Бөгелмә мөхтәсибәтендә балалар өчен «Туган тел көне» үткәрелде
(Казан, 2 март, «Татар-информ»). Бөгелмә мөхтәсибәтенең «Подлесный» бистәсе мәчетендә «Туган тел көне» дип исемләнгән балалар бәйрәме узды. Бәйрәм Татарстан Республикасында игълан ителгән Туган телләр һәм халыклар бердәмлеге елы кысаларында оештырылды. Әлеге чарада Бөгелмә шәһәре һәм районы имам-мөхтәсибе Рамил хәзрәт Хөснетдинов, мәчет имамнары, мәхәллә халкы катнашты. Олылар һәм балалар киез итекләрдә хоккей уйнады, спорт эстафеталарында көч сынашты. Кызлар өчен милли ризыклар бәйгесе оештырылды. Читать дальше...