Новости за 04.07.2019

Четар диттина шена нохчочо аьлла, арз динчу Австрин политикна Дёнмез Эфганина (Efgani Dönmez) дуьхьал бехкзуламан гIуллакх диллина. Ткъа цуьнан дуьхьалончо чIагIдора, шена урс даьккхина чугIертара иза, цунах ларвалархьама четарца дуьхьало йинера ша бохуш. "Кавказ.Реалии" портале полицехь дийцарца, Дёнмеза герзаца кхерамаш тийсина аьлла, шеконаш кхоллаелла Iедалан. Оцу юкъанна, цунна дуьхьал ваьллачу 23 шо долчу, нохчо ву аьлла, дIахьединчу стагна гонах а бу талламаш беш. Оьрсийчуьра ву алар доцург... Читать дальше...

Оьрсийчуьрчу Талламан комитетан белхахойн алапаш тIедогIучу кхаа шерачохь 20 проценте лакхадевр ду. "Дождь" телеканале бина и хаам пачхьалкхан куьйгаллерчу церан къайлахчу хьостано. Президентан и омра цкъачунна къайлахчу грифехь латтош ду, цундела цхьанхьа а зорбане даккхаза дуьсу. Бакъду, диллина ду финансийн министраллан 2020-2022-чу шерашна леринчу бюджетан проектан документаш. Цаьрца а догIуш, Талламан комитете хьажош ду оцу ханна совнах 16, 5 миллиард сом. Талламан комитетан белхахошна алапаш тIетохарх официалехь тIечIагIдеш дац. Читать дальше...

Оьрсийчуьрчу набахтешкахь дийнахь а, буса а тутмакхашна тIехь видеокамерашца Iуналла латторо низамаш хьоьшуш ду аьлла, тIечIагIдина Европан адамийн бакъонашкахула йолчу кхело. "Коммерсант" хьостано яздо цунах лаьцна. Арз динера кхеле тутмакхаша Горлов Игора а, Вахмистров Дениса а, Саблин Виктора а. Цара билгалдаьккхинера, шайн камераш чохь дийнахь а, буса а дерриг а дIаяздеш видеокамераш ю аьлла. Красноярскерчу лоьмар 6 йолчу ИК-чохь латтош хилла Вахмистров, зудчо ха а деш. Забайкальерчу таламан изолятор чохь вара Саблин. Читать дальше...

Biletix сервисан эксперташа дIабаьхьначу онлайн-хаттамехь билгалъевлла Оьрсийчохь а, кхечу пачхьалкхашкахь а туристашна кхераме йолу меттигаш. Верриг а хаттамехь дакъалаьцна 1800 эзар респонденто. Дукхахболчарна хетарехь, кхераме ду Кавказерчу мехкашка а, Оьрсийчоьнан Къилбе а, яккхийчу гIаланашка а ваха. 36 сов процент бахархошна кхераме хета Дагестан. Цунна тIаьхьа йогIу Нохчийчоь (34%), Москва а, Москван кIошт а (19%), Краснодаран кIошт (22 %), Свердловскан кIошт (12 %). Информацин агенталлан зерашца... Читать дальше...

2024-чу шарахь хьайн хан чекхъяьлча политика юьтур ю ахь, йа кхечу даржехь вуьсур ву хьо аьлла, италхойн Corriere della Sera газетано шега деллачу хаттарна жоп ца делла Оьрсийчоьнан президенто Путин Владимира. Цкъачунна хьалхе ду цунах лаьцна дийца, ткъа карарчу хенахь президентан даржехь дан гIуллакхаш дуккха а ду шен аьлла, дIахьедина Путина. Итали воьдучу деношкахь газетана еллачу интервьюн чулацам зорбане баьккхина Кремлан сайтехь. Хьалхо Путина къадийнера, 2000-чу шарера схьа дуьйна ойла еш ву ша шел тIаьхьа хинволчун аьлла. Читать дальше...

Бусулба пачхьалкхашкахь шен векал вина Нохчийчоьнан муфтийн гIовс Даудов Турко республикан куьйгалхочо Кадыров Рамзана. "Еххачу заманчохь ваьхна хьо Гергарчу Малхбалехь, цундела дуккха а зеделларг ду хьан. Муфтийца, сайн хьомсарчу вешица Межиев Салахьца дага а ваьлла, охашиммо бартбина жоьпаллин дарж хьоьга кховдо - Iарбойн а, бусулба пачхьалкхийн а векал ван хьох Нохчийчоьнан цIарах", - аьллачу Кадыровн дешнаш далийна "Чечня Сегодня" агенталло. Мехкан куьйгалхочо ишта билгалдаьккхина, исламан дуьненца уллора юкъаметтигаш дIатаса еза аьлла. Читать дальше...

"ГIалгIайн къоман тайпанийн кхеташо" оранизацин куьйгалхочунна Ужахов Малсагна административан гIуда тохар низамашца дац аьлла, сацамбина ГIалгIайчоьнан Лакхарчу кхело, хаамбо "Интерфакс" агенталло, кхелерчу шайн хьостана тIе а тевжаш. ГIадужу-баттахь Нохчийчоьнца ГIалгIайчоьно дозанаш билгалдахарна дуьхьа гIаттийначу митингехь дакъалаьцна аьлла, бехкевинера иза. "Протесташкахь хилла ву ГIадужу-беттан 5-чохь аьлла, Магасан кхело бехке а вина, 10 эзар сом гIуда тоьхначу Ужаховс чуделла арз листина кхелахоша", - дийцина агенталле хьосто. Читать дальше...

ГIалгIайчоьнан куьйгалхочун декхарш ханна кхочушдечу Калиматов Махьмуд-Iелас дIаваьккхина хиллачу урхалхочун Евкуров Юнус-Бекан ворхI гIоьнча. Ву царлхаь Евлоев Улан, Евлоев МухIажир, Цолоев Iийса, Гагиев Мухьаммад, Мамилов Шарпудди а. Балхахь витина ши гIоьнча аьлла, хаамбина регионан куьйгалхочун администрацехь. Маршо Радионо яздира, 2008-чу шарахь дуьйна республикан урхаллехь лаьттинчу Евкуров Юнус-Бека байначу беттан 26-чохь дарж охьадилларх. Ханна декхарш кхочушдан хIоттийра Калиматов Махьмуд-Iела. Читать дальше...

Шеман президенто Асад Башара шен пачхьалкхехь тIемаш бинчарна кхайкхийна амнисти къобал ца йо Оьрсийчохь аьлла, Пермерчу кхело дуьхьало йина Нохчийчуьрчу вахархочун кхелан сацам хийца. 2016-чу шеран Iай Шелан кIоштарчу кхело пхи шо а, ялх бутт а хан кхайкхийра Шемарчу тIамехь дакъалаьцначу Алхазов Аюбханна. Талламчаша къастийра, 2015-чу шеран Дечкен-баттахь Астраханера доьдучу кеманца Туркойчу а вахна, цигара дIа Шема дехьаваьлла хилар Алхазов. 2015-чу шарахь шен деца цхьанакхеттачул тIаьхьа, юхавеанера иза. Читать дальше...