Новости за 28.01.2021

کريمه بلوڅ چې کله خپلې مور له کراچۍ ايرپورټه کينېډا ته رخصتوله نو ورته يې د بلوڅي هغه دعا وکړه چې په هېوادونو هېوادونو وګرځې او بيا روغه رمټه وطن ته راستنه شې. خو ۵ کاله وروسته کريمه په تابوت کې په داسې حال کې همغه کراچۍ ايرپورټ ته رواړل شوه چې د کورنۍ په ادعا هلته چارواکيو ان د هغې مړی تر څو ساعتونو پورې دوی ته ورنه کړ. خلکو ښايي د کریمې بلوڅ نوم په ۲۰۰۸م کال کې هغه مهال اورېدلی وي کله چې هغه د بلوڅ ځوانانو سازمان بلوچ سټوډنټس ارګنايزېشن(ازاد) مرستياله مشره وټاکل شوه او په کليو او ښارګوټو کې... Читать дальше...

د ننګرهار والي وایي، د پاکستان د لښکر اسلام ډلې مشر منګل باغ په دغه ولایت کې وژل شوی دی.  ضیاالحق امرخېل نن پنجشنبه (د سلواغې ۹مه) پر خپله ټویټرپاڼه لیکلي چې منګل باغ او دوه ملګري یې له غرمې مخکې د اچین ولسوالۍ په باندر دره کې د خپل ماین په چاودنه کې ووژل شول.  امرخېل وایي، منګل باغ د اچین ولسوالۍ په ناامنیو کې لاس درلود.  منګل باغ د خیبر ایجنسۍ اوسیدونکی و  چې د راپورونو له مخې د پاکستان د پوځ له عملیاتو وروسته افغانستان ته تښتیدلی و.  پاکستاني چارواکو ویلي، د منګل باغ په مشرۍ د لښکر اسلام... Читать дальше...

نن د پنجشنبې (د سلواغې ۹مه) په ورځ ناوخته د خوست ښار د متون غونډۍ پر پاتې ساحه کې، د افغان ولسمشر د لارښوونې او د خلکو د غوښتنې سره سم د ځوانانو لپاره د یوه تفریحي پارک د جوړولو کار پیل شو. د چارواکو په وینا،  یاد پارک چې د ساعتیرۍ او تفریح لپاره به مناسب ځایونه ولري، د خلکو، سوداګرو او پانګه والو په مرسته په ۱۳۶ جریبه ساحه کې جوړ شي. خوست والي مهمند کټوازي ازادي راډیو ته وویل، دا غونډۍ چې تر اوسه خړه او سپېره پاتې وه، بیا هم ځوانان ورته راتلل او دلته به يې تفریح کوله او په پرله پسې توګه يې له ولایتي ادارې د دې غونډۍ د شنه کولو غوښتنې کولې.

تخار کې د کوکچې سیند پورې غاړه د ولسوالیو اوسېدونکي وايي، د تخار تر نورو ولسوالیو د دوی سیمو ته کمه پاملرنه شوې او د پوهنې، روغتیا او نورو برخو کې له ګڼو پروژو بې برخې پاتې شوي دي. د کوکچې سېند د پورې غاړه ۷ ولسوالیو ګڼ شمېر اوسېدونکي شکایت کوي چې له کلونو راهیسې دې ولایت کې د پراختیايي پروژو پر مهال هېر شوي دي. د دشت قلعه ولسوالۍ یو اوسېدونکي بشیر احمد بشار وايي، پوهنه، روغتیا، برېښنا هغه برخې دي چې د کوکچې له سیند پورې غاړه ولسوالیو کې ورته پاملرنه نه ده شوې. بشار زیاته کړه: "تخار کې پراختیايي پروژې په عادلانه او متوازن ډول نه پلي کېږي.

