Новости за 22.05.2019

Къилбаседа ХIирийчуьрчу Моздокехь берийн самукъадоккхучу центрехь коьртана еза чов йина 7 шо долчу кIантана. Цунах лаьцна хаам бо "Кавказ.Реалиино", меттигерчу полицин белхахошна тIе а тевжаш. "Лунтик" цIенна чохь ловзуш, туьта а йохош, коьртах хIума кхетта берана. Полицино толлуш ду хилларг. Цкъачунна болчу хаамца, кIант лазийна ларамаза.

Хоси-юрт яц Ахмат-юрт ю, Батукаевна гIо дарна-набахте, Кадыровс баркалла аьлла.

Черкес Лариса 1763-1864 шерашкахь Кавказан тIамехь эгнарш дагалоцу чергазаша кху беттан 21-чу дийнахь. ТIом чекхбаьлча, даймахкара тайпанашкахь, тукхамашкахь дIабахана дийна бисина нах... МухIажирех доккхах дакъа ницкъаша даьккхира махках, я хIаллакдира. И де тезетан кепехь дIахьо Стигалкъекъа-беттан 21-чохь Адыгейхь, ГIебарта-Балкхаройчохь, Кхарачой-Чергазийчохь, иштта, шаьш бехачохь кхечу, дуьне ма-дду дIасабаьржинчу чергазаша а. Чергазийн жигархошка шайн къоман хьаштех, дика-вонех лаьцна дийцар... Читать дальше...

Идрисова Барият Дагестанан муфтиято доьху юуучун мехаш цабестор, амма базархошна ца тов и тайпа къамелаш Дагестанан муфтис Салимов Iабдуллас совдегаршка дехна Рамадан баттахь кхачан мехаш ца хуьйцуш, лакха ца дохуш дитар. "Вайна хIора шарахь а го, мархийн бутт тIехIуттушехь, цхьаболчу кхачан мехаш бестош базаршкахь", боху цо видеошкахула дIасадаьккхинчу къамелехь. "Кавказ.Реалиин" корреспондент мехашка хьожуш чекхъелира ХIинжа-ГIаларчу "Атриум" базархула, зийра, мел хийцабелла уьш, хьолах лаьцна хеттарш дира йохкархошка а, эцархошка а. Читать дальше...

ТIехьарчийна тайп-тайпана декхарш хиларна 11 эзар сов вахархо ву Нохчийчохь карарчу хенахь пачхьалкхера аравала бакъо йоцуш висина. Коммуналан декхарш а, банкан кредиташ а, цхьацца гIуданаш а дIатакхаза хиларна республикерчу кхелан пурстоьпийн урхалло ханна дихкина царна доза хадор. Оьрсийчоьнан Федералан низамца а догIуш, 30 эзар сом пачхьалкхана декхар волчу стагана дихкина ду Оьрсийчуьра аравалар. Нагахь алименташ дIа ца елла, я цхьаьннан могашаллина зен дарна, я бахам хIаллакбина хьаьрчина... Читать дальше...

Владимиран кIоштарчу Кольчугино гIалахь полисхоша ши стаг вийна, теракт кечйеш хилла аьлла шеко хиларна. Цунах лаьцна хаам бо Къоман антитерроран комитето (НАК). Дийцарехь, ФСБ-н белхахошка цхьаммо хаам бина хилла цу гIаларчу цхьана долахь долчу цIа чохь теракт ян кечлуш герзаца нах бу аьлла. "Кхаарин сарахь и ши стаг чохь волу хIусам гоне лаьцнера лерринчу полицин тобано, ткъа и шиъ караван реза ца хилча вийна", - яздо Къоман антитерроран комитето. Байинарш муьлш бу къастийна шаьш боху Iедалан векалша. Читать дальше...

Байначу беттан 15-чохь цхьанакхеттера Нохчийчоьнан куьйгалхо Кадыров Рамзан меттигерчу хаамийн гIирсийн куьйгалхошца. Цо тIедиллинера, "Нохчийчоьнна а, Оьрсийчоьнна а идеологин тIелетарш дечаьрца" къийсам марсабакккха беза аьлла. Луьстур вай, Кадыров Рамзанан Iалашонаш муха кхочушйо а, муьлхачу кепашца къийсам латтийра меттигерчу Iедалша "нохчийн къоман мостагIашца" а.

