Новости за 24.10.2019

Испанияда мындан 44 жыл илгери көз жумган диктатор Франциско Франконун сөөгүн башка жерге көчүрүп жатышат. Анын сөөгү учурунда жарандык согушта курман болгондордун урматына курулган мемориалдык комплекске коюлган болчу.  Мавзолейден алынып чыккан сөөк Мадриддин четиндеги Эл-Пардо көрүстөнүнө, Франконун жубайынын жанына коюлмакчы.  Эксгумацияга маркумдун жакындары, урпактары катышып, процесске юстиция министри менен өкмөт башчынын өкүлү көз салып турушат. Маалымат каражаттары менен коомчулук өкүлдөрү мемориалга киргизилген жок. Читать дальше...

“Сириянын демократиялык күчтөрүнүн” саясий канаты болгон “Сириянын демократиялык кеңеши” аткаруу комитетинин төрагасы Ильхам Ахмед АКШнын Конгрессинде сөз сүйлөп, Түркия Сириянын түндүгүндөгү аскердик операцияда фосфор колдонгондугун билдирди.

Бишкек шаарында издөө иштеринин натыйжасында эл аралык террордук уюмдун мүчөсү, Кыргызстандын 39 жаштагы жараны кармалды. Бул тууралуу Улуттук коопсуздук боюнча мамлекеттик комитет (УКМК) кабарлады.  Такталгандай, Жалал-Абад облусунун тургуну (М.А.) 2011-жылдан бери Кылмыш-жаза кодексинин 226-беренесинин 3-бөлүмү (эски редакцияда «Террордук акт») боюнча мурда козголгон кылмыш ишинин алкагында издөөдө жүргөн. Кармалган адам Кыргызстандын аймагында теракт жасоого аракет кылган уюмдун мүчөсү болгон. Читать дальше...

Ооганстандын тышкы иштер министринин милдетин аткаруучу Салахуддин Раббани кызматтан кетерин айтып арыз жазды. Бул тууралуу жергиликтүү бир катар маалымат каражаттары жазып чыгышты. Ал 23-октябрда президент Ашраф Ганиге жазган катында башкы дипломатиялык мекеме маанилүү чечимдерден четтетилип калганын, өкмөттүк эмес уюмдай эле мамиле болуп калганын сындады.  Раббани административдик реформага шылтоолоп айрым учурларда өкмөттүк түзүмдөр кодуланып жатканын белгилеп, мындай көрүнүш өлкө биримдигине доо кетирерин эскертти. Читать дальше...

Портал жарыялаган материалда 20 жыл ичинде Бишкектин чок ортосундагы сейил бактын үчтөн бир бөлүгү жогорку кызматты ээлеген, таасирлүү адамдарга таратылып кеткени айтылат. Маалыматка ылайык, 2000-2008-жылга чейин сейил бактын аймагынан 181 жер тилкеси 173 адамга берилген. Алардын арасында өлкөдөгү эң жогорку кызматты ээлеген премьер-министр, парламент төрагасы, министрлер, Жогорку Кеңеш депутаттары, соттор, прокурорлор бар. «Ататүрктүн» аймагынан жер тилкесин бекер алып, кийин аны сатып жибергендердин... Читать дальше...

Дүйнөлүк банк 23-октябрда жарыялаган жылдык баяндамада Пакистан менен Тажикстан бизнес жүргүзүүнүн шарттарын кыйла жакшырткан он өлкөнүн тизмесине кирди. Бул өлкөлөр курулушка уруксат берүү, электр энергия менен камсыз кылуу, салык өңдүү көрсөткүчтөр боюнча алдыга жылганы белгиленди.  Аталган банктын «Doing Business» рейтинги боюнча, Пакистан 190 мамлекеттин ичинен 108-орунду ээлеп, былтыркыга салыштырмалуу 28 тепкичке өйдө көтөрүлдү. Тажикстан болсо 106-орунду алды.  Орусия үч кадам алдыга жылып, 28-орунду ээледи. Читать дальше...

Премьер-министр Мухаммедкалый Абылгазиев Орусия Федерациясынын Москва шаарына иш сапары менен кетти. Иш сапарынын алкагында өкмөт башчы Евразия өкмөт аралык кеңешинин кезектеги жыйынына, ошондой эле ушул жылдын 25-октябрында өтө турган КМШнын өкмөт башчыларынын кеңешинин кезектеги отурумуна катышат. Евразия өкмөт аралык кеңешинин жыйынында күн тартибиндеги 15 маселе каралат. Ал эми КМШнын өкмөт башчыларынын кеңешинин отурумунда 19 маселе каралат.  Жыйындын соңунда бир катар документтерге кол коюлат. Читать дальше...

