Новости за 16.10.2019

Кыргызстанда ири өлчөмдөгү пара менен кармалып, узак мөөнөткө соттолгондордун айрымдарынын жаза мөөнөтү кыскарса, башкалары айып пул төлөп бошоп кетип жатканы белгилүү болду. Бул жагдайлар президенттин коррупцияга каршы күрөшөбүз деген чакырык-ураанына көлөкө түшүрбөйбү? Өлкөдө тамырлаган бул илдетке каршы чыныгы күрөш жүрүп жатабы же бул кожокөрсүн мамиленин көрсөткүчүбү? Студиянын бүгүнкү коноктору - Жогорку Кеңештин депутаты Курманкул Зулушев жана саясий серепчи Турат Акимов.

Украинада Коррупцияга каршы улуттук бюро мурдагы баш прокурор Юрий Луценкого дагы бир кылмыш ишин козгоду. Ага ылайык, Луценко "кызмат абалынан кыянат пайдаланган" деп айыпталып жатат. Кылмыш иши Жогорку Рададагы "Эл кызматчысы" фракциясынын төрагасы Давид Арахмиянын арызынын негизинде ачылды. Ал арызында Луценко бир катар экс-депутаттар менен чогуу "мыйзамсыз казинолор тармагынын акционерлеринин бири" экенин жазган. Мунун алдында ушундай эле айып менен Иликтөөлөр боюнча мамлекеттик бюро Луценкого кылмыш ишин козгогон. Читать дальше...

Ушул айдын башында Иранда сот президент Хасан Роуханинин бир тууган иниси Хусеин Ферейдунду беш жылга эркинен ажыраткан. Ал быйыл май айында коррупцияга байланыштуу камакка алынган. Сот бийлигинин өкүлү Голамхоссейн Эсмаили Ферейдунга дагы башка айыптар коюлушу ыктымал экенин билдирип, бирок анын чоо-жайын ачыкка чыгарган эмес. Хусеин Ферейдун 2017-жылы өлкө президенти жана бир тууган агасы Хасан Роуханинин башкы кеңешчиси болуп турган учурда «финансылык кылмыштарга аралашкан» деген айып менен камакка алынып... Читать дальше...

Москва шаардык соту бүгүн, 16-октябрда Егор Жуков менен Самариддин Раджабовдун бөгөт чарасын карап, тергөө абактагы мөөнөтүн 27-декабрга чейин узартты.  Экономика жогорку мектебинин студенти Жуков менен активист Раджабов быйыл жайында Москва шаарындагы нааразылык акцияларга байланыштуу камакка алынган. Аларга "калайман баш аламандык уюштурган, экстремизмге, конституциялык түзүлүштү күч менен өзгөртүүгө чакырган, бийлик өкүлдөрүнө күч колдонгон" деген айып коюлган. Экөө тең күнөөсүн мойнуна алган эмес. Читать дальше...

“Ата Мекен” партиясынын төрагасы Өмүрбек Текебаев парламент депутаты Курманкул Зулушевдин “депутаттар мыйзам жазбашы керек” деген пикирине байланыштуу "24.kg" агенттигине комментарий берген. “Эл өкүлү өкмөт сунуштаган мыйзамга гана добуш берүү менен чектелсе депутат эмес”, - деди Текебаев. Бирок, ал Зулушевдин айтканында жүйө бар экенин белгилеп, айрым учурда депутаттар кесиптештери сунуштаган чийки мыйзамдарга ар кандай себептерден улам “каршы” добуш бере албай жатканын айтты. Бул маселени Текебаев... Читать дальше...