"Жусан" леринчу операцин гурашкахь Шемара Казахстане эвакуаци йинчу Актюбинск кIоштан бахархой дIалийцира даймахкахь. Азаттык радион корреспондентан аьтто белира бехкзуламан гIуллакхаш дуьхьал даьхначийн гергарчаьрца  къамел дан. Стигалкъекъа-беттан 7-чу дийнера 9-чу дийне кхаччалц "Жусан" цIарца йолийначу леринчу операцин гурашкахь цIа валийначу Актюбинск кIоштан виъ вахархочунна дуьхьал бехкузаламан гIуллакхаш долийна.Царех цхьаъ ву 28 шо долу Куанов Руслан. "Шемахь тIемашкахь дакъалаьцна ву" аьлла, шеконашка эцна иза. Читать дальше...

Соьлж-ГIалара араваьлла, БухIан-Юьрта воьдуш, некъ Алда чубоьрзучу меттехь ю газан шура юхку гIопаста. Рекламо бахарехь, нехча а ю юхкуш. …Амма вац тIехIоьттина гуш кхачан да – генна цхьаьнхьа телефон тоьхча бен карор волучух тера а дац иза – "тешаман туька" ю хIоттийнарг. Маршо Радион корреспонденто бехха бира тидам: стагга а вацара къайлах шура яхьа лерина – гIутакхан метта хIоттийна шабийриг а йоьллий, чу ахча а тосий, оьшшучул шура а оьций, шайн машенашка ховший, дIабоьлхура нах.

Криминалан гонашкахь дош лелаш ву бохуш вуьйцу Батукаев Iаьзиз харцонца набахтера аравалийтарца доьзначу гIуллакхехула кхин а цхьа стаг лаьцна ГIиргIизойчохь. Иза ву цу мехкан премьер-министран когаметта хилла Атаханов Шамил. Цунах лаьцна хаам бо чоьхьарчу гIуллакхийн министраллан сайто. 2013-чу шарахь Оханан-баттахь Нарынан гIалан кхело хенал хьалха маьршаваьккхира нохчийн тутмакх, цунна ваха дукха хан ца йисина аьлла. Кхелера араваларца, "Манас" аэропорте а вахана, долахь долчу кеман тIехь йитира цо ГIиргIизойчоь. Читать дальше...

Нохчийчоьнан куьйгалхочо Кадыров Рамзана совгIат дала сацам бина Москох жима йоI Iажаллах кIелхьаряьккхинчу Нохчийчуьрчу шина вахархочун. Цунах лаьцна цо хаам бо "Российский диалог" зорбанан гIирсо.  И инцидент хилла Москох гIалан 850 шо кхачаран цIарахчу паркехь. Балхара ваьлла волавала араваьллачу Салимов Тимурна а, Айзулаев Бувайсарна а йоIан мохь а, гIо доьхучу воккхачу стеган аз а хезна. Сихха гIо дан тIеведдачу шина нохчочунна гина йоI чуяханчу чохь хи долxу уьшал якъоран биргIана уллехь воьхна хьийзаш стаг. Читать дальше...

Хоси-Юртах Кадыров Разанан ден Ахьмад-Хьаьжин ларам беш Ахмат-Юрт хилийта лаам гойтуш бахархойн гулам хилла цу эвлахь. Цунах лаьцна шен Телеграм каналехь хаам бина Нохчийчоьнан куьйгалхочо. Гулбеллачара дехна республикерчу парламенте а, министрийн кабинете а шайн лаам низамца чIагIбар. Кадыровс дийцарехь, гуламан декъашхоша сацам тIеэцна, "дуьхьал цхьа а стаг а воцуш". Шинарин дийнахь КадыровгIара беха Хоси-Юьртах Ахмат-Юрт ян еза аьлла дIахьедар динарг вара парламентан спикер Даудов Мохьмад. Читать дальше...