Новости за 19.07.2019

Москвахь яйна нохчо, Шемарчу йоIе сатуьйсу нана, ткъа Нохчийчохь туризм кхио гIерта.

Финансийн а, дешаран, Iилман а министрша пIераскандийнахь даржаш шайн лаамехь охьадохкуш, куьйгашъяздина, хаамбо хьосташа. Цкъачунна церан дIахьедарийн хьокъехь сацам бина бац, яздо "Интерфакс-Юг" хьостано. Ханна декхарш кхочушдечу ГIалгIайчоьнан куьйгалхочун администрацерчу хьостано а бакъйина информаци, дуьйцу Новости агенталло. Мехкан куьйгалхочун а, администрацин а сайташ тIехь зорбане яьккхина информаци яц оцу хаамех.

Нохчийчоьнца дозанаш билгалдахарна дуьхьалбевллачаьрца митингехь лаьттина Зязиков Хьасан дIалаьцна ГIалгIайчохь, хаамбо "МБХ медиа" портало, адвокато Евгажуков Фатимас хаамбарца. Еарин суйьранна дIалаьцна иза Магасан кхелера Нальчике дIавигина. Iедалан векална тIе куьйг даьхьна аьлла, 318-гIа артикл дуьхьалъяьккхина цунна а. Хьалхо Маршо Радионо хаамбира, протестийн декъашхо Саутиева Зарифа дIалацарх.  Магасехь Зазадоккху-беттан 26-27-чу а деношкахь протесташ хиллачул тIаьхьа лецарш долийна ГIалгIачохь. Читать дальше...

Маре яха дуьхьалъяьлла 24 шо долу йоI яйна Москвахь шен 3- 5 шераш долчу шина бераца цхьана, чIагIдо Mash Telegram-канало. Шен бераш а кхобуш деца а, ненаца а Москвахь ехаш хилла иза. Масех де хьалха иза еха кхо стаг веана хилла церан цIа, амма жоп ца делла хилла царна. Иза йига гIертачу кIанта а, цуьнан накъосташа а телефонаш етташ, юкъаерзийна хилла иза. Кху бетан 6-чохь Седин 57 шо долчу дена гучудаьлла иза а, цуьнан ши бер а къайлабовлар. Ресурсан хаамашца, йийцаре еш ю ши верси – йа лачкъийна иза, йа шен лаамехь цIераяьлла. Читать дальше...

Саламова Елена ГIалгIайчохь кхуьуш, марсабовлуш бу Iедална резабоцучарна бен Iаткъамаш Деношкахь Нальчикерчу кхело сацамбина Саутиева Зарифа – гIалгIайн протесташкахь дакъалаьцна зуда – лаьцна йита. Дуьххьара дац цунна шен политикан жигаралла бахьанехь Iаткъамбар – шеран юьххьехь даржера йохийра иза, мукъаяьккхира репрессеша хIаллакбиначарна хIоттийначу Дагалецамийн комплексан директоран гIовс йолучуьра. Амма къар ца елира – меттахIоттийра даржехь. Бутт хьалха юха а дIаяьккхира балхара Зарифа... Читать дальше...

"Кавказякашна" уггаре товш меттиг ю Абхази. Массерачул еха ю кавказяк-мозийн ю. Оцо аьтто ло накхарна зезагера, мел кIорга хиларх, дургал схьаэца. Воккхачу стага Романа – мазлагIчас – дийцарехь, массо а мозел "аьрха" ду "кавказякаш". Цунна халахета фермерша стоьмех, хасстоьмех гербицидаш, химин молханаш детташ – оцу бахьаница дукха ле накхармозий.

Дуьненаюкърачу пачхьалкхашка доьлхучу кеманийн рейсашца хийцамаш бан гIерта Оьрсийчоь. Къайлахчу сервисаша тIедилларца, нагахь "Оьрсийчоьнна кхерам хаалахь" дуьненаюкъара муьлхха а рейс юкъахъяккха тарло ФСБ-н билламашца. "Коммерсанто" яздо цунах лаьцна, шайн хьостанна тIе а тевжина. Авиакомпани декхаре хир ю оцу хьелашкахь хIора рейсах а, кеман тIехь боьлхучу пассажирех а, дIахьочу мохьах а информаци дIаяла кема гIатта ах сахьт дисале хьалха. Экипаж маса стагах ю а, муьлхачу къомах уьш бу а, церан график а... Читать дальше...

Туристаш тIеоза Iалашонца керла тIеман тур вовшахтоьхна Нохчийчохь. Туризман министраллана хетарехь, регионе лелачу туристашна интересе хир ю и проект. "ТIеман туристийн тураш дIаяхьа Iаламат таронаш ю Нохчийчохь, хIунда аьлча, дуьненахь шех тераниг кхин ян а йоцуш, Дуьненаюкъара спецназан университет кхузахь хиларна", - аьлла "Чечня Сегодня" агенталле туризман министро Байтазиев Муслима. Керла туризман кеп йовза луучарна лерина кхо вариант ю кечйина. Спецназан университетера дIайолалур ю иза... Читать дальше...

Шемахь йолу шен 33 шо долу йоI а, цуьнан бераш а кIелхьардахар дехна Ялтерчу яхархочо Нохчийчоьнан урхалхочуьнга Кадыров Рамзане. Куьйгалхочуьнгахула йолчу адамийн бакъонийн Кхеташонан декъахочуьнга Саратова Хедига кехат дахьийтина хилла йоьIан нанас. Цо дийцарехь, кхуьнан йоI Шматова Екатерина корта лазийна ю. Багхуз гIалара даIишхойх едда, шен берашца "Ал-Хол" куьпа дехьайолучу заманчохь чов йина цунна. Иза кхетамчуьра яьллачу хенахь тIепаза дайна цуьнан кхо бер. "Коьрте лазар оьхуш, еххачу заманчохь... Читать дальше...