Новости за 18.12.2018

په پاکستان کې د منځمهاله ټاکنو موضوع د روانې میاشتې له لمړیو هغه وخت توده شوه چې وزیراعظم عمران خان په دې اړه څرګندونې وکړې. له دې ورستو دوه لویو اپوزیشن ګوندونو مسلیم لیګ او پیپلز پارټۍ هم دغو ټاکنو ته د چمتوالي وویل

دا وار په خبرو کې طالبانو له مرکزي شورا ملا عباس اخوند، له حقاني نیټ ورکه د حقاني اوښې او  د دوی غټ قومندان قاري یحی حقاني،د ملا هیبت الله اخوند د دفتر مشر  امیر خان متقي او د طالبانو د پېښور  شورا کمانډر محب الله حماس هم ګډون لري

له طالبانو سره په ابوظبي کې د امریکا خبرې نن هم روانې وې. په امریکا کې اورګاډي دوه پولیس وهلي او مړه کړي یې دي او زرګونه کسانو د سوک وهنې د نړیوال اتل فلیپیني مني پاکیاو څلوېښتمه کلیزه ولمانځله. ازادي سټوډیو د شپې په ۸ بجو له پيشګام ټلویزیون وګورئ.

په متحده عربي اماراتو کې د امریکايي چارواکو او طالبانو استازو ترمنځ د خبرو له پیل سره سم د افغان حکومت اجرائیه رئیس وايي چې په سوله کې ټولې خواوې ګټوونکې وي.

یو شمېر جهادي او سیاسي څېرې چې د سولې د مشورتي بورډ غړیتوب هم لري خو د دغه بورډ په څرنګوالي او رول انتقاد کوي.

په بلخ کې نن سې شنبه د ډسمبر۱۸مه، یو شمېر اعتراض کوونکو د انتخاباتو د خپلواک کمېسیون د سیمه‌ییز دفتر دروازه بنده کړه. په بلخ کې هغو کاندیدانو چې ولسي جرګې ته د بریالیو کاندیدانو په ابتدايي لېست کې یې نومونه نه‌دي خپاره شوي او د هغوی لسګونه پلویانو د انتخاباتو د خپلواک کمېسیون د سیمه‌ییز دفتر مخې ته اعتراضي مظاهره وکړه. په بلخ کې د ټاکنو د خپلواک کمېسیون د سیمه‌یيز دفتر مشر عزت الله امان نن ازادي راډیو ته وویل چې اعتراض کوونکو د رأیو د بیا شمېرل کېدو غوښتنه کوله. د عزت الله امان په وینا، یو شمېر اعتراض کونکو وسلې درلودې.

په افغانستان کې د ملي یووالي حکومت اجرائیه رئیس عبدالله عبدالله وايي چې د کډوالو د ستونزو حل د حکومت لپاره لومړیتوب لري. عبدالله عبدالله نن سې شنبه د ډسمبر۱۸مه، د کډوالو د نړیوالې ورځې په مناسبت، په کابل کې غونډې ته وویل چې د افغانانو د ژوند د ښه والي لپاره باید د سولې هڅې قوي شي. د ډسمبر اتلسمه د کډوالو نړیواله ورځ ده. د افغانستان حکومت وايي چې تر ۶ میلیونه زیات افغانان په بهرنیو هېوادونو کې کډوال دي.

د افغانستان د انتخاباتو خپلواک کمېسیون وايي، هڅه کوي، څو د ولسي جرګې په انتخاباتو کې شوې تېروتنې په ولسمشریزو انتخاباتو کې تکرار نه‌شي.

په داسې حال کې چې د افغانستان او پاکستان ترمنځ د سیمې د امنیت په اړه بېلا بېل نظرونه موجود دي، د پاکستان او افغانستان ترمنځ د پولې دواړو خواو ته ادبي او کلتوري محفلونه راجوړېږي.