د جنوبي وزیرستان د مسيدو سيمو اوسېدونکو د خېبر پښتونخوا په ټانک کې د ډپټي کمشنر د دفتر مخې ته احتجاجي پرلت وهلی دی. د جنورۍ پر ۲۷مه ورغونډ شوي په سلګونو دا خلک له حکومته د هغو کورونو د جوړولو لپاره معاوضه غواړي چې د دوی په وېنا د ۲۰۰۹ز کال د پوځ په عملياتو کې وران شوي دي. نور حال په دې ویډیويي راپور کې.

د ارزګان چارواکي وایي، ترینکوټ ښار کې دوو ځانمرګو برید کوونکو هدف ته له رسېدو مخکې په ځانونو پورې تړلي چاودیدونکي توکي چوولي دي.  د ارزګان د امنیت امر محمد ګل همت ازادي راډیو ته وویل، نن پنجشنبه (د سلواغې ۹مه) ماسپښین مهال دغو ځانمرګو هغه مهال دا توکي وچوول چې د ملي امنیت ځواکونو یې د نیولو هڅه کوله.  ښاغلي همت زیاته کړه: "دلته دوه تنه وو، زموږ امنیت ملي او د حوزې پولیسو تعقیب کړي وو، کله یې چې غوښتل هغوی ونیسي، ځانونو ته یې انفجار ورکړی، یو کس له منځه تللی او بل زخمی دی."  معلومه نه ده چې... Читать дальше...

د دې ګوند جنرل سيکریټري، ميا افتخار حسېن د جنورۍ په ۲۸مه شوې دې جلسې ته د وېنا پر مهال وويل چې د تحريک انصاف حکومت ناکامه او په درغليوو راغلی دی چې دوی به یې ډېر ژر ختم کړي. نوموړي زیاته کړه چې د ځينو اپوزیشن ګوندونو اتحاد، پاکستان جمهوري تحريک به خلک له دې حکومته خلاصوي.

طالبان وایي، د سیاسي دفتر یوه پلاوي یې مسکو کې له روسي چارواکو سره لیدلي دي.  د طالبانو د قطر د دفتر ویاند محمد نعیم رسنیو ته ویلي، د طالبانو د سیاسي دفتر او مرکچي پلاوي د مرستیال شیر محمد عباس ستانکزي په مشرۍ دا پلاوی پرون چهارشنبه (د سلواغې ۸مه) روسیې ته رسیدلی دی.  ښاغلی نعیم وایي، پلاوي یې نن پنجشنبه (د سلواغې ۹مه) د روسیې د بهرنیو چارو وزارت دننه د افغانستان لپاره د روسیې د ولسمشر له ځانګړي استازي ضمیر کابلوف، د هغه له مرستیال او د بهرنیو چارو وزارت له ځینو نورو چارواکو سره کتلي.  نعیم زیاتوي... Читать дальше...

د کابل په لویدیځ دشت برچي سیمه کې د نسايي او ولادي سل بستریزه روغتون د سقوط له ګواښ سره مخ دی. د دې روغتون یو شمېر کار کوونکي وايي، له تېرې یو نیمې میاشتې راهیسې شااوخوا ۵۰ کار کوونکو خپل معاشونه نه دي اخېستي. دې روغتون کې یوې قابلې ازادي راډيو ته وویل چې که د معاش په خاطر له خپلې دندې لاس واخلي، د دغه روغتون نسايي او ولادي برخه سقوط کېږي. نوموړې وايي: " له شپږو کلونو راهیسې د دشت برچي روغتون کې د قابلې په توګه کار کوم، اوس له شااوخوا یوې نیمې میاشتې راهیسې پرته له معاشه کار کوم، که موږ ۵۰... Читать дальше...

