Новости за 22.04.2019

Autoritetet në Arabinë Saudite arrestuan 13 "terroristë" të dyshuar, një ditë pas sulmit në një bazë të shërbimeve të sigurisë në veri të kryeqytetit Riad. Agjencia Saudite e Shtypit, duke cituar një zëdhënës të sigurisë së shtetit, tha se arrestimet janë pjesë e hetimeve për "aktivitete terroriste". Sipas burimit të njëjtë, të dyshuarit e arrestuar "kanë qenë duke u përgatitur për të kryer veprimtari kriminale kundër sigurisë së vendit". Nuk është ende e qartë se ku janë bërë arrestimet dhe nëse ato lidhen me sulmin e së dielës. Читать дальше...

Zgjedhjet presidenciale në Maqedoninë e Veriut ishin të organizuara mirë, kurse dita e votimit ishte e qetë, e rregullt dhe transparente, thuhet në vlerësimin e parë të misionit ndërkombëtar vëzhgues të OSBE/ODIHR-it, të prezantuar në Shkup, një ditë pas rrethit të parë të zgjedhjeve presidenciale. “Zgjedhjet janë zhvilluar pa pengesa dhe kjo tregon se kur ka vullnet të vërtetë politik, mund të organizohen zgjedhje demokratike. Shpresoj se autoritetet vendore dhe partitë politike do të vazhdojnë të punojnë në këtë frymë. Читать дальше...

Sekretari amerikan i Shtetit, Mike Pompeo, tha se Shtetet e Bashkuara shprehin pikëllimin e tyre për viktimat e sulmeve në Shri Lankë dhe se ato janë të përkushtuara për luftimin e terrorizmit së bashku me popullin e Shri Lankës. Së paku 290 njerëz janë vrarë dhe 500 janë plagosur në sulmet e së dielës në disa kisha dhe hotele të Shri Lankës. Zyrtarët thanë se ato janë kryer nga shtatë sulmues vetëvrasës që i përkasin një grupi lokal militant. Shumica e viktimave janë qytetarë të Shri Lankës... Читать дальше...

Presidenti i Shteteve të Bashkuara, Donald Trump, vendosi të mos i zgjasë masat lehtësuese që iu mundësojnë importuesve të blejnë naftë nga Irani, pa u përballur me sanksionet e SHBA-së. Në një njoftim të Shtëpisë së Bardhë thuhet se "Shtetet e Bashkuara, Arabia Saudite dhe Emiratet e Bashkuara Arabe do të ndërmarrin veprime në kohë, për të siguruar plotësimin e nevojave globale kur nafta iraniane të hiqet nga tregu". "Ky vendim synon t'i çojë eksportet e Iranit në zero, duke e privuar regjimin nga burimi kryesor i të ardhurave"... Читать дальше...

Të premtën në mesnatë janë kthyer 110 persona nga zonat e luftës në Siri. Ata po qëndrojnë në qendrën e azil-kërkuesve në Vranidoll. Disa prej tyre kanë pritur në vizitë familjarët që nuk i kishin takuar prej shumë vitesh. Njëra ndër ta ishte edhe Naile Arifi që takoi fëmijët dhe gruan e vllaut e saj të vrarë në Siri.

Policia dhe Prokuroria e Kosovës kanë filluar intervistimin e disa grave që janë kthyer të shtunën në mëngjes nga Siria, me dyshimin se ishin pjesëmarrëse në grupe terroriste. Të shtunën në mëngjes autoritetet e Kosovës të ndihmuara nga Shtetet e Bashkuara të Amerikës kanë kthyer 110 persona nga zonat e luftës në Siri, 74 fëmijë, 32 gra dhe 4 persona të rritur që dyshohet se kanë qenë luftëtarë. Avokatja Fehmije Gashi Bytyqi ka ardhur në Qendrën për Mbajtjën e të Huajve në fshatin Vranidoll afër Prishtinës... Читать дальше...

Vala e sulmeve që vrau 290 njerëz të dielën në Shri Lankë u krye me mbështetjen e një rrjeti ndërkombëtar, thanë zyrtarët. Qeveria fajësoi grupin lokal xhihadist, Jamath, edhe pse askush nuk e mori ende përgjegjësinë. Sulmet vetëvrasëse në kisha dhe hotele lanë edhe rreth 500 persona të plagosur. Policia arrestoi 24 njerëz në lidhje me to, ndërsa Zyra e Presidentit të Shri Lankës shpalli gjendje të jashtëzakonshme kombëtare. Gjendja e tillë i jep policisë dhe ushtrisë kompetenca të gjera për të ndaluar dhe marrë në pyetje njerëz. Читать дальше...