د افغانستان د فوټبال ملي اميد لوبډله پاکستان سره د سيالۍ لپاره قطر ته رسېدلې او د قطر په دوحه کې یې خپل تمرينات پېل کړل. ملي اميد فوټبال لوبډله به د جدي په څلورمه د پاکستان فوټبال ملي لوبډلې سره دوستانه سيالۍ وکړي. افغان فوټبال فدراسيون وايي، له دې سيالۍ يې هدف د اسيا د ۲۳ کلنو فوټبال اتلوليو ته د لوبډلې چمتو کول دي. دغو لوبغاړو په هند کې لس ورځې تمرينات وکړل او تېره ورځ له هنده کابل او له کابله بېرته قطر ته روان شول. دا په‌داسې حال کې ده چې د ملي فوټبال لوبډله به د روانې ډسمبر مياشتې په ۲۶مه له ازبکستان سره سيالۍ وکړي.

د اسيا په هاکي سياليو کې افغانستان خپله لومړۍ لوبه ازبکستان ته وبايلله. افغان لوبغاړو ونه‌شو کړای چې د ازبک لوبغاړو پر وړاندې ښه مقاومت وکړي. د اسيا په کچه د هاکي لوبې د پاکستان په لاهور ښار کې کېږي چې افغانستان به خپلې دوه نورې لوبې له نيپال او قرغزستان سره وکړي. ملي هاکي بازانو لومړۍ لوبه ازبکستان ته ۱۱ پر صفر وبايلله. د هاکي ملي فدراسيون مشر مصطفی سادات وويل چې دوی د دغو لوبو لپاره چمتوالی نيولی، خو دا چې افغان لوبغاړو په معياري لوبغالي کې تراوسه سيالۍ نه‌دي کړي نو ځکه به ورته دغه سيالۍ يوه ننګونه وي. Читать дальше...

د اجرايیه ریاست مرستیال ویاند امید مېثم په دې لړ کې د دسمبر پر ۱۸مه مشال راډيو ته وویل، د دسمبر پر ۱۸مه به په ابوظبۍ کې د افغان حکومت پلاوی او طالب استازي مخامخ خبرې سره وکړي چې دغه چاره به د دواړو اړخونو ترمنځ د سولې د مستقیمو خبرو د پېلېدو امکان زیات کړي.

د پاکستان د بهرنیو چارو وزیر شاه محمود قریشي ویلي، موږ د دې ستاینه کوو چې نړیواله ټولنه د افغانستان د سولې او ثبات لپاره د پاکستان تعهد مني. قریشي نن سې شنبه د ډسمبر ۱۸مه پر ټویټر لیکلي: پاکستان به تل د افغانستان د سولې او ګټور ګاونډیتوب لپاره کار کوي. شاه محمود قریشي د افغانستان، چین او پاکستان په درې اړخیزه غونډه کې د ګډون لپاره تېره اوونۍ کابل ته تللی و. د پاکستان یو پلاوي به د افغانستان د سولې په اړه په متحده عربي اماراتو کې هم په روانو خبرو او کتنو کې برخه لري. خو دا نه‌ده څرګنده شوې... Читать дальше...

د افغانستان د کندهار ولایت په ارغنداب ولسوالۍ کې یو شمېر په نشو روږدي ځوانان وایي، په ازاد ډول کولای شي مخدره مواد ترلاسه کړي.خو د کندهار امنیه قوماندانۍ وایي د هغه کسانو پر وړاندې اقدام کوي چې د نشه‌ یي توکو په پلور او کښت اخته وي.ویډیو: صادق رښتینی اېډېټ: ابراهیم صافی

د کندهار په ارغنداب کې یو شمېر په نشو روږدي ځوانان وایي په ازاد ډول کولای شي مخدره مواد ترلاسه کړي. خو د کندهار امنیه قوماندانۍ وایي چې د هغه کسانو پر وړاندې اقدام کوي چې د نشه‌یي توکو په پلور او کښت اخته وي. وېډیو: صادق رښتینی اېډېټ: ابراهیم صافی

د قزاقستان یو فلم «Ayka» د غوره بهرنیو فلمونو په برخه کې د ۲۰۱۹ میلادي کال د اسکار جایزې ته کاندید شو. د اسکار جایزې ته د کاندیدو فلمونو لېست پرون دوشنبه د ډسمبر ۱۷مه، خپور شو. د قزاقستان فلم جوړوونکي، سرګي دواسیوي د یوې مجردې مور پر ستونزمن ژوند فلم جوړ کړی چې د شوروي اتحاد تر سقوط وروسته له قزاقستانه مسکو ته ځي او د کار لټه کوي. سږ کال له: کُلمبیا «Birds of Passage». ډنمارک «The Guilty». جرمني «Never Look Away» . جاپان « Shoplifters». مکسیکو «Roma». پولنډ «Cold War» او له جنوبي... Читать дальше...