Украинада иликтөөчү журналисттер тобу соттун Иликтөө боюнча мамлекеттик бюронун пайдасына чечим чыгарганын айыптап кайрылуу таратты. Анда аталган бюронун тергөөчүлөрүнө «ченебей берилген укук редакциянын ички ишине тоскоол болот» деп жазылган. Өткөн аптада Киев шаарынын экс-президент Петр Порошонконун Мальдив аралдарындагы эс алуусун иликтеп жаткан Печерск райондук тергөөчүлөрүнө «Азаттыктын» украин кызматы менен украиналык «Первый» телеканалынын журналисттеринин өз ара электрондук кат алышуусун текшерүүгө убактылуу уруксат берген. Читать дальше...

АКШда демократ жана республикачыл сенаторлордун тобу күрд кошуундарынын лидерине байланыштуу Мамлекеттик департаментке кайрылды. Мекеменин башчысы Майк Помпеонун атына 23-октябрда жиберилген катта «Сирия демократиялык күчтөрү» тобунун башчысы Мазлум Кобани Абди Сириядагы жагдай тууралуу Вашингтондо сенаторлорго маалымат бериши үчүн анын виза маселесин чукул арада чечип берүү жөнүндө өтүнүч жазылган. «Биз Сириянын түндүгүндөгү жагдайга өтө камтамабыз деп айтсак деле аздык кылат», деп жазылат катта. Читать дальше...

Жогорку Соттун Конституциялык палатасында каралып жаткан Алмазбек Атамбаевден экс-президент деген макамдын алынышынын мыйзамдуулугу боюнча жараянда мурдагы президенттин тарапкерлери өтүнүчүнүн бир бөлүгүнөн баш тартты. Арыз менен кайрылган адвокат Нурбек Токтакуновдун айтымында, «экс-президент саясий ишмердик менен алектенбеши керек» деген норманын Баш мыйзамга дал келишин кароонун кереги жок болуп калды. - Мен жобону карап чыгып, мындай тыюу жок экенине көзүм жетти. Эгер ал саясий ишмердик менен... Читать дальше...

Аламүдүн районунун Көк-Жар айылындагы бир көчөгө мурдагы ички иштер министри Молдомуса Конгантиевдин аты коюлганы талкууга түштү.

«Россия бүгүн» агенттигинин башкы катчысы Дмитрий Киселёв Орусиянын президенти өзүнө мураскор издеп жаткандыгын билдирди.

Ички иштер министринин орун басары Сүйүн Өмүрзаковго каршы даттанган Ош шаарынын тургуну, жеке ишкер Жайнагүл Турдуева президенттик администрациянын алдына митингге чыкты. Ал Өмүрзаковго караштуу «Мухаммед-Умар» спорт клубунун спортчуларына карата эч кандай чара көрүлбөй жатканын, ага эч ким компенсация төлөбөй жатканына нааразы болуп жатат. - 2016-жылдын апрель айында «Мухаммед-Умардын» спортчулары дүкөнүбүздү тоноп, күйөөмдү уурдап кетип, уруп салышкан. Ошол боюнча бардыгы такталып, балдардын баары кармалган. Читать дальше...

«Криминал баш көтөрдү, ага каршы күрөш жүргүзүш керек» деп айтып оозду жыйганча дагы бир ишкер өлтүрүлгөнү белгилүү болду. Бул тууралуу Жогорку Кеңештин бүгүнкү жыйынында депутат Жанарбек Акаев айтып чыкты. Анын айтымында, криминалга каршы күрөш жарыялоо боюнча буга чейин билдирүүсүнө өкмөт «маселени саясатташтырбагыла» деп жооп кайтарганы туура эмес. - Бул маселе боюнча өкмөт мага актанып, жооп бергенинин кереги жок. Ал элге, жарандарга жооп берип, «мамлекетибиз күчтүү, биз силерди коопсуздукта кармайбыз» деп жооп берсин. Читать дальше...

Адам укуктары боюнча даректүү тасмалардын «Бир дүйнө Кыргызстан - 2019» XIII эл аралык фестивалында дүйнөнүн он өлкөсүнөн балдардын укуктары, мүмкүнчүлүгү чектелген балдардын, мигранттардын, качкындардын балдарынын укуктарын чагылдырган 20дан ашуун даректүү тасма көрсөтүлөт.

Бишкектин Свердлов райондук сотунда бүгүн, 24-октябрда Бишкек Жылуулук электр борборун (ЖЭБ) жаңылоодогу коррупция боюнча ишти кароо улантылып жатат. Процессте өкмөткө караштуу Отун-энергетикалык комплексти жөнгө салуу боюнча мамлекеттик агенттиктин эксперти жана башкалар күбө катары көрсөтмө берип жатышат. Буга чейин соттордо айыпталуучулар алар айткан күбөлөр чакырылбай жатканына нааразы болгон. Мурунку отурум 23-октябрда өттү. 2018-жылы кыш чилдеде, ЖЭБдеги авариядан соң Бишкек бир жума бою жылуулуксуз калган. Читать дальше...