Presidenti i Komisionit Evropian, Jean-Claude Juncker, u zotua se do të godasë çdo "lajm të rremë" gjatë fushatës për zgjedhjet e Parlamentit Evropian, që do të mbahen në maj. "Nëse qeveritë bëjnë pretendime për Bashkimin Evropian ose Komisionin, të cilat nuk korrespondojnë me të vërtetën, atëherë do të përgjigjemi", tha Juncker në një intervistë për grupin mediatik Funke të Gjermanisë. "Unë tashmë kam parë përpjekje për të ndikuar zgjedhjet e Parlamentit Evropian me manipulime, që vijnë nga disa kënde, jo vetëm jashtë BE-së. Читать дальше...

Tre persona humbën jetën të hënën në Prishtinë, si pasojë e të shtënave me armë zjarri. Lajmin e konfirmoi për Radion Evropa e Lirë zëdhënësja e Policisë së Kosovës, Flora Ahmeti. “Sot rreth orës 13:20, policia ka marrë informacionin për vdekje të dyshimtë në rrugën 'Bill Clinton' në Prishtinë. Menjëherë pas marrjes së këtij informacioni, në vendin e ngjarjes kanë dalë të gjitha njësitet e nevojshme policore. Nga informacionet e para në vendin e ngjarjes, dyshohet se nga arma e zjarrit janë vrarë tre persona". Читать дальше...

Pamjet nga kamerat e sigurisë së bizneseve private dhe ato në kompleksin memorial të familjes Jashari në Prekaz, të Skenderajt, u bën shkak për arrestimin e dy personave si të dyshuar për vrasjen e Ilir Zeqirit. Para dy javësh, Zeqiri ishte gjendur i djegur në veturën e tij, në një pjesë tjetër të këtij fshati dhe organet e hetuesisë, në Kosovë, kanë ndjekur një pistë hetimesh duke u bazuar në filmimet e kamerave të sigurisë. Ende nuk ka ndonjë vendim të gjykatës, lidhur me dy personat e dyshuar dhe këtë rast në përgjithësi. Читать дальше...

Udhëheqësit ushtarakë të Sudanit i urdhëruan protestuesit të çmontojnë barrikadat që kanë ngritur në rrugët e kryeqytetit Kartum. Protestuesit, në anën tjetër, duan që Këshilli Ushtarak, i cili ka marrë udhëheqjen e Sudanit pas rrëzimit të presidentit Omar al-Bashir, t'ia lëshojë vendin administratës civile. Udhëheqësit e protestave thanë se kanë ndërprerë lidhjet me Këshillin Ushtarak, duke e cilësuar atë si "mbetje" të regjimit të Bashirit. Ushtria tha se do të angazhohet për dorëzimin e... Читать дальше...

Presidenti i Iranit, Hassan Rohani, dhe kryeministri i Pakistanit, Imran Khan, u pajtuan "për krijimin e një force të përbashkët të reagimit" për të luftuar terrorizmin. "Kemi rënë dakord për një forcë të përbashkët kufitare, për të luftuar terrorizmin", tha Rohani në Teheran, gjatë një konference të përbashkët me Khanin. Njoftimi vjen pas tensioneve mes dy vendeve që, në muajt e fundit, kanë akuzuar njëri-tjetrin se nuk po bëjnë mjaftueshëm për të larguar militantët që supozohet se strehohen përgjatë kufirit. Читать дальше...

Gjermanët shpenzuan mesatarisht 100 euro për kokë banori vitin e kaluar duke blerë birra apo pije me përmbajtje të birrës. Shifrat dolën nga një studim i tregut që bëri kompania Nielsen.  Sipas saj, në vitin 2018, në Gjermani u shitën rreth 6.1 miliardë litra birrë, 2.9% më shumë se në vitin paraprak. Qarkullimi u rrit për 7%, përkatësisht në 8 miliardë euro, pasi pothuajse të gjitha brendet e njohura të birrës i rritën çmimet. Sipas studiuesve të tregut, birrat klasike, si Pilsner, u ballafaquan me konkurrencë në rritje... Читать дальше...

Mosnjohja ndërkombëtare e dokumenteve personale të Kosovës është bërë shqetësim i madh për shumë qytetarë të Kosovës, të cilët jetojnë jashtë vendit. Osman Berisha nga qyteza e Malishevës në Kosovë, i cili tash e tre vjet jeton në Itali, thotë që nuk ju njihet patentë-shoferi nga autoritetet italiane, gjë që siç thotë ai, është një problem që po përcjell në përgjithësi qytetarët e Kosovës që jetojnë në Itali. “Problemi dhe shqetësimi i shumë qytetarëve që unë njoh e që jetojnë në Itali është mosnjohja e patentë-shoferit të Kosovës. Читать дальше...