د روڼتیا نړیوال سازمان د ۲۰۲۰ میلادي کال په اړه خپل کلني راپور کې ویلي چې افغانستان د نړۍ د هغو ۱۸۰ هېوادونو په کتار ۱۶۵م هېواد دی چې لا هم په کې پراخ اداري فساد شته. ‎د دغه سازمان راپور کې راغلي چې په ۲۰۲۰ میلادي کال کې چې په ټوله نړۍ کې د کرونا ویروس خپور شوی، ‌‌‌‌‌‌ډېر اداري فساد هم د همدغه ویروس د خپرېدو د مخنیوي او د کوې‌‌‌‌‌‌ډ-۱۹ ناروغانو لپاره د روغتیایي خدماتو په تدارکاتي برخو کې شوی دی.‎ په افغانستان کې د روڼتیا سازمان د پروګرامونو عمومي مسوول سلیمان اسدالله د پنجشنبې (د سلواغې ۹مه)... Читать дальше...

د ۲۰۲۲ میلادي کال په نیمايي کې په روسیه کې د سوک وهلو نړیوال جام سیالۍ ترسر کېږي. د نړیویال ورزشي وېب پاڼو د راپور له مخې د سوک وهنې نړیوال جام سیالۍ د کورنا ویروس د خپرېدو له امله ځنډېدلې وې. د سوک وهنې لومړۍ سیالۍ په ۱۹۹۷میلادي کال کې ترسره شوه او هر کال دغه سیالۍ تر ۲۰۰۸میلادي کاله پورې په منظمه توګه ترسره کېدلې.

د جوجیتسو د لوبڅارانو سیمینار په کابل کې د ملي المپیک د کمېټې د رهبرۍ په موجودیت کې پیل شو.   د المپیک ملي کمېټه وايي چې دغه سیمینار د لوبڅارانو د لاپوهاوي په موخه د ۲۷ تنه داوطلبانو په ګډون دوه ورځې ادامه مومي. د دغو لوبو هدف د جوجیتسو لوبې ته د لوبغاړو پاملرنه او د دغې لوبې وده ښودل شوې ده.

د زیمبابوې د سپورټ فدراسیون د دغه هېواد کرکټ بورډ ته اجازه ورکړه چې له افغانستان سره د لوبو لپاره اماراتو، پاکستان او یا هم هند ته ولاړه شي. د افغانستان کرکټ بورډ وايي، له زیمبابوې سره د لوبو لړۍ به په راتلونکې فبرورۍ میاشت کې د افغانستان په کوربتوب پیل شي. په دې سیالیو کې درې د شل اورونو درې یو ورځنۍ او دوه ټېسټ یا پنځه ورځنۍ لوبې شاملې دي. دا جازه داسې مهال ورکول کېږي چې لا هم په زیمبابوې کې د کرونا له امله ټول ښارونه تړلي دي. افغانستان له دې وړاندې له ایرلېنډ کرکټ لوبډلې درې یو ورځنۍ لوبې... Читать дальше...

د جنورۍ پر ۲۸مه د اداري فساد په اړه خپاره کړي دې راپور کې ياد سازمان د نړۍ د۱۸۰ هېوادونو د سروې، د پوهانو د ارزونو، او پوښتنو په ګډون له ۱۳ لارو جاج اخيستی چې هلته د اداري فساد کچ معلوم کړي.

د سوېډن د لیډینګو ښاروال دانیل شلن فورش په خورا تُنده ژبه دې ښار کې د افغانستان قونسلي خدمتونو، هلته تلونکي افغانان او خپله د قونسلګرۍ د ودانې د ځای څرګندونې کړي دي. دانیل په خپله فیسبوک‌پاڼه شکایت کړی چې په لیدینګو ښار کې د افغانستان قونسلګري د خلکو د استوګن‌ځایونو په منځ کې ده او هېڅ داسې اسانتیاوې نه لري چې ورته راتلونکي افغانان ترې ګټه واخلي. هغه زیاته کړې، قونسلګري، تم‌ځای، پراخې خوني او ان مېشت‌ځای نه لري او همدا ټکی د دې لامل شوی، څو دې قونسلګرۍ ته تلونکي افغانان د خلکو په پارکونو، باغونو... Читать дальше...

