Новости за 13.04.2019

Të paktën pesë policë dhe dhjetra qytetarë janë plagosur në protestën në Tiranë kur protestuesit dhe policia janë përplasur mes vete gjatë protestës së nëntë të organizuar nga opozita e Shqipërisë në Tiranë. Ministri i Brendshëm i Shqipërisë, Aleksandër Lleshaj, përmes një postimi në Twitter ka thënë se pesë policë janë plagosur dhe janë shtruar në spital. Edhe opozita nga ana e saj ka folur për 15 protestues, mes tyre dhe gazetarë të cilët janë plagosur ose kanë pasur problem me frymëmarrjen për shkak të gazit të përdorur. Читать дальше...

Ndonëse dialogu ndërmjet Prishtinës dhe Beogradit ka mbetur i ngrirë që nga nëntori i vitit të kaluar, kur Qeveria e Kosovës vendosi taksën doganore 100 për qind ndaj importeve nga Serbia dhe Bosnjë e Hercegovina, institucionet e Kosovës nuk kanë pushuar punën në kuadër të përgatitjeve për fazën finale të negociatave. Gjatë kësaj kohe sa dialogu i lehtësuar nga Bashkimi Evropian mbeti i bllokuar, Qeveria e Kosovës ka ndërmarrë disa veprime në drejtim të fuqizimit të rolit të vet në procesin e bisedimeve me Serbinë. Читать дальше...

Ambasada e Ukrainës në Londër ka thënë se policia ka hapur zjarr ndaj një personi, i cili me makinën e tij goditi të paktën dy herë një makinë të ambasadës. Në një deklaratë të postuar sot nga ambasada, thuhet se një person është arrestuar nga policia, edhe pse është ende e paqartë nëse i arrestuari është plagosur. Asnjë pjesëtarë i stafit të ambasadës nuk është lënduar nga ky incident, thuhet në deklaratë. Ambasada e Ukrainës tha se makina që është goditur është makina zyrtare e ambasadorit, e cila ishte parkuar pranë ambasadës. Читать дальше...

Ndonëse kundërkandidati i tij për presidenti, Volodymyr Zelenskiy mund të mos jetë i pranishëm, megjithatë presidenti ukrainas, Petro Poroshenko ka njoftuar se ai më 14 prill do të jetë i pranishëm në Stadiumin Olimpiyskiy, për debatin presidencial. Poroshenko po përballet me Zelenskiyn në raundin e balotazhit në zgjedhjet presidenciale, që pritet të mbahen më 21 prill. Në raundin e parë të votimeve, Zelenskiy fitoi me një margjinë të madhe dhe shumica e sondazheve e nxjerri atë të parin edhe në raundin e balotazhit. Читать дальше...

Ambasadori i Shteteve të Bashkuara në Rusi, thotë se Uashingtoni është i përkushtuar që të mbrojë integritetin territorial të Ukrainës, duke theksuar se çështja e aneksimit të Krimesë nga Moska dhe konflikti në lindje të Ukrainës janë “pjesë thelbësore e ftohjes së raporteve tona me Rusinë”. Në një intervistë për Shërbimin Rus të Radios Evropa e Lirë, ambasadori Jon Huntsman i bëri thirrje Rusisë “të angazhohet në një proces të dobishëm që do të lejonte popullin e Ukrainës të shohin shtetin e tyre duke u përmirësuar”. Читать дальше...

Ka filluar protesta e opozitës në Serbi, që po vlerësohet të jetë më e madhja në vargun e tubimeve që po organizohet tash e disa muaj kundër presidentit serb, Aleksandar Vuçiq. Aleanca për Serbinë, si organizatore e protestës, ka ftuar qytetarët nga e gjithë Serbia të marrin pjesë në protestë. Ndërkohë janë shtuar masat e sigurisë në ndërtesën e Kuvendit të Serbisë. Protestuesit pritet të mblidhen para ndërtesës së Qeverisë, për të vazhduar pastaj para Kuvendit të Serbisë, ka thënë kryetari i Partisë së Re, Zoran Zhivkoviq. Читать дальше...

Mosveprimi i institucioneve ka bërë që studentët të heqin dorë nga denoncimi i korrupsionit në institucionet e arsimit të lartë, thonë studentët në Maqedoninë e Veriut, duke komentuar rastet e pakta të lajmërimit të korrupsionit para organeve përkatëse, kundrejt faktit se mbi 23 për qind e studentëve kanë konstatuar se korrupsioni është prezent në universitetet e vendit. Rita Beadini nga Parlamenti Studentor në kuadër të Universitetit të Evropës Juglindore në Tetovë, për Radion Evropa e Lirë thotë... Читать дальше...

Nga sulmet ajrore, që dyshohet se janë kryer nga Izraeli mbi një akademi ushtarake në Siri, kanë mbetur të plagosur gjashtë ushtarë dhe janë shkatërruar disa ndërtesa, tha sot agjencia e lajmeve siriane, SANA. Një zyrtar ushtarak i tha agjencisë shtetërore SANA, se Izraeli ka goditur akademinë ushtarake që gjendet në afërsi të qytetit Masyaf, në provincën Hama. Vëzhguesi Sirian për të Drejtat e Njeriut, organizatë me bazë në Londër, tha se sulmet ajrore të kryera nga Izraeli kanë goditur tri caqe, duke lënë të plagosur 17 ushtarë sirianë. Читать дальше...