Komediani televiziv, Volodymyr Zelenskiy duket se do të shënojë fitore të sigurt ndaj presidentit aktual Petro Poroshenko në Ukrainë. Ky rezultat njëherësh është konsideruar si qortim i ashpër i politikës së deritashme të Ukrainës, meqë ky shtet po përballet me probleme ekonomike si dhe konflikt me Rusinë rreth Gadishullit të Krimesë. Pas 95 për qind të votave të numëruara, Zelenskiy ka fituar 73,2 për qind të votave në rrethin e dytë të zgjedhjeve presidenciale të mbajtura të dielën, në krahasim... Читать дальше...

Dallimi i ngushtë i votave në zgjedhjet për president të Maqedonisë së Veriut, prej më pak se një për qind, përkatësisht vetëm 4 mijë e 500 vota në mes dy kandidatëve që janë futur në balotazh, Stevo Pendarovskit dhe Gordana Siljanovska Davkovës, i ka shtyrë ata që në paraqitjen e parë pas shpalljes së rezultateve, të futen në gjah për votat e shqiptarëve që votuan për kandidatin Blerim Reka, vota këto të cilat do të jenë vendimtare për përcaktimin e fituesit në zgjedhjet presidenciale. Raundi... Читать дальше...

Sekretari amerikan i Shtetit, Mike Pompeo ka telefonuar presidentin afgan, Ashraf Ghani që të shprehë zhgënjimin e tij për shtyrjen e bisedimeve me talibanët dhe ka dënuar njoftimin e fundit të grupit kryengritës për fillim të “ofensivës pranverore”. Rreth 250 politikanë afganë dhe figura të shoqërisë civile ishte planifikuar që të takoheshin me negociatorët talibanë në Doha më 19 prill për të diskutuar situatën në Afganistan. Nëse do të realizohej, ky takim do të shënonte takimin e parë të talibanëve... Читать дальше...

Prodhuesi amerikan i makinave elektrike, Tesla, ka thënë se është duke hetuar një video që ka qarkulluar në rrjetet sociale kineze, ku duket një nga veturat e kësaj kompanie në flakë. Përmes një deklarate, kompania ka thënë se ka dërguar një ekip për të hetuar këtë çështje, ndonëse nuk është raportuar për viktima në këtë incident. Në video, e cila nuk është verifikuar nga agjenci të lajmeve apo kompani tjera mediale, përfshirë BBC-në, është parë një veturë duke u djegur në një zonë parkingu. Tesla nuk e ka konfirmuar modelin e veturës... Читать дальше...

Ish-shefi i kompanisë, Nissan, Carlos Ghosn është paditur nga prokurorët në Japoni për shkelje të rëndë të besimit. Kjo është akuza e katërt kundër Ghosn-it, e cila lidhet me pretendimet për keqpërdorim të fondeve të kompanisë. Aktualisht, 65-vjeçari është në mbajtje në Tokio, derisa avokatët e tij pritet të aplikojnë për lirimin e tij me kusht. Ghosn, i cili mohon çdo keqbërje, ka thënë se pretendimet janë rezultat i një komploti kundër tij. Ai është arrestuar në muajin nëntor dhe ka kaluar 108 ditë në mbajtje. Читать дальше...

Administrata e presidentit amerikan, Donald Trump, pritet t’i njoftojë pesë shtete, duke përfshirë aleatët si Japoninë, Korenë Jugore dhe Turqinë, se më nuk do të jenë përjashtim i sanksioneve amerikane nëse vazhdojnë të importojnë naftë nga Irani, ka raportuar agjencia e lajmeve, Associated Press. Bazuar në tri burime amerikane të paidentifikuara, agjencia ka thënë se Sekretari amerikan i Shtetit, Mike Pompeo, planifikon të njoftojë më 22 prill se presidenti nuk do të vazhdojë masat lehtësuese... Читать дальше...

Të paktën 290 persona kanë vdekur në Shri Lankë, si pasojë e disa shpërthimeve në kisha dhe hotele luksoze, që kanë ndodhur mëngjesin e së dielës, teksa besimtarët kanë qenë duke kryer shërbimet për festën e Pashkëve. Policia ka thënë se 24 persona janë arrestuar, ndonëse nuk dihet se kush ka kryer sulmet. Përveç të vdekurve, rreth 500 persona të tjerë janë plagosur dhe dhjetëra të huaj janë në mesin e viktimave. Sulmet me bomba të ditës së diel, kanë shënuar incidentin më të përgjakshëm në... Читать дальше...

Stevo Pendarovski, kandidat i 31 partive në pushtet të udhëhequr nga Lidhja Social-Demokrate, është shpallur fitues në rrethin e parë të zgjedhjeve presidenciale në Maqedoninë e Veriut, por me një diferencë shumë të ngushtë kundrejt Gordana Siljanovskës të opozitës maqedonase. Sipas të dhënave paraprake të Komisionit shtetëror të zgjedhjeve, nga 98 për qind të vendvotimeve të numëruara, Pendarovski ka fituar me një diferencë prej rreth 1 mijë votave, 316.716 apo 42,72% kurse Siljanovska 315.651 apo 42,58% për qind. Читать дальше...