Улуттук коопсуздук боюнча мамлекеттик комитеттин төрагасынын орун басары Мирлан Тургунбаев Жогорку Кеңеште депутаттардын суроолоруна жооп берип жатып, Сириядагы атайын лагерлер менен түрмөлөрдө беш жүздөй кыргызстандык кармалып турганын маалымдады. Учурда ал жактагы аялдар менен балдарды алып келүү боюнча сүйлөшүүлөр уланып жатат. “Сирияда жүргөн жарандар анын ичинде аялдар, балдар боюнча идентификациялоо иштери жүрүп жатат. Беш жүздөн ашык кыргызстандык качкындар лагеринде, түрмөлөрдө жатат. Аларды алып келүү боюнча сүйлөшүү жүрүп жатат”... Читать дальше...

Кыргызстандын Анкарадагы элчисинин «Ыйман» диний маданиятты өнүктүрүү фондуна Түркиядан кошумча каржылык жардам сурашы парламенттин сынына кабылды. Депутаттар мындай кадам аталган өлкөнүн басымын күчөтөт деп эскертишти.

АКШнын чабармандары Сириянын түндүгүндөгү согуштук аракеттерди токтоттуруу вазийпасы менен Түркияга аттанып жатышат. Казакстанда Кытайдын Шинжаң районунан качып, чек араны мыйзамсыз өткөн эки казактын окуясы боюнча сотко чейинки тергөө башталды.

Кримтөбөл Азиз Батукаевдин түрмөдөн мыйзамсыз бошотулушуна байланыштуу сот мындан ары жабык өтөт. Мындай чечимди бүгүн, 16-октябрда ишти карап жаткан Бишкектин Биринчи май райондук сотунун судьясы Эмилбек Кайыпов чыгарды. Бул тууралуу «Азаттыкка» мурдагы президент Алмазбек Атамбаевдин жактоочусу Замир Жоошев билдирди. -Сот отуруму башынан аягына чейин жабык өткөнү калды. Бул туура эмес. Анткени болгону «27-том мамлекеттик купуя сырды камтыган том» деп таанылган. Калган 26 том эч кандай сырды камтыбайт. Читать дальше...

"The New York Times" гезити Орусиянын Европада атайын операцияларды жүргүзгөн жашыруун аскердик бөлүгүн ашкере кылып койду. Ал эми «Азаттыктын» орус кызматы британ бийлиги киши ууландырууга айыптаган орусиялык Анатолий Чепиганын дал ушул жашыруун чалгынчылардын бөлүгүнө байланышын аныктады.

Түркиянын президенти Режеп Тайып Эрдоган 16-октябрда парламентте сүйлөп жатып, эл аралык коомчулуктун дооматына жооп кайтарды. Ал Анкара Сириянын түндүгүндөгү күрд кошуундарына каршы жортуулун токтотпой турганын билдирип, дүйнөлүк державалардын талабын четке какты.  - Кээ бир лидерлер ортомчу болгонго аракет кылып жатат. Түрк Республикасы эзели террорчул уюм менен бир үстөлдө отурган өлкө болгон эмес. Биз жоочулар бүгүн эле курал-жарагын таштап, буктурмалардын баарын бузуп,  "коопсуз аймактан" чыгып кетишсин деп жатабыз, - деди. Читать дальше...

Испаниянын Каталония аймагында жикчилдердин лидерлерин бошотууну талап кылган калайман нааразылык акцияларында полиция менен демонстранттар кагылышты. Анда 70тей адам жаракат алып, 25 активист камакка алынды. Миңдеген адам катышкан нааразылык акциялары Барселона баштаган бир катар шаарларда да өттү. Демонстранттар көчөлөрдү бууп, таштанды челектерди, тосмолорду алып ыргытышты. Полиция аларга каршы желим октор менен көздөн жаш агызган газды колдонду.  Испан өкмөтүнүн башчысы Педро Санчес калайман тополоңду айыптады. Читать дальше...

Жогорку Кеңештин депутаты Тазабек Икрамов парламентте депутаттар пайда көрчү бюджет жок экенин айтып, мыйзам чыгаруу бийлигине чыныгы мекенчил адамдар келерин билдирди. Ал бул тууралуу социалдык тармактарда «депутаттар мандатты сатып алышат» деген пикирлер көбөйгөнү боюнча «Азаттыкка» жооп берип жатып айтты. - Өзүңүздөр билесиздер Жогорку Кеңеште эч кандай бюджет жок. Көптөгөн кыскартууларга бардык. Жогорку Кеңешке чындыгында патриот адамдар келет. Мүмкүн көбү «акча табат» деп башкача ойлошот. Читать дальше...

