Новости за 15.05.2019

Токхамашна ахча далар, ЕГЭ чолхе яккхар, Кадыровн резиденци цIанъяза йисар.

Бехкзуламан гIуллакх диллина Ставрополан кIоштахь меттигерчу вахархочунна дуьхьал, "Исламан пачхьалкх" шех олучу тобанхошна байIат дарна. "Интерфакс" агенталло бина и хаам, регионерчу ФСБ-н урхаллан информацех пайда а эцна. Агенталлаца къамел динчо дийцарехь, Ставрополан кIоштахь теракташ дан Iалашо хилла лаьцначун. "Кавказ.Реалии" портало яздира, Зазадоккху-баттахь Ставрополехь даIишхойн агIонча ву аьлла, Волгоградан кIоштара схьаваьлла ши тIемало верах. Террорна дуьхьало латточу къоман комитето чIагIдарца... Читать дальше...

Магасера кхел: яц харцо протестан деношкахь мобилан зIе дIалакъор    Настоящее Время                                                                                                           (Керла Хан) Магасерчу вахархочо Хазбиев Мурада чуделла арз листина яьлла кIоштан кхел, хаам баржийна бакъоларъяран "Агора" юкъараллин куьйгалхочо Чиков Павела. Цо бахарехь, нийса хадийна мобилан зIе гуламаш боьлхучу юкъанна, аьлла бина сацам. Кхел тIетевжина "ЗIенах" цIе йолчу низаман 64-чу артиклна: цо зIенан операторш декхаребо... Читать дальше...

Украинан хаамийн гIирсаша Iорадаьккхина, пачхьалкхан министрийн кабинето Оьрсийчоьнна дуьхьал санкцеш шоръярх. Экономикан министро Кубива Степана дийцарехь, дозанаш тохар хьакхалур ду кеп-кепарчу секторех. Юьйцурш ю индустрин цхьайолу сурсаташ а, минералан туьха а, юьртбахаман продукци а, транспортан гIирсаш а. Санкцийн тептаре яьккхина оцу категорера продукци Украине чуйоуьйтур яц. Оцу юкъанна министрийн кабинето тIечIагIдина, чукхоьхьучу кхийолчу оьрсийн сурсатех Марсхьокху-баттахь дуьйна совнах мах бала безаш хилар а. Читать дальше...

Настоящее время                                                                                                  (Карара хан) 2016-чу шеран гурахь, терроран тохар а деш, Iедал карчо гIортарна 14 стаг бехкевина Черногорин кхело Бехкебиначаралахь ву Черногорера кхо стаг, Сербера – исс стаг, Оьрсийчуьра ши стаг. Ницкъан операци кечъеш хьалхаваьлла лелла шиъ Оьрсийчуьрчу ву, чIагIдо прокурораша - Шишмаков Эдуард а, Попов Владимир а. Амма уьш, шаьш зулам диначуьра бевдда хиларна, лецанза бисина, кхел йинехь а. Читать дальше...

Оьрсийчоьнан денна лерина махкахь патриотикан барамаш дIабахьа Нохчийчоьнан куьйгалло тендер кхайкхийна. КарабогIучу беттан 12-чу денна леринчу оцу даздаршна 2, 7 миллион сом дойур ду. Пачхьалкхан контракт кхочушдан лаам болчо оригинале фонограммаш кечъян а еза, дезачу дийнан барам видеоца экран тIехь схьа а гойтуш. "Фонограмма а, аз а профессионалан студехь дIаяздина хила дезаш ду. Дезачу дийнан программа дIахьош берш а хила беза говза, корматалла йолу, Нохчийчоьнан хьакъволчу артистан даржал а лахара цIе лелош а боцуш. Читать дальше...

