Новости за 25.09.2018

АКШнын мамлекеттик катчысы Майк Помпео Нью-Йоркто Орусиянын тышкы иштер министри Сергей Лавров менен жолугуп, Москванын Сирияга С-300 ракеталык системасын жөнөтүү чечимин талкуулоого даярдык көрүп жатат. Бул тууралуу ал орус тараптын жарыясынан бир нече саат өтпөй билдирди: - Орус тарап менен сүйлөшө турган темаларыбыз көп. Алардын катарында С-300 боюнча кабыл алынган чечим тууралуу маселе бар деп ишенем. Биз бирге иштеше турган багыттарды аныктоого аракет кылып жатабыз, бирок алар америкалык кызыкчылыктарга каршы аракеттенген учурлар да бар... Читать дальше...

Бүгүн Кыргызстанда КМШ өлкөлөрүнүн “Антитеррор-2018” аскерий машыгуулары башталат. Бул тууралуу Башкы штаб расмий маалымат бере элек, бирок Орусиянын Коргоо министрлиги жарыялаганына караганда, машыгуулар «Эдельвейс» базасында өтөт. Аскерлердин биргелешкен тобу авиациянын колдоосу менен куралчан топторго каршы туруу, маанилүү объекттерди террордук чабуулдардан коргоо, тоо шартында иштөө ыкмаларын иш жүзүндө көрсөтүп, машыгышат.  Бир катар орусиялык маалымат агенттиктер менен гезиттердин жазганына караганда... Читать дальше...

Майып адамдарга карата терс стереотиптерди аныктоого багытталган изилдөө жүргүзүлдү. Анын жыйынтыгы тууралуу бүгүн Бишкекте өтө турган жыйында айтып беришет. Изилдөөнү кыргыз өкмөтү жана Бириккен Улуттар Уюмунун Өнүктүрүү программасы чогуу өткөрүштү. Анда майыптар жана айыл жергесинде жашаган аялдар тууралуу калыптанып калган терс көз караш катардагы жарандар гана эмес, өлкөнүн саясатын иштеп чыгуучу мамлекеттик кызматкерлер арасында да бар экени айтылат. БУУнун Өнүктүрүү программасы ишке ашырып... Читать дальше...

Кыргызстанда кезектеги “Карек” республикалык кинофестивалына тасмалар кабыл алына баштады. Ага кино тартууга кызыккан жеткинчектер катыша алат. Каалоочулар “Бул менин дүйнөм!” же “Мен жана табият” деген темалардын бирине узактыгы 10 мүнөттөн ашпаган анимация, даректүү же көркөм тасма тартып жөнөтүшү керек. Быйыл үчүнчү жыл уюштурулуп жаткан фестивалды Маданият, маалымат жана туризм, Билим жана илим министрликтери, Кинематография департаменти, “Ак Илбирс” академиясы өткөрүүдө. Тасмалар 15-октябрга чейин кабыл алынат. Читать дальше...

Кыргызстандын тышкы карызын төлөөнүн эң жооптуу этабы 2028-жылга туура келет. Бул тууралуу парламенттин Бюджет жана каржы комитетинин жыйынында маалымат берип жатып каржы министри Адылбек Касымалиев билдирди. Министрдин айтымында, былтыр бул карыздын бир жылдык суммасын жабууга кыргыз өкмөтү 9 миллиард 957 миллион сом төлөдү. Жалпысынан бүгүнкү күндө Кыргызстандын тышкы карызы 4,4 миллиард долларды түзүүдө. (RK)