د پاکستان سترې محکمې د وال سټریت ژورنال د خبریال په وژنه د محکوم کس د برائت پر وړاندې د استناف غوښتنه رد کړې ده. احمد عمر سعید شیخ  چې بریتانیا کې زیږېدلی، ۲۰۰۲ میلادي کال کې د وال سټریت ژورنال د خبریال دانیل پېرل په وژنه محکوم شو او د مرګ سزا ورته ورکړل شوه.  اوس د پاکستان سترې محکمې هم شیخ ته برائت ورکړ او د هغه د خوشې کېدو امر یې ورکړی دی.  د سعید شیخ مدافع وکیل محمود شیخ په دې اړه وویل: "د پاکستان سترې محکمې د استناف ټولې هغه غوښتنې رد کړې چې د سند حکومت د دغه ایالت د عالي محکمې پر وړاندې... Читать дальше...

د افغانستان سوېل ختیځ درېيو ولایتونو، پکتیا، پکتیکا او خوست کې چې ناامنیو او حاکمو دودونو په کې له نجونو او مېرمنو ډېر حقونه اخیستي دي، لا هم دې ولایتونو کې نجونې او مېرمنې په رسنیو کې کار کولو ته زړه نه شي ښه کولی، خو نږدې یو نیم کال وړاندې خوست کې د نجونو او مېرمنو لپاره د ناز په نوم ځانګړې راډیو جوړه شوه. د دې راډيو نږدې ټولې خپرونې د مېرمنو او نجونو پر ژوند را څرخي. د دې راډیو د خپرونو مدیره نادیه باوري وایي، که څه هم له دوی سره یو شمېر نجونې کار کوي، خو لا هم ډېرې کورنۍ نجونو او مېرمنو ته په راډیو ګانو او رسینو کې د کار اجازه نه ورکوي.

د افغانستان د ملي امنیت عمومي ریاست وایي، په بامیانو کې یې د څه مودې وړاندې بمي چاودنو یو عامل نیولی دی.  دغه ریاست نن پنجشنبه (د سلواغې ۹مه) په یوه خبرپاڼه کې وویل چې د عارف حسین په نوم نیول شوی دا کس د طالبانو د ګلاب الدین د ډلې غړی دی.  ملي امنیت ګلاب الدین د طالبانو د استخباراتو مسول بللی دی.  خبرپاڼه کې راغلي، نیول شوي کس څو مقناطیسي او بوشکه یي ماینونه بامیان ولایت ته انتقال کړي او نورو ملګرو یې د ولي عصر مارکیټ او د سرک نو روغتون سره ځای پرځای کړي دي.  د تېرې لیندۍ میاشتې په ۱۵مه شوېو... Читать дальше...

د خېبر پښتونخوا د پوهنتون زده کوونکو د استادانو د تنخاګانو لپاره د پېښور پوهنتون دروازې مخې ته د چندې لپاره کمپ لګولی. دا په ظاهره پر حکومت له دې کبله طنز کول دي‌ چې د پېښور پوهنتون په ګډون د صوبې یو شمېر پوهنتونونه د مالي ستونزو ښکار سره مخ دي.نور حال په دې ویډیويي راپور کې.

وروسته له دې چې د ولسي جرګې مشر میر رحمان رحماني، د باختر ګنجینې د خوندیتوب په اړه اندېښنه وښوده او بهر ته یې د یادې ګنجینې د لېږد خبره وکړه، د افغانستان اطلاعاتو فرهنګ وزارت وایي، د باختر ګنجینه د افغانستان عظمت او شان ښیې او باید په همدې هېواد کې وساتل شي.  د دې وزارت سرپرست محمد طاهر زُهیر د پنجشنبې (د سلواغې ۹مه) په ورځ کابل کې رسنیو ته وویل، دا ګنجینه د خپل حجم پر اساس مالي او پولي پشتوانه نه شي کیدی، خو د باختر ګنجینه تمدني او تاریخي ارزښت لري.  هغه زیاته کړه چې دا ګنجینه د یو شمېر هېوادونو... Читать дальше...

