Новости за 20.05.2019

Хоси-юьртах Ахмат-юрт ян еза боху Даудовс, таIзарх кIелхьарбевлла нохчий.

Даккхийн догIанаш даро а, онда мох хьакхаро а зенаш дан мегаш ду аьлла, варе бина Нохчийчуьра бахархой меттигерчу Орцаллин министраллан белхахоша. Цара дийцарехь, Iалам карзахдаларан кхерам буьсуш бу тахана а кхана а. Оцу юкъанна мох хьакхаран чехкалла хила мега наггахь 23 метр секундехь. Болчу хаамца, тоькан серий хедарна электросерло йоцуш йиса мегаш ю цхьайолу меттигаш.

Настоящее время                                                                                                  (Карара Хан) Маргвелашвили Георгий пхеа шарахь Iийра Гуьржийчоьнан коьртехь: 2013-чу шарахь хаьржинера, 2018-гIа шо доьрзуш дIаделира шегара гIант таханлерчу президенте Зурабишвили Саломега. Стенгахь ву иза хIинца? Мехкан куьйгалхочун даржера дIавоьдуш цуьнан дацара 49 шо бен. Ткъа оцу гIента кхачале Iийнера дешаран министр. Цундела моьттура наханна, вуьсур ву иза политикехь. Амма кхин некъ хаьржина шена Маргвелашвилис. Читать дальше...

Москох кхело ца хуьйцуш битина хьалхо Москох Замоскворецкан кIоштан кхело Нохчийчийчуьра Ахмаев СаIидан а, Болатбаев Лечин а, ГIалгIайчуьрчу вежарийн БулгучевгIеран Ахьмадан а, Мовладин а, Москохарчу бизнесхочун Катков Евгенийн а бехктакхаман гIуллакхехула бина сацам. Цунах лаьцна яздо "Новая газето". Уьш бехке беш бара нуьцкъала ахча даккха гIортарна. Таллмхойн версица, бизнесхочуьнгара Жуков Константинера 100 миллион гергга сом ахча даьккхина хилла цара, кхерамаш а тийсина.  И зулам дарна прокуратуро хIоранна 7 шо хан тохар дехнехь а... Читать дальше...

Швецино депортаци ян тарло рогIерчу нохчочунна МухIажир Г. Зоврбек махкахваккха кечлуш ду Швецера Iедал. Цигахь итт шо а сов даьккхинчу нохчочуьнгара хIун даьлла и таIзар тIеэца, кхеташ дац. Ца кхета депортацин бахьанах дуьненаюкъара бакъоларъярхой а – "Мемориал" хьийза Зоврбекна орцахъялла. Швеци иза а, цуьнца цхьаьна кхин массех стаг а махкара араваккха кечлучу юкъанна, Европерчу мухIажирийн хьокъехь сацам тIеэцна ЕвроБертан Кхело. Шена кхераме хиларна дIатесначу махка стаг юхахьажо мегаш дац... Читать дальше...

Куршлойн кIоштарчу полицин декъан белхахошна тIевеана 33 шо долу Майртупара вахархо. Цо мукъарло дина ша къоланаш дарна.   Цу стага дийцарехь, кхушара Чиллан-беттан 12-чохь 3100 сом лачкъийна хилла цо ша дIавуьгучу машенан долахочуьнан курткан кисанара. Цунах лаьцна хаам бо чоьхьарчу гIуллакхийн министраллан Нохчийчуьрчу урхаллан зорбанан сервисо. Кхин а 3 де даьлча Мартупахь 4000 сом даьхьна курхалчо, мила ву ца хуучу стеган спортан курткин кисанара. Полисхой толлуш бу и хаамаш.

Киевехь инаугураци хилла хаьржинчу президентан Зеленский Владимиран. Украинин Лаккхарчу Радан езачу кхеташонехь цо чIагIо йира, ткъа иштта схьаийцира пачхьалакхан симболш - президентан билгало а (орденан зIен кепехь йина), гербан мухIар а, президентан чхьонкар а. Шен хьалхарчу вистхиларехь керлачу президенто дIакхайкхийра Рада дIасахецар. Зеленскийс иштта шен къамелехь элира ГIирма а, Донбасс а Украинин территореш юьсуш ю аьлла. Цо дIахьедар дира, мехкан малхабалехь тIом сацорхьамма шен даржах вала ша кийча хиларх а... Читать дальше...

Таджикистанехь Вахдат гIаларчу чолхечу рожан колонехь бунт хилла Стигалкъекъа-беттан 19-чохь. Цу къепедацаршкахь вийна 3 гIаролхо а, 29 чувоьллина стаг а. Цунах лаьцна хаам бо пачхьалкхан "Ховар" агенталло, юстицин министраллана тIе а тевжаш.    Таджикистанан юстицин министралло чIагIдарехь, "Исламан пачхьалкхана" юкъахь хилла аьлла чувоьллина волу 30 тутмакх вада гIоьртина хилла колонера. Цара закъалтана лаьцна вийна 3 гIаролхо. Цул тIаьхьа гIуданан изоляторера шайн 8 накъост араваккха гIоьртина уьш. Читать дальше...

Нохчийчуьрчу парламентан куьйгалхочо Даудов Мохьмада дIахьедар дина, Нохчийчуьрчу Хоси-Юьртан цIе хийца еза Кадыров Ахьмад-Хьаьжин сий деш аьлла. Цунах лаьцна цо яздина Инстаграмерчу шен агIонехь. Нохчийчоьнан парламентан спикерна хетарехь, "Оьрсийчоьнан турпалхо вина эвла хакъ долуш ю "цуьнан "АХЬМАД-ХЬАЬЖИ ЮРТ" аьлла цIе лело. "АХМАТ-ЮРТ! Иза уггар лоруш волу а, легендан а нохчийн къоман Къонах схьаваьлла юрт ю", - чIагIдо Даудовс шен постехь.

ГIирмера гIезалой махках бохучу 1944 шеран Стигалкъекъа-беттан 18-чу дийнахь пхийтта шо долчу Ибрагимов Шаверан шеца схьаэца аьтто баьлларг яра еккъа цхьа хIума – дех дисина сахьт. Шавер-агас дийцарехь, 19-чу бIешарера ду иза - цхьамзанашна бухахь йоза ду ширачу Османийн маттахь. Сахьт Шаверца цхьаьна хилла депортацехь, цуьнца юхакхаьчна Симфирополе цIа а.