Жалал-Абаддын Базар-Коргон районунда тамак-ашка уулануунун белгилери менен (ботулизм) сегиз киши райондук ооруканага жаткырылды. Бул тууралуу «Азаттыкка» Жалал-Абад облустук санитардык-эпидемиологиялык көзөмөлдөө борборунун башкы дарыгери Үсөнкүл Жоробаев билдирди. Анын айтымында, алты киши жугуштуу оорулар бөлүмүндө болсо, экөө жандандыруу бөлүмүндө жатат. - Баарына өз убагында дары-дармектер берилип, дарыгерлердин көзөмөлүндө болуп жатышат. Санитардык дарыгерлер үй ээсинин колдо жабылган салаттарынын баарын жок кылышты. Читать дальше...

Кыргызстанда жеке менчик мединциналык окуу жайлары чет өлкөлүк студенттерди окуудан салык төлөбөй жатат. Бул тууралуу Жогорку Кеңештин жыйынында депутат Аида Исмаилова маселе көтөрдү. Анын айтымында, бул багытта мамлекеттик окуу жайлары менен жеке окуу жайларынын салык төлөө жаатында айырма абдан чоң болуп жатат.  - Мисалы, Кыргыз мамлекеттик медициналык академиясы быйыл 95 чет өлкөлүк студентти кабыл алган. Бул үчүн 23 миллион 996 миң сом төлөптүр. Кыргыз-Орус (Славян) университети 445 студент... Читать дальше...

Кыргызстанда быйыл кабыл алынган шайлоо мыйзамындагы 9 пайыздык босого талкууга түштү. Айрымдар мындай босого менен парламентке административдик жана финансылык ресурска ээ болгон тараптар гана келип, жалпы коомчулуктун пикири эске алынбай калат деген ойлорун айтышууда. Бул келечекте саясий туруктуулукка кедергесин тийгизип, азыркы бийликке коркунуч туудурарын эскертишүүдө. Бул канчалык орундуу кабатырлык? 9 пайыздык босогону аныктаган мыйзамды өзгөртүүгө болобу? Жогорку Кеңеш менен президент акыркы айтылып жаткан пикирлерге кулак төшөйбү? Читать дальше...

ИИРдин Куралдуу күчтөрүнүн бригадалык генералы Кытайда өткөн “Xiang Shan”коопсуздук жыйынына катышты.

Американын казына министрлиги өлкөнүн Түркияга каршы санкциялары жоюлганын маалымдады.

24-октябрда Улуттук коопсуздук боюнча мамлекеттик комитеттин (УКМК) Компьютердик инциденттерге жооп кайтаруу бөлүмү «Green Light» системалык интегратору менен бирге мамлекеттик органдардын кызматкерлерине кибер коопсуздук боюнча окутуу өтүп жатат. Анда мамкызматкерлер кибер чабуулдардын жана компьютердик инциденттердин алдын алуу, жооп кайтаруу жана башкаруу боюнча билим алышууда. Практикалык көнүгүүлөр үчүн катышууга кибер коркунучтардан коргонууну иш жүзүндө көрүүгө мүмкүндүк берген «Cisco» компаниясынын... Читать дальше...

Йемендеги БУУнун Өнүктүрүү программасынын жетекчиси Йемендеги катастрофалык абал туурасында эскертип, бул өлкөдө ар бир 12 мүнөт сайын беш жашка чейинки бир бала көз жумарын Твиттердеги баракчасына жазды.

Түркиянын президенти Режеп Тайип Эрдоган  күрт Элдик коргоо бөлүмдөрүнүн аскердик күчтөрүнө Сириянын чек арасында өлкөнүн өкмөттүк аскерлеринин кийими менен калууга уруксат берилбей турганы боюнча Владимир Путин ишенимдүү убада бергенин билдирди.

Кургактагы аскерлердин №36806 аскердик бөлүгүнөн Өзбекстанга качууга аракет кылган жоокерге Ош шаардык соту Пробация кызматынын алкагында бир жылдык жаза чегерди. Бул тууралуу маалыматты «Азаттык» Башкы штабдын басма сөз катчысы Гүлзат Жарашевадан алды. Мунун алдында айрым басылмалар Ош шаарындагы аталган аскердик бөлүктөн (Э.А. аттуу) жоокер качып чыгып, коңшу өлкөнүн чек арасынан өтүп бараткан учурда кармалганын жазышты. Жарашева айтылгандарды ырастап, окуя августта болгонун тактады. Ал жоокер келишимдик негизде эмес... Читать дальше...