123ru.net
World News in Turkmen

Azerbaýjanyň oppozisiýa wekili hökümeti agdarmak synanyşygynda aýyplanýar

00
Azerbaýjanyň oppozisiýa wekili hökümeti agdarmak synanyşygynda aýyplanýar

Azerbaýjanyň ýokary derejeli oppozisiýa wekili tussag edildi, ol hökümeti agdarmaga çalyşmakda aýyplanýar, oppozisioneriň partiýasy bu aýyplamanyň syýasy sebäplidigini aýdýar.

Azerbaýjanyň Halk fronty partiýasynyň (AHFP ýerine ýetiriji agzasy Fuad Gahramanly 14-nji iýulda Bakuwda geçirilen ýöriş bilen baglylykda derňelýär. Bu protest çäresi goňşy Ermenistan bilen harby dartgynlylygyň güýçlenýän wagtynda, ýurduň ýaragly güýçlerini goldamak üçin gurnaldy.

Protestiň ahyrynda bir topar adam polisiýa güýçleri tarapyndan gyrakladylmazdan ozal Bakuwdaky mejlis binasyna gysga wagtda hüjüm etdi.

Prokurorlar bu waka bilen baglylykda, proteste gatnaşyjylaryň käbirine garşy töwerekleýin jenaýat derňewini açdylar.

Hökümet tankytçylary bu jenaýat işini häkimiýetleriň Azerbaýjanda syýasy nägileligi ýok etmek üçin edýän tagallalarynyň bir bölegi hökmünde häsiýetlendirýär.

Umuman alanyňda, Gahramanlynyň Halk fronty partiýasyndan 30 töweregi aktiwist administratiw ýa-da jenaýat aýyplamalary esasynda tussag edildi.

Oňa emläge zeper ýetirmek, jemgyýetçilik tertibini bozmak, döwlet işgärine garşy güýç ulanmak we hökümeti zor bilen ele geçirmek we agdarylyşyk synanyşy aýyplamalary bildirilýär.

Azerbaýjanyň Halk fronty partiýasynyň lideri Ali Karimli Azatlyk radiosyna Gahramanlynyň 14-nji iýuldaky ýörişe gatnaşmandygyny aýtdy.

Новости от Russian.City

Комментарии для сайта Cackle

Слухи, сплетни...









Новости Москвы на Moscow.media



Все города России от А до Я

123ru.net – это самые свежие новости из регионов и со всего мира в прямом эфире 24 часа в сутки 7 дней в неделю на всех языках мира без цензуры и предвзятости редактора. Не новости делают нас, а мы – делаем новости. Наши новости опубликованы живыми людьми в формате онлайн. Вы всегда можете добавить свои новости сиюминутно – здесь и прочитать их тут же и – сейчас в России, в Украине и в мире по темам в режиме 24/7 ежесекундно. А теперь ещё - регионы, Крым, Москва и Россия.