د جرمني پولیسو او ځانګړو ځواکونو نن سې شنبه د ډسمبر ۱۸مه د برلین ښار په لوېدیځ کې یو جومات د ترورېستانو د تمویل په شک تلاشي کړ. د برلین لویې څارنوالۍ د جرمني خبري اژانس ته ویلي چې پولیسو غوښتل په‌دې جومات کې هغه اسناد او شواهد ترلاسه کړي چې څرګندولای شي چې له دې ځایه په سوریه کې له ترورېزم سره مالي مرسته کېده. د برلین د څارنوالۍ په یوه ټویټ کې لیکل شوي چې داسې ګومان کېږي چې د احمد په نوم یوه ۴۵ کلن سړي چې د امام ابو براه په نوم مشهور دی، په سوریه کې یوه وسله‌وال ته پیسې وراستولي چې د ترورېستي حملو لپاره وسلې واخلي.

د بریتانیا هوايي شرکت، «برېټېش ايروېز» تر یوې لسیزې ځنډ وروسته، اسلام‌اباد ته خپل پروازونه له سره پیلوي. په اسلام‌اباد کې د «برېټېش ايروېز» د فروشاتو مسؤل نن سې شنبه د ډسمبر ۱۸مه خبریالانو ته دا خبر ورکړی دی. دې هوایي شرکت په ۲۰۰۸ میلادي کال کې د اسلام‌اباد پر مریوټ هوټل تر خونړۍ حملې وروسته، د پاکستان پلازمېنې ته خپل پروازونه بند کړل. د اسلام‌اباد پر مریوټ هوټل په حمله کې ۵۰ تنه وژل شوي وو. دې پېښې په اسلام‌اباد کې د بهرنیو هېوادونو دفترونو، هوايي شرکتونو او سفارتونو ته د امنیت له پلوه جدي اندېښنه پیدا کړه. Читать дальше...

د افغانستان د سولې عالي شورا وايي، په ابوظبي کې د حکومت او طالبانو د استازو د کتنې پر جزئیاتو خبرې کېږي. د دې شورا غړي، محمد امین وقاد نن سې شنبه د ډسمبر ۱۸مه ازادي راډیو ته وویل چې د افغانستان د سولې لپاره د امریکا د ځانګړي استازي زلمي خلیل‌زاد په غوښتنه د کابل پلاوی نن ابوظبي ته تللی دی.  وقاد وویل: "په دې کې به نن پر دې خبرې وشي چې داسې یو حالت رامنځته شي چې د طالبانو یو باصلاحیته پلاوی د افغانستان له حکومت سره مخامخ خبرو ته اماده شي." د ارګ په وینا، له افغانستان د سولې مذاکره کوونکی پلاوی... Читать дальше...

د افغانستان د جګړې د پای ته رسېدو لپاره د بېلابېلو لورو په تېره بیا د امریکا له‌خوا وروستیو چټکو هڅو په دې هېواد کې د سولې د ...

د بلوچستان ډاکټرانو د دسمبر پر ۱۸مه د کوټې په ګډون د صوبې د زياتره لویو ښارونو په روغتونونو کې ډاکټرانو کاربنديز کړی دی.

سور پرې یا سرې ګونګټې په زیاتره کورونو کې د دوایي په کارولو وژل کیږي خو په چین کې یې خلک روزي او پیسې پرې ګټي. په دې اړه د رویټرز خبري اژانس ویډیو ظفرخان اېډیټ کړې ده.

د بې پولي خبریالانو د ټولنې د راپور له مخې په روان میلادي کال کې ۸۰ خبریالان وژل شوي، ۳۴۸ نیول شوي او ۶۰ نور یرغمل شوي دي.

د امریکايي چارواکو او طالب استازو ترمنځ د ناستې دوهمه ورځ چې د افغانستان حکومت‌یې د سولې د خبرو د پیلېدو ورځ بولي او ...

د افغانستان اجرائیه رئیس وايي چې د افغانستان اوسنیو حالاتو ته په کتو زیات افغانان له هېواده د وتلو په فکر کې دي.