Kryeministri i Italisë, Giuseppe Conte ka thënë se çdo ndërhyrje ushtarake e ndonjë vendi të huaj në Libi, nuk mund të zgjidhë konfliktin në këtë vend, duke paralajmëruar se një gjë e tillë do të nxiste një eksod të refugjatëve në Mesdhe. Forcat libiane, të udhëhequra nga Khalifa Haftar po përparojnë drejt kryeqytetit, Tripoli, por forcat besnike të kryeministrit Fayez al-Serraj, qeveria e së cilit njihet nga vendet perëndimore, deri më tani ka arritur që të parandalojë hyrjen e tyre në kryeqytet, raporton Reuters. Читать дальше...

Presidenti i Serbisë, Aleksandar Vuçiq tha se do të ftojë qytetarët për bashkim dhe unitet në një tubim në Beograd më 19 prill. Sipas Vuçiqit, uniteti është i nevojshëm pasi Serbinë e presin shumë probleme. “Nuk nuk do të fshihemi më 19 prill. Nuk do të shëtisim nëpër rrugë, por do të qëndrojmë me një vend për të treguar se sa prej nesh jemi”, tha Vuçiq për televizionin Pink. Opozita në Serbi ka ftuar për të shtunën marshin protestues kundër presidentit Vuçiq. Ky, sipas opozitës, pritet të jetë marshi më i madh deri më tani. Читать дальше...

Komiteti Hetues i Rusisë thotë se dy anëtarë të dyshuar të grupit militant, Shteti Islamik (IS), janë “likuiduar” gjatë një operacioni në Rusinë Qendrore. Dy mjete shpërthyese dhe materiale të tjera për krijimin e bombave, janë në mesin e gjërave që janë konfiskuar gjatë operacionit të kryer në Tyumen, tha Komiteti Hetues përmes një deklarate për media, ka raportuar agjencia e lajmeve ruse, Interfax. Më 12 prill, Interfax dhe TASS kanë raportuar se një “operacion antiterrorist” po zhvillohej në këtë qytet... Читать дальше...

Mbi 70 ligjvënës britanikë i kanë bërë thirrje Qeverisë që të sigurohet që themeluesi i WikiLeaks, Julian Assage të përballet me drejtësinë suedeze, nëse prokurorët e këtij shteti do të rihapin rastet për përdhunim ndaj Assange. Ligjvënësit, të premten mbrëma, përmes një letre, i kanë bërë thirrje Sekretarit të Brendshlm, Sajid Javid që “të bëjë gjithçka që mundet që të sigurohet që Julian Assange të mund të ekstradohet në Suedi, në rast se Suedia bën kërkesë për ekstradimin e tij”. Suedia dy... Читать дальше...

Beqir Cikaqi është një nga tre mësuesit në Shkollën Shqipe të Mësimit Plotësues “Nëna Tereza”, në Treviso të Italisë. Punën e mësuesit të gjuhës shqipe, në diasporë, ai e bën vullnetarisht që nga viti 2004, kur fillimisht ai thotë se ishte angazhuar në një shkollë shqipe në Bassano, para se të zhvendosej në Treviso. Aktualisht, në shkollën ku është i angazhuar, e që nuk është e vetmja në këtë qytet, mësimin plotësues në gjuhën shqipe e ndjekin 24 nxënës. Por, Cikaqi nuk është i kënaqur me këtë numër... Читать дальше...

Mijëra protestues pritet të marrin pjesë në protestën e sotme në Beograd, e cila, siç shpresojnë organizatorët e saj, do të jetë protesta më e madhe. Protestuesit në Serbi për muaj të tërë po organizojnë protesta kundër presidentit, Aleksandar Vuçiq. Protesta e sotme organizohet nga një koalicion i 30 grupeve të opozitës, ku përfshihen parti politike dhe aktivistë. Gjatë ditës së sotme, protesta të ngjashme pritet të organizohen edhe në qytete të tjera të Serbisë. Që prej dhjetorit të vitit të kaluar... Читать дальше...

Në Qendrën Klinike Universitare të Kosovës në vazhdimësi ka pasur mungesë të stafit të mesëm, përkatësisht të infermierëve. Ky institucion, si qendër terciare referente për tërë Kosovën, ka gjithsej 1900 infermierë të profileve të ndryshme, por që si numër, del të jetë i pamjaftueshëm. Si pasojë, edhe cilësia e shumë shërbimeve shëndetësore për pacientët nuk ka qenë në nivelin e dëshiruar ndër vite. Përpos numrit të vogël të infermierëve në këtë institucion, sistemi shëndetësor në Kosovë është... Читать дальше...

Udhëheqësi i Koresë së Veriut, Kim Jong-un ka thënë se ai do të merrte pjesë në një samit të tretë me presidentin amerikan, Donald Trump, por vetëm nëse SHBA-ja do të kishte “qëndrimin e duhur”. Media shtetërore verikoreane raportoi se gjatë një fjalimi Kim Jong-un i bëri thirrje Trumpit që të punonte për një marrëveshje e cila do të ishte “e drejtë” dhe e “pranueshme” për të dyja shtetet, transmeton BBC. Dy udhëheqësit fillimisht ishin takuar në Singapor vitin e kaluar. Megjithatë, në samitin... Читать дальше...