Казакстандын Улуттук коопсуздук комитети Шинжаңдан келген эки кытайлык казактын окуясы боюнча сотко чейинки тергөө башталганын кабарлады. Мурагер Алимулы жана Кастер Мусакан аттуу кытайлык жарандар Шинжаңда көргөн запкыга чыдабай, чек арадан мыйзамсыз өтүп Казакстан тарапка чыга качышкан.

Президент Сооронбай Жээнбеков бүгүн, 16-октябрда Борбордук шайлоо комиссиянын төрайымы Нуржан Шайлдабекова менен алдыда болчу шайлоолорду талкуулады. Президенттин басма сөз кызматы тараткан маалыматка караганда, Шайлдабекова жакынкы эки жылдын ичинде өтчү шайлоолор тууралуу маалымат берди. Алар: 2020-жылдын апрелинде 31 жергиликтүү кеңешке шайлоо (айылдык жана шаардык), 2020-жылдын октябрында Жогорку Кеңешке шайлоо, 2021-жылдын апрелинде 417 жергиликтүү кеңешке шайлоо (айылдык жана шаардык)... Читать дальше...

Кийинки убакта чуулгандуу кылмыш иштеринде «тергөө менен кызматташуу» деген механизм пайда болуп, бул саясий кызыкчылык үчүн куралга айланганы тууралуу сын пикирлер айтыла баштады.

Гонконгдо 16-октябрда парламенттеги оппозициячыл депутаттар шаар башчысы Кэрри Ламди сүйлөтпөй коюшту. Ал жылдык кайрылуу жасаганы жатканда Ламдин сөзүн бөлгөн кыйкырык-сүрөөн күчөдү, ушундан улам Кэрри Лам парламенттен чыгып кетти. Гонконгдун шаар башчысы кийинчерээк видео кайрылуу таратты.  Гонконгдо бир канча айдан бери полиция менен демонстранттар кагылышкан калайман нааразылык акциялары өтүп жатат. Миңдеген адамды көчөгө чыгарган нааразылыкка кылмышка шектүүлөрдү Кытайга өткөрүп берүүгө жол ачкан мыйзам долбоору негиз болгон. Читать дальше...

Кыргыз-казак чек арасында 50 чакты оор жүк ташуучу машина токтоп турат, абал туруктуу. Бул тууралуу «Азаттык» радиосуна Кыргызстандын Чек ара кызматынын расмий өкүлү Гүлмира Бөрүбаева билдирди. Анын айтымында, көзөмөл-өткөрмө бекеттер штаттык режимде иштеп жатат. - Азыркы саатка карата “Ак-Тилек” бекетинде 50 чакты оор жүк ташуучу автоунаа чек ара көзөмөлүнөн өтүү үчүн кезекте турат. Кыргыз-тараптан эч кандай чектөө жок. Кыргыз чек арачылары машинеде тыюу салынган каражат же зат жокпу, текшеришет. Читать дальше...

Кримтөбөл Азиз Батукаевдин түрмөдөн мыйзамсыз бошотулушуна байланыштуу кылмыш ишин тергөөдө Нарын шаардык сотунун мурдагы судьясы Жапар Эрматов экс-башкы прокурор Индира Жолдубаевага каршы көрсөтмө берген. Бул тууралуу «Азаттыкка» Жолдубаеванын адвокаты Алия Турумбекова билдирди. - Мен анын (ред: Жапар Эрматов) көрсөтмөсүн сөзмө-сөз айтып бере турган болсом ал «Индира Жолдубаева эгерде негиз болсо өтүнүчтү канааттандырып коюуну (ред: Азиз Батукаевди абактан бошотуу боюнча өтүнүчтү) суранган» деп жатат. Читать дальше...

