Новости за 30.05.2019

"Матери Беслана" комитето "Беслан. Машар латторехьа къахьегарна" аьлла, совгIат юкъадаьккхина. Хьалхара ши совгIат кхаьчна адвокатна Чеджемов Таймуразна а, Iеламчана Елканов Асланна а. Организацин куьйгалхочо Дудиева Сусаннас бахарехь, Елкановн инициативаца, Бесланехь бохам хилла ши шо кхочучу заманчуьра схьа "Маликийн гIала" цIе йолчу кешнашкахь ортодоксан ламасташца барам дIабаьхьна ца Iаш, бусулбачийн ламаз а деш ду. 2004-чу шеран Гезгамашин-беттан 1-чу дийнахь Нохчийчуьрчу тIемалоша Бесланера лоьмар 1 йолчу школана тIелетира... Читать дальше...

​Кремло дагалаьцнарг Telegram-каналашкахула тергалдало, ткъа иза тида аьтто ло Нохчийчоьнан куьйгалхочо ша йохучу гIулчашца "Йа Веза-Воккханиг, собар а, ницкъ а ло ахь суна! Кийрахь дог доцу, къиза эскар санна, мел дукха дуьненан хIуманаш хьалхатуьйсу суна сема лелачу Иблисо! Мел йоккха гамо, хьагI, мостагIалла лаьтта суна дуьхьал", - яздира Нохчийчоьнан куьйгалхочо Кадыров Рамзана шен "Вконтакте" агIон тIе кху беттан 15-чохь. Наха тидам тIеберзийра йозанна, иза доггах аьлла хиларе терра. Амма тIаьхьо гучуделира... Читать дальше...

Нохчийчоьнан куьйгалхочун Кадыров Рамзанан кIанта Адама дакъалаьцна туркойн "Воскресший Эртугрул" кино чохь. "Чечня Сегодня" агенталло бина и хаам, Шелан муниципалан кIоштан куьйгалхочун Ибрагимов Турпал-Iелин информацина тIе а тевжина. "Массо агIор кхуьуш ву Адам: школехь дика доьшу цо, спортаца уьйрашкахь ву, кеп-кепара совгIаташ дохуш. Суна даггара лаьа хьомсара Адам КадыровгIеран цIийнан тIаьхьенан дозалла хуьлийла, шен деден некъах ца вухуш", - аьлла Ибрагимовс. Кадыров Рамзанан кIант... Читать дальше...

Оьрсийчоьнан президентехула адамийн бакъонийн Кхеташонан (СПЧ) куьйгалхочо Федотов Михаила комментари йитина, Эрмалойчуьра бизнесхо Арутюнян Ашот вийна аьлла, 1,6 шарахь чохь латтийна Веданара Хасаев Мовсар бехке вац аьлла, кхелахоша бинчу сацамах. "Со воккхавоь, Хасаев бехке вац аьлла СПЧ-н позицина кхел тIетайна. Цхьа наггахь бен нислуш дац, лаьцнарг бехказвоккхуш сацамаш беш, хIара вердикт къаьсттина бIаьрла ду", - аьлла Федотовс. Нохчийн бакъонашларъярхоша дехар динчул тIаьхьа, адамийн бакъонашкахула... Читать дальше...

Москван малхбузенехь полисхоша дIалаьцна Нохчийчуьра 24 шо долу жимстаг. Тапча а, патармаша а даьхна цуьнгара, дийцина "Москва" хаамийн агенталле полисхойн декъерчу хьостано. Цо даредарца, Нохчийчуьра веана и жимстаг сацийна хилла полисхоша Можайскан шоссехь кхааридийнахь. "Цуьнан дегIах хьоьвсича карийна Стечкинан ши тапча а, 9 мм калибр йолу 40 патарма а", - дийцина агенталле хьостано. Лаьцна полицин декъе дIавигинчу цунна дуьхьал бехкзуламан гIуллакх айдаран хаттар ду дийцаредеш.

Москвара Соьлжа-ГIала доьду SU1498 кема ца даьлла охьадосо дезна Шереметьево аэропортехь, цIе йойу гIирс цIеххьана болхбан болабаларца доьзна. ТАСС агенталло бина и хаам, орцанхойн гIуллакхдархойн информацина тIе а тевжина. Пассажирашна а, экипажна а зен-зулам доцуш охьахаийна кема. Инцидент хиларан бахьанаш луьстуш ду.

Нохчийн латархой Эдилов Iабдул-Керим а, Бибулатов Мохьмад а UFC юкъара дIабаьхна аьлла, яьржина информаци бакъ ца йина Нохчийчохь. Латархойн "Ахмат" клубан президенто Висмурадов Абузайда билгалдаьккхина, UFC-н организаци юкъара спортхой арабовлар Нохчийчоьнан куьйгалхочуьнца дийцаре а дина хилла ду аьлла. "Социалан машанашкахь харц информаци ю лелаш, "Ахмат" клубан латархой Эдилов Iабдул-Керим а, Бибулатов Мохьмад а UFC юкъара дIаваьккхина бохуш. Хууш ма-хиллара, иза бакъ дац. Сан хьомсарчу вешица ... Читать дальше...

Москва йохка наркотикаш хьош воьдучу хенахь дIалаьцначу Нохчийчуьрчу вахархочунна 15 шо хан тоьхна Нальчик гIалин кхело. ГIебарта-Балкхаройчоьнан Лескенскан кIоштарчу "Урух" постехь дIалаьцнера иза, Волгограде а вахана, цигара дIа Москва кхача Iалашонца араваьлла волу. Шен хIусамненаца а, жимачу бераца а такси тIехь воьдучу заманчохь, яздо REGNUM агенталло. "Талламаш бича полисхошна машенчохь карийна 30 миллион соьмана 19, 5 кила гашиш", - аьлла бу прокуратуран хаам. Стоъхка аьхка хилла ю хIара инцидент. Читать дальше...

Цхьацца меттигашкарчу башхаллех лаьцна дуьйцу Кавказе богIучу хьешашна тураш латточу операторо.

ГIалгIайчуьрчу тайпанийн Кхеташонан болх сацийна регионерчу юридикан министралло, хаамбина "МБХ медиа" хьостане ханна цуьнан куьйгалхочун декхарш кхочушдеш хиллачу Даскиев Мурада. «ФортангаORG» гIирсан Телеграм-канало зорбане яьккхина оцу хьокъехь урхалло бинчу сацаман копи. Цуьнца а догIуш, шина баттана юкъахбаьккхина Кхеташонан болх. Юридикан министралло дIахьедина, Дечкен-баттахь шаьш бинчу талламца, гIалгIайн къоман тайпанийн Кхеташонан балхаца шайна кхачамбацарш карийна аьлла. Охан-батте кхачале проблемаш ерзор тIедиллинера министралло. Читать дальше...