Новости за 03.07.2019

ТIехьа-Мартанахь полисхошна тIелатар динчун цIе йовзийтина, Яндиев Аслан бехказваккхар доьху адвокато, ницкъаллийн структураша шайн болх чIагIбан беза аьлла Кадыровс.

Нохчийчуьрчу прокуратурано кхеле дIакховдийна 2016-чу шарахь полисхошна тIелатар дан Iалашо хилла аьлла, вийначу Дагестанерчу 8 вахархочун хьокъехь бехкзуламан гIуллакх, хаамбо адвокатан Сабинин Андрейн информацина тIе а тевжина, "Агора" бакъонашларъяран тобано. Талламчийн версица, шина машенахь Нохчийчу боьлхуш хилла и кегий нах теракт дан Iалашонца, амма полисхоша юкъахдаьккхина хилла, уьш хIаллак а бина. "Дагестанера бахархой тIехь болчу шина машенна герзаш диттина , уьш чохь а болуш яьгнера машенаш. Читать дальше...

Шема дIабахначу кегийрхойн гергара йоI ялийна, наркоман вара ТIехьа-Мартанарчу полисхойн постана тIелатар дина Мусаев Зеламха аьлла, дIахьедина чоьхьарчу гIуллакхийн министраллан векалша мехкан куьйгалхочуьнца Кадыров Рамзанца дIаяьхьначу кхеташонехь. Маршо Радионо яздира, кху беттан 1-чу дийнахь ТIехьа-Мартанарчу полисхойн постана динчу тIелатарехь Кемеровон кIоштара белхан декхарш кхочушдан хьажийна хилла полисхо Дворников Александр верах. Вийна тIелатархо Мусаев Зеламха наркоман хиллера аьлла... Читать дальше...

Нохчийчохь полицин белхахошна тIелетарийн рогIерчу тулгIено гучуйоккху цигахь кхерамазаллица йолу хало.

Муртазалиева Зараъ Нохчийн суртдиллархо Чамаева Асет дуккха хестийна суртдиллархойн гайтамашкахь. Даймахкахь а, цул дехьа а. Оьрсийчоьнан а, ЮНЕСКО-н а суртдиллархойн цхьаьнакхетараллийн декъашхо ю иза. Дуккха а даьхна цо дуьненаюкъара совгIаташ. Парижерчу ЮНЕСКО-н коьртачу хIусамехь а лаьттина цуьнан суьртийн гайтам. 32 шо ду Чамаеван. Суьрташ дахка йолаелла 2007-чу шарахь. Юьстахара хьаьжча, хетало, шен некъ цо атта болийна, атта дIахьош а бу, олий. Амма дац иза бакъ – хала кхаьчна аьттонийн баххьашка. Читать дальше...

Iамеркан Цхьанатоьхначу Штатийн пачхьалкхан секретар Помпео Майк Вашингтонехь цхьанакхетта шинаридийнахь белхан Iалашонца Iамерке веанчу Казахстанан арахьарчу гIуллакхийн министрца Атамкулов Бейбутца. "Пачхьалкхан секретаро лаккхара мах хадийна Казахстанан урхалло Шемара цIабалийначу шайн бахархойн интеграци яран", - хаамбина пачхьалкхан департаментан пресс-гIуллакххоша, шина пачхьалкхан арахьарчу гIуллакхийн урхалхойн цхьанакхетар дирзинчул тIаьхьа. Iамеркан пачхьалкхан департаментан официалан векало Ортагус Моргана ишта хаамбина... Читать дальше...

Ливин Триполи шахьарерчу мухIажирийн каппашкахь динчу кеманийн тохаршкахь вийна мел лахара а 40 стаг, лазийна 80. Дуьненаюкъаралло къобалйинчу пачхьалкхан векалша бина цунах хаам. Шаьш шайх "Ливийская национальная армия" (ЛНА) аьлла, дIакхайкхийначу инарлан Хафтар Халифан ницкъашна бехкбиллина авиатохарш дарна Ливин Iедалхоша. Охан-баттахь дуьйнна тIегIерташ бу уьш Триполи гIалина. Ливин Iедалша дийцарехь, беллачех дукхахберш Африкан мехкашкара баьхкина Европе дехьабовла гIерташ хилла мигранташ бу. Читать дальше...

