Новости за 18.05.2019

ТIедогIучу кIиранчохь Невадан Атлетикан комиссино луьстур ду Нурмагомедов Абубакар а, Тухугов Зубайра а латаршна юкъа ца витаран гIуллакх, хаамбо ESPN канало. Нурмагомедов Хьабибан а, МакГрегор Коноран хиллачу UFC 229 турнирехь буй-тIара хиллачул а тIаьхьа 25 эзар доллар гIуда а тухуш, 12 баттана дисквалификаци йинера Невадан Атлетикан комиссино Нурмагомедовна а, Тухуговна а. Дахначу шеран ГIадужу-баттахь Нурмагомедов Хабиба эшийра Макгрегор Конор Лас-Вегасехь хиллачу UFC-н латарехь. ЙоьалгIачу раундехь цо садукъочу кепехь лецира ирландхо. Читать дальше...

Де хьалха Iамеркан Цхьанатоьхначу Штатийн департаменто "Терек" СОБР-н командир Висмурадов Абузайд "Магнитскийн тептаре" ваккхар ца тайна республикан чоьхьарчу гIуллакхийн министрна Алханов Русланна. Госдепо динчунна ша гIайгIане хилар а, цакхетар а хаийтина министро. "Тхо тIаьххьалц догтешна дара, и тептар хIотточара ойла йина хIума дийр ду аьлла. Президенто Кадыров Ахьмада вовшахтоьхначу Кадыровн гонна дуьхьал санкцеш яхарна тхо эргIаддахна", - аьлла Алхановс. Министро билгалдаьккхина, махкарчу... Читать дальше...

Ша 9 миллиард сом декхар дIадайина бохуш, хаамийн гIирсашкахь яьржина информаци бакъ ца хиларх дIакхайкхаде аьлла, тIедожийна Нохчийчуьрчу суьдхочо Дауркин Игоря. Цо бахарехь, цу хьокъехь сацам тIеэцнарг кхи суьдхо ву. Шен репутаци Iалашъярхьама Москварчу кхелашка пхи иск чуелла Дауркина. Ша вуьйцуш, шена бинчу Iаткъамна дуьхьал 25 миллион сом далар а тIедожийна суьдхочо. Дауркина ма-боххура, сацамбинарг ву кхелахо Имаев Ахьмад, дуьйцу "Говорит Москва" гIирсо. Карладоккху, Соьлжа-ГIаларчу Заводской... Читать дальше...

Магасерчу протестийн акцешкахь дакъалацарна гIуда а тоьхна, протоколаш ца хIиттош цIа бахкийтина гIалгIайн къоман Дуьненчуьрчу конгрессан хьалханчан Погоров Ахьмадан ваша а, вешин ши кIант а. Маршо Радионо яздира пIераскандийнахь, Погоровн а, цуьнан гергарчийн а Карабулакерчу хIусамех хьовса баьхкинера полисхой аьлла. ХIетахь дIалаьцнера цуьнан ваша а, вешин ши кIант а. ЦIийнах хьоьвсинера Погоров Ахьмадан байначу беттан 25-чохь а. Полисхой бахкале хьалха ша кхайкхамбинера ГIалгIайчоьнан Iедалшка... Читать дальше...

ГIалгIайчуьра Шема дIа а яхана, цигахь "террорхойн тобанхошна гIо латтош ю аьлла, талламчаша шеконе эцна меттигера ши зуда. Полисхойн информацица, 2014-чу шеран Зазадоккху-баттахь дуьйна цигахь ю цхьаъ, ткъа шолгIаниг дIакхетта царех 2015-чу шеран аьхка. "Террорхойн организацин могIаршкахь йолчу цу шиммо гIоьналла латтош ду тобанийн декъашхошна", - аьлла бу талламан хаам. Муьлхачу террорхойн организацехь ю ГIалгIайчуьра ши зуда, билгал ца даьккхина хьукмато. 32, 42 шераш долчу оцу шина зудчунна дуьхьал бехкзуламан гIуллакх айдина аьлла... Читать дальше...

20 эзар стаг чу а тарлуш, Европерчу маьждигашлахь уггар а доккханиг схьадоьллур ду Марсхьокху-беттан 23-чохь Шелахь аьлла,  хаамбина мехкан куьйгалхочо Кадыров Рамзана. Ишта цо бахарехь, хьафизийн школа а йоьллур ю цу дийнахь. "Кху шеран Марсхьокху-беттан 23-чохь маьждиг а, хьафизийн школа а йоьллур ю оха", - яздина Кадыровс шен "ВКонтактерчу" агIон тIехь. Маьждиг дина а даьлла, карарчу хенахь цуьнан гонахарчу территори тIера белхаш берзош бу белхахой. "Шела къагийна ца Iаш, вайн республикехь уггар а хаза меттиг хилла дIахIуттур ю иза... Читать дальше...

2015-чу шарахь Донецкехь сепаратистийн могIарехь тIом бина ву аьлла, Чехин Пардубице гIалахь кхел йина чехийн эскархочунна Эшту Эрикна, хаамбо меттигерчу радиохь. Кхо шо тоьхна цунна тIаьхьа а тоттуш. И бохург ду, нагахь гергарчу 4 шерачохь Iедалхошца цуьнан проблемаш ца хилахь, хан набахтехь токхур йоцуш. Ишта тIеман чинах а ваьккхина иза. Талламчаша къасторехь, 2015-чу шеран бIаьста Малхбалерчу Украине а вахана, дийнна баттахь "Донецкан халкъан республикан" цхьахдолчу декъехь декхарш кхочушдина ву иза. Читать дальше...

Нохчийчохь ЛГБТ-н юкъаралхошна Iедал тIаьахьадаьлла лелар талла а, таллий, бехкечарна таIзар дар тIедожош петици дIакхачийна Кремле Amnesty International бакъонашларъяран организацино.  280 эзар гергга стага куьйгъяздина документна, хаамбо бакъонашларъярхойн сайт тIехь. Гомофобица а, трансфобица а, биофобица а къийсам латточу дуьненаюкъарчу дийнахь лаам хилла шайн оьрсийн Iедалхошка кхайкхамбан аьлла, билгалдоккху организацино. ПIераскандийнахь масийтта Европан шахьарашкарчу Оьрсийчоьнан векалташна хьалха акцеш дIаяьхьира. Читать дальше...

"Русские дороги" портало некъан полицин информацина тIе а тевжина бинчу хаамца, Кубанехь некъан бохамехь елла Нохчийчоьнан куьйгалхочун Кадыров Рамзанан хилла хьехархо. Интернет-хьостано яздарехь, Армавирна гергарчу "Кавказ" трасси тIехь пIераскандийнахь хилла и бохам. "Toyota Highlander автомобилан урхалла ден 34 шо долу жимстаг Tata цIе йолчу йоккхачу машенна тIекхетта. Оцу меттигехь елла кроссовер тIехь хилла  74 шо долу хьехархо, Нохчийчоьнан хилла депутат Дерябина Вера. Билгалдоккху, Дерябина... Читать дальше...