Нидерланддын полициясы Рёйнерволд аймагында кеминде тогуз жыл жертөлөдө жашаган үй-бүлөнү тапты. Полициянын маалыматы боюнча, алты кишиден турган үй-бүлөнүн бешөө 18-25 жаштардагы бир туугандар, алтынчысы алардын атасы. Аларга учурда медициналык жана психологиялык жардам көрсөтүлүүдө. Полиция бул үй-бүлө эмне себептен жертөлөдө жашаганын так айта элек, бирок жергиликтүү басылмалар бул адамдар акыр заманды, кыямат кайымды күтүп, эч жакка чыкпай жашап келишкенин жазып чыгышты.  «Reuters» маалымат... Читать дальше...

Ооганстандын чыгышындагы Лагман провинциясында полициянын кеңсесинин жанындагы машинеге коюлган бомба жарылып, кеминде үч полиция кызматкери ажал тапты, дагы 36 киши жарадар болду. Алардын арасында медереседе окуган 20 бала бар экени белгилүү болду.  Ички иштер министрлигинин басма сөз катчысы Нусрат Рахими билдиргендей, жардырууда полициянын кеңсесинин жанындагы медресе да аздыр-көптүр кыйраган.  Кол салууну ким уюштурганы азырынча белгисиз. Полициянын расмий өкүлү Нусрат Рахими жардырууга байланыштуу «Талибан» кыймылын күнөөлөдү. Читать дальше...

АКШнын вице-президенти Майк Пенс менен президент Дональд Трамптын жеке адвокаты Рудольф Жулиани 15-октябрда президентке импичмент жарыялоо жараянынын алкагында Эл өкүлдөр палатасы менен кызматташпай турганын билдиришти. Пенс өзүнүн адвокаты аркылуу Конгресс сураган Украинага байланыштуу документтерди бербей турганын айтты. Жулиани да конгрессмендерге ушундай эле жооп кайтарды. Анын жактоочусу Өкүлдөр палатасынын юристтерине жиберген катта мындай иликтөө мыйзамсыз экени жазылган жана Жулианинин... Читать дальше...

Бишкектин Биринчи май райондук ички иштер башкармалыгы Жазык кодексинин «Бөтөн жер участогун өзүм билемдик менен ээлеп алуу» деген беренесинин негизинде сотко чейинки өндүрүш баштады. Бул тууралуу шаардык милиция кабарлады. Мекеменин басма сөз кызматынын өкүлү Сайкал Садыбакасованын айтымында, 15-октябрдагы муниципалдык жерди басып алуу аракети Кылмыштар менен жоруктардын бирдиктүү реестрине каттоого алынды. Кармалгандар түшүндүрүү иштерин жүргүзгөндөн кийин кое берилди. - Муниципалдык жерди... Читать дальше...

Түндүк Кореянын борбордук жаңылыктар агенттиги өлкө лидери Ким Чен Ындын өлкөдөгү эң бийик тоого ат минип чыкканын көрсөткөн сүрөттөрдү жарыялады.  Ал сүрөттөрдөн Түндүк Кореянын башчысы кар баскан Пэктусан тоосунда боз атты чаптырып жүргөнүн көрүүгө болот. Адистер бийликти бир колдо кармаган авторитардык лидер бийиктиги 2750 метрге жеткен бул тоого Пхеньян маанилүү билдирүү жасаардын алдында бара турганын белгилеп келишет.  Мисалы, 2017-жылдын соңун утурлай Ким Чен Ындын Пэктусан тоосундагы кезектеги сүрөттөрү жарыяланган. Читать дальше...

Орусия президентинин Сирия боюнча атайын өкүлү Александр Лаврентьев Москва Түркиянын куралдуу күчтөрү менен Сириянын өкмөттүк күчтөрүнүн ортосундагы кагылышууга жол бербейт деп билдирди.