Кхечу регионашкара чубалийначу полисхоша республикан дозанашкахь хIиттийна блокпосташ дIаяха еза аьлла, дIахьедина Нохчийчоьнан куьйгалхочо Кадыров Рамаза. ТIехьа-Мартанахь полисхойн постана тIелатар динчул тIаьхьа ницкъаллийн структурийн белхахошца шинаридийнахь дIаяьхьначу кхеташонехь дина цо цу кепара дIахьедар. Мехкан куьйгалхочо дагадаийтина, и блокпосташ латторах хаттар хьалха а айдина хиларх, амма хIинццалц цунах йист яьккхина цахиларх а. Экономикан а, юкъараллан а кхерамзаллин Кхеташонан секретарна Усмаев Вахьидна тIедиллина цо... Читать дальше...

Оьрсийчоьнан 13 регионехь иммунодефицитан лазар (ВИЧ) кхетта бу цхьаъ сов процент бахархой.  РБК агенталло Iорадоккху и терахь, Роспотребнадзоро кечйинчу рапортан бух тIехь. Кхи а 35 регионашкарчу бахархошлахь 0, 5 процент сов лакхадаьлла го ВИЧ лазар. 2018-чу шарахь Иркутск кIошт яра иммунодефицитан лазар уггар а даьржинчех ю аьлла къастийна. 1, 8 процент цигарчу  бахархойх хьакхаделлера и лазар. Шина проценте гIоьртинера лазар Свердловскан а, Кемеровон а кIошташкахь. ВИЧ цамгарх тIаьххьара 2015-чу шарахь хIоттийна статистика. Читать дальше...

Шинаридийнахь дийцарш дIадаьхьира Ростов гIалин тIеман кхело Словакино Оьрсийчоьне дIавеллачу Къилбаседа ХIирийчуьра схьаваьллачу гIалгIан Яндиев Асланан гIуллакхан хьокъехь. Карладоккху, 2007-чу шарахь дуьйна дуьненаюкъарчу лехамашкахь хилла ву Яндинв Аслан. 2011-чу шеран Дечкен-баттахь Словакехь дIалецира иза, ткъа 2018-чу шарахь Оьрсийчу экстрадици йинчул тIаьхьа БуьритIерчу талламан изоляторчохь латтош вара. 2005-2006-чу а шерашкахь Къилбаседа ХIирийчоьнан дозан тIехь герзашца леллачу тобанашца цхьана зуламаш лелийна аьлла... Читать дальше...

Ницкъаллийн структурийн белхахойн кхачамбацарш гучудаьхна ТIехьа-Мартанарчу полисхойн постана динчу тIелатаро, тIейогIучу хенахь терроризмца латтош болу къийсам кхи тIе а чIагIбан беза  аьлла, дIахьедина Нохчийчоьнан куьйгалхочо Кадыров Рамзана. Зуламхой Iорабаха беза террор дан церан коьрте деанчу заманчохь, дина даллалц а ца Iаш аьлла, ша Iалашо хIоттийна аьлла, билгалдаьккхина Кадыровс. "Оцу гIуллакхна хIора полисхо сема хила веза, даим а оьшу информаци лоьхуш хила веза иза. ТIехьа-Мартанахь хиллачу инциденто билгалбаьхна эшамаш. Читать дальше...

Нохчийчуьрчу ТIехьа-Мартанахь полисхойн постана тIелатар динчу жимчу стеган цIе Iораяьккхина республикерчу чоьхьарчу гIуллакхийн министралло. 26 шо долу меттигера вахархо Мусаев Зеламха хилла иза. Маршо Радионо яздира оршотдийнахь, ТIехьа-Мартанарчу лоьмар 4 йолчу пунктна тIелатар дарх вевзаш воцчо. Полисхочунна уьрсан чов а йина, граната кхоьсина хиллера тIелеттачо. Цул тIаьхьа ницкъахоша герз тоьхна, вийнера зуламхо. Дарбан цIийне вуьгучу заманчохь велла чов хилла 32 шо долу полисхо. Йолчу информацица... Читать дальше...