көч таләп итте, 3 ай буена әзерләдек. «Әле беркемнең дә Муса Җәлилнең «Вәхшәт» шигырен шулай сәхнәләштерүгә алынганы юк иде, зур эш башкаргансыз!», дип тә әйттеләр, — диде Минзәлә гимназиясенең «Сәяр» труппасы җитәкчесе... Читать дальше...

(Казан, 16 март, «Татар-информ»). Санкт-Петербургның милли әдәбият китапханәсендә «Татар кунакханәсе» мәдәни-агарту проекты кысаларында «Татар гаиләсе — милләт сакчысы. Татарларның гаилә традицияләре» темасына иҗади кичә узды. Очрашуга балалары белән бергә татар гаиләләре, яшьләр, иҗат эшлеклеләре, татар җәмәгатьчелеге вәкилләре һәм татар халык тарихы белән кызыксынучылар килгән. Чараны Санкт-Петербургның «Ак калфак-Нева» татар хатын-кызлары иҗтимагый оешмасы оештырды. Бу турыда Татарстанның Санкт-Петербургта... Читать дальше...

(Казань, 16 март, «Татар-информ», Эльза Кузнецова). Татарстанның Яшел Үзән районы башлыгы Михаил Афанасьев «Авангард» паркында Май чабу бәйрәмендә коймак пешерүдә катнашты. Яшел Үзән халкы белән бергә шәһәр кунаклары да кышны озатырга һәм язны каршыларга җыелды. «Татар-информ» мәгълүмат агентлыгына Яшел Үзән районы хакимиятенең җәмәгатьчелек һәм массакүләм мәгълүмат чаралары белән элемтә бүлеге җитәкчесе Рәсим Хаҗиев сөйләгәнчә, Михаил Афанасьев халыкныны бәйрәм белән котлады һәм иминлек теләде. «Май чабу ... Читать дальше...

(Казан, 16 март, «Татар-информ»). Ульяновскиның «Киндяковка» мәдәният йортында Мөнәҗәтләр һәм бәетләр уку кичәсе узды. Чараны «Нур» татар халык театры җитәкчесе, Татарстанның атказанган мәдәният хезмәткәре Җәмилә Мифтахова әзерләгән. Чәй табыны артында барган чарада егермедән артык мөнәҗәтче катнашты. Өлкә татар милли-мәдәни автономиясе рәисе Рамис Сафин бала чактан ук дәү әнисеннән бәет-мөнәҗәтләр ишетеп үсүен искә төшерде. Бу турыда «Өмет» газетасы хәбәр итә. «Дәү әниемнең «Бәдәвам» исемле китабы бар иде. Читать дальше...

(Лениногорск, 16 март, «Татар-информ», « Заман сулышы », Розалия Мостафина). Лениногорск шәһәрендә яшәүче Рушания апа Гаязованың шамаилларе башкалабыз Казанда, шулай ук Чаллы шәһәрендә узган күргәзмәләрдә сәяхәт итеп кайтты. Моннан ике ел элек Лениногорскидагы балалар сәнгать мәктәбе укытучысы Назирә Гиззатовадан дәресләр алып, яңа төр шөгыльгә өйрәнә ул. Рушания апа Гаязова хәзер аларны ясау буенча тагын да остарды, камилләште. Дөрес, шамаил ясаганда кулланыла торган материалларның бәясе генә «тешли». Читать дальше...