له تخاره قاچاق کېدونکي نشه یي مواد او په تور یې ۲ تنه نیول شوي
څه د پاسه لس کیلو ګرامه نشه يي مواد له تخار ولایته دباندې د قاچاق پر مهال ونیول شول.
د تخار ولایت له نشه يي موادو سره د مبارزې مدیر احمدشاه نادري رسنیو ته وویل، په لومړۍ پېښه کې پوليسو یو کس هغه مهال ونیو چې لس کیلو ګرامه هیروئین یې په یوه موټر کې له تخار ولایته د باندې قاچاق کول.
په دوهمه پېښه کې پولیسو د شرقي معبر په سیمه کې شپږ کیلو ګرامه هیروئین ونیول چې په یوه بس کې ځای پر ځای شوي او په پام کې وه چې کابل ته یې قاچاق کړي.
د یادونې وړ ده چې دواړه تورن کسان تر لومړیو څېړنو وروسته عدلي او قضايي ادارو ته معرفي شوي دي.