Шереметьевохь цIеяьллачу кеманца хиллачех велла 41 стаг. Царалахь ву тIеман хIордакеман мичман Искандеров Навруз. Хьовзам толлуш хьийзачу цуьнан доттагIаша а, кеманчуьра дийна арабевллачара а дийцарехь, кIелхьаравала аьтто хилла 23 шо долчу дагестанхочун, амма иза сецна наханна гIодеш. Кху беттан 5-чохь иккхина бохам. Мурманске даха новкъадаьлла Sukhoi Superjet 100 кема, стигал даьлла 28 минот йолуш юхадирзина ша гIаьттинчу Шереметьево. Мотораш дагадоларна. 78 стаг хилла чохь. Талламо зуьйш ю массех верси... Читать дальше...

Москварчу Шереметьево аэропортехь кху беттан 5-чохь даьгначу Аэрофлотан "Сухой Суперджет 100" (SSJ I00) кемана ткъес кхетаро проблеме хьал кхоьллина, амма кхераме ситуаци ца хIоттийна. "Коммерсанто" яздо, 41 стаг а леш, хилла бохам толлучаьрца герга йолчу хьостан хаамна тIе а тевжина. Экспертийн зерашца, кхераме хьал летчикаша шаьш дина хила тарло: кема лаьтта досочу заманчохь цара моторан болх баран раж чIагIйина хилла, цхьана хеннахь кеман мара а охьабахийтина хилла цара. Кема тIехаочу асанара кема дIаиккхинчул тIаьхьа а... Читать дальше...

Йихкинчу информацин реестре яьккхина Роскомнадзоро ЕГЭ-н а, ОГЭ-н а экзаменашкахь хIиттийначу хеттаршна жоьпаш долу а, бина кечам а боцуш экзаменаш дIа муха ло а дуьйцу материалаш тIехь йолу 59 интернет-ресурс. Урхаллан сайт тIехь Iораяьккхина и информаци. "Вон доьшу бераш экзаменаш дIаяла гIертачу хенахь", оцу информацин материалаша дешархочунна гIо деш хиларна, кхелан сацамца доза тоьхна аьлла, кхетадо Роскомнадзоро. Кху шеран Стигалкъекъа-беттан 27-чохь дIаяла йолийна ЕГЭ а, ОГЭ а йоьрзур ю Товбеца-беттан 1-чу дийнахь.

Дуьнено а лелочу WhatsApp-ан программа а яьстина, оцу мессенджерах пайдаоьцучу нехан смартфонаш вирусца "бехъян" йолийна кху деношкахь хакерша. "Лазар лоцу" WhatsApp-ехула телефон тоьхначу смартфоно.

Токхамаш лаьттачу меттигашкара нах кхалхо Iалашонца карарчу шарахь Оьрсийчоьно миллиард сов ахча лур ду Нохчийчоьнна. Регионан куьйгалхочун сайт тIехь дIакхайкхийна и хаам. Токхамашна кхераме йолчу меттигашкахь веха 25 эзар сов стаг, царех 4, 7 эзар вахархо къаьсттина кхерамечу территори тIехь веха. "Юг России" Iалашонан программица а догIуш, 2015-чу шарахь 619 Нохчийчуьрчу доьзална керла тховкIело елира. 2016-2017-чу а шерашкахь нах дIакхалхо регионна ахча ца кхачийнера, ткъа 2018-чу шарахь гIо дина 22 доьзална. Читать дальше...

Нохчийчоьнан куьйгалхочун Кадыров Рамзанан резиденци кертара а, арахьара а цIанъян кхайкхийна ши аукцион юкъахъяьккхина аьлла, хаамбина "Открытые медиа" хьостано. Дерриг а 86 миллион сом дара оцу гIуллакхна аьлла, билгалдаьккхина. Миллионашкахь долу контракт тIелаца луурш ца карийна аьлла ду аукциона юкъарадовларан бахьана. Хьалхо кхайкхийра Нохчийчоьнан куьйгалхочун Кадыров Рамзанан Соьлжа-ГIалара резиденци латто аьлла, 34,8 миллион юкъа а дуьллуш, кхайкхийна аукцион а, юкъахъяларх. Лот тIехь билгалдаккхарца... Читать дальше...