د سپریم کورټ درې کسیزې جرګګۍ د جنورۍ په ۲۸مه د احمد عمر سعید شېخ د خوشي کولو حکم وکړ.

د افغانستان لوی درستیز د ایران د ملي امنیت عالي شورا د منشي علي شمخاني هغو خبر ته غبرګون ښودلی چې ویلې یې دي، طالبان او د دغې ډلې مشران له امریکا سره مبارزې ته ژمن دي.  لوی درستیز یاسین ضیا نن پنجشنبه (د سلواغې ۹مه) د شمخاني له ټویټ سره لیکلي: "د ایران د ملي امنیت عالي شورا د منشي په توګه د افغانستان د جګړې په اړه ستاسې درک ناسم دی."  ښاغلي ضیا خپل دې ټویټ کې وړاندې لیکلي، طالبان د امریکا نه، بلکې د افغانستان د خلکو پر ضد جنګېږي.  ایران ته د طالبانو د یوه پلاوي له سفر سره هم مهاله علي شمخاني... Читать дальше...

د روڼتیا نړیوال سازمان وایي، افغانستان له فساد سره د مبارزې په برخه کې د ۱۹ امتیازونو په درلودو، په فساد د ککړو ۱۸۰ هېوادونو په ۱۶۵مه پوړۍ کې دی.  د دغه سازمان د ۲۰۲۰ کال راپور ښيي چې افغانستان له فساد سره د مبارزې په برخه کې تېرکال ته په کتو، ښه ځای لري.  ۲۰۱۹ کال کې افغانستان د ۱۸۰ هېوادونو په ډله کې د فساد له اړخه ۱۷۳م ځای درلود.  په راپور کې راغلي، افغانستان د نړۍ د هغو هېوادونو له ډلې دی چې د کورونا وبا پر مهال د روغتیایي خدمتونو د رسېدو په چارو کې یې فساد شوی دی.

د جرمني صدر اعظمې انګېلا مېرکل په افغانستان کې پر روان تاوتریخوالي اندیښنه ښودلې او دغلته یې پر اوربند ټینګار کړی دی.  مېرکل دا خبرې پرون چهارشنبه (د سلواغې ۸مه) له ولسمشر محمد اشرف غني سره د ویډیو کانفرانس له لارې وکړې او ويې ویل، د سولې خبرې او هم مهاله ورسره تاوتریخوالی د منلو نه دی. د ارګ په خبرپاڼه کې د مېرمن مېرکل په حواله لیکل شوي چې جرمنې د یوه داسې خپلواک او پرمختللي افغانستان ملاتړ کوي چې ډیموکراټیک نظام پرې مسلط وي.  د جرمني صدر اعظمې په دغو خبرو افغانستان ته د خپل هېواد د ملاتړ د دوام ډاډ ورکړی دی. Читать дальше...

د خوړو په بدل کې کار، هغه پروګرام چې د ملي پراختیا پروګرام له لارې د ننګرهار د زیتونو په فارمونو کې پیل شوی او ۵۴ زره کسان په کې په کار بوخت دي. د ننګرهار کانال شرکت وایي، ملي پراختیا پروګرام ورته د افغان ولسمشر په لارښوونې څلور زره ټنه غنم ورکړي چې دوی یې د کار په بدل کې د زیتونو په فارمونو کې په بوختو کسانو ویشي. د دغه شرکت مسؤلین زیاتوي، هره ورځ یوه کارېګر ته چې دغه بڼوڼو کې په بېلابېلو چارو بوخت دي، یو من غنم ورکوي او دا چاره له بې کارۍ سره د مبارزې لپاره یوه اغېزناکه لاره ده. د ننګرهار د... Читать дальше...