Новости за 04.05.2019

Шайн тобанхоша байначу беттан 22-чу дийнахь тIелатар динера Нохчийчуьрчу Хьалха-Мартанна уллохула йоьдучу кхаа эскархойн машенна аьлла, дIахьедина "Исламан пачхьалкх" шех олучу тобано. Directorate телеграм-канало бина цунах хаам, радикалашца доьзначу al-Naba газетана тIе а тевжина. ГIаттамхойн кIелоне нисбеллера кхаа машенахь боьлху нохчийн эскархой аьлла ду бинчу хаамехь. ТIелатар дина царна пулеметца тохарш деш, оцу инцидентехь машенаш чохь хилла цхьаберш байина, вукхарна чевнаш йина. Ишта билгалдаьккхина даIиша... Читать дальше...

Пассажираш дIасалело Boeing 737-800 кема Сент-Джонс олучу хи чу доьжна, Флоридерчу Джэксонвилл гIаларчу тIеман базехь охьадусучу заманчохь. Куберчу Гуантанамо тIеман- хIордан базера чартеран рейс еш хилла Miami Air International авиакомпанин борт. 136 пассажир а, экипажах 7 стаг а хилла салон чохь. Царех 21 стаг дарбан цIийне вигина, хаамбина меттигерчу шерифан офисо. Чолхе чевнаш ца йина цхьанна а. Сурташ тIехь гуш ду хинан гомхалла йолчу меттигехь доьжна "Боинг".

2030-гIа шо карадале Амстердаман Iедалхойн Iалашо ю, бензинца а, дизелца а лелош йолу муьлхха а машен, мотоцикл а хехкар дехка. Оцу некъашца гонахара хьал бехдарца къийсам латто дагахь ю мэри. Амстердамехь а, Роттердамехь а автомобилаш дукха хиларца Нидерландашкара хIаваъ бехдар лакхарчу барамехь ду, яздо Reuters агенталло. Электрикан а, водородан а машенаш лелор доьхкур яц Амстердамехь. 2005-гIа шо дале арахецна, дизел тIехь йолу машенаш юкъарйохур ю гIалин Iедалша 2020-чу шарахь. Бахархой цIена машенаш лело марзбархьама... Читать дальше...

Къилба Корейра (КНДР) 10 миллион сов (40 гергга процент) бахархой даим а бала хьоьгуш бу кхачан сурстаташца, тIаьххьарчу иттех шерашкахь ялта цакхиарна хьал де дийне эшна догIу. ООН-ан рапорт тIехь  Дуьненан кхачан программан а, къаьмнашна юкъарчу кхачан а, юьртбахаман организацин а миссийн Къилба Корейхь долчу хьолах ООН-о хIоттийначу рапорт тIехь бу цу кепара хаамаш. Байначу баттахь дуьйнна болх бира эксперташа Пхеньянехь. КНДР-ехь къоьлла хьоьгучу бIеннашкахь бахархошна гIо латтадо дуьненаюкъарчу организацеша. Читать дальше...

Стохка гурахь Iаьржачу хIорда тIехь Оьрсийчоьно дIалецначу Украинан тIеман кеманех а, церан экипажах а хIордан бакъонашкахула йолчу Дуьненаюкъарчу трибуналан ладегIаршкахь дакъалоцур дац Оьрсийчоьно. Украинан арахьарчу гIуллакхийн министран гIовса Зеркаль Еленас дина и дIахьедар Фейсбукехь. Кху беттан 10-чохь Гамбургехь дийца буьйлалур бу хIордхойн гIуллакх. Шаьш бина сацам трибунало бовзуьйтур бу карара бутт бале аьлла арахьарчу гIуллакхийн министраллан векало. Оьрсийчоьнан агIор цхьа а декъашхо цахиларо... Читать дальше...

Шайн пачхьалкхе вар Литвас дихкина Оьрсийчоьнан музыкантна Лепс Григорийна, хаамбо LRT канало. Санкцийн документна куьйгяздина пачхьалкхан чоьхьарчу гIуллакхийн министро Мисюнас Эймутис, арахьарчу гIуллакхий министраллан дехарца. BNS агенталле арахьарчу гIуллакхийн урхалхочун гIовса Скусявичюс Дарюса дIахьедина, Iамеркан Цхьанатоьхначу Штаташа 2013-чохь "Iаьржачу тептаре" ваккхаран бух тIехь тIеэцна сацам бу иза аьлла. Оьрсийн зуламхойн тобанца иллиалархочун уьйраш ю аьлла, бехкево иза Вашингтоно. Читать дальше...

Полисхочунна тIелетта аьлла, бехкевина гIалгIайн жигархо Дзейтов Руслан шина баттахь чохь вуьтуш сацамбина Нальчик гIалин кхело. Маршо Радионо яздира, Зазадокху-баттахь мехкан куьйгалхочуьнга дарж охьадиллийта митинге бевлларш дуьхьал хиллера Iедало акци дIаяхьа елла хан чекхъяьллачул тIаьхьа дIасабоха аьлла. Оцу бахьанашца тийсадаларш нисделлера гулбелллачарна а, полисхошна а юкъахь. Цхьа могIа жигархой, шайлахь протестийн хьалханча Барахоев Ахьмад а волуш, леца болийра. Iедалан векалшна дуьхьал ницкъ балийна аьлла, бехкебеш бу уьш. Читать дальше...