Новости за 26.09.2018

Шина махкана юкъахь административан дозанаш къастош бертан кехатна куьйгашяздина Нохчийчоьнан а, ГIалгIайчоьнан а куйьгалхоша Магасехь. "Интерфакс" агенталло бина и хаам. Документца а догIуш, шина регионо хийцина Теркйистан а, Малгобекан а кIошташкара тIехь нах бехаш боцу латтанаш. Нохчийчоьнна дIаделла Теркйист кIоштан дакъа а,  лаьмнийн, хьаннийн майданийн метиг а. Ткъа ГIалгIайчоьнан долахь йитина Малгобекан кIоштара цунах терра территори.

Оьрсийчохь пенси воьду хан тIетухуш юкъаяьккхина низаман проект пачхьалкхан Думан шолгIачу ешарехь а къобалйина. 386 депутатах 326 кхаьжнаш тесна. Реформана дуьхьал болчу КПРФ фракцин декъашхоша акци хIоттийнера ладегIарш дIахьочу чохь, тIе сизаш хьаькхна 63 а, 65 а терахьаш тIехь долу кучамаш а йоьхна, хаамбо "Коммерсанто". Низаман проект йийцарееш кхолгIа ладегIарш дIахьур ду Думано еаридийнахь. Маршо Радионо яздира, пенси баха пхи шо, я кхин а лахара хан йисина белхахой балхара дIабаьхна меттиг... Читать дальше...

Маршо Радион таханлера боцца хаамаш

Дукха хан йоццуш Iамеркаца гуманитаран зIенаш латто Оьрсийчоьнан арахьарчу гIуллакхийн лерина векал хIоттийначу Голливудан актеро Сигал Стивена дIахьедина, Приморскан кIоштан губернатор хила лаам бу шен аьлла. Владивостокехь дуьненаюкъарчу кинофестивалехь шен хьовсархошца къамел дечу заманчохь дина цо и дIахьедар. Сигала бахарехь, дегахула цуьнан хIу Приморьера схьадаьлла ду. Цундела лаьа шена Приморскан кIошт талла а, зен а. "Шун кIоштан губернатор хила а", - аьллачу актеран дешнаш далийна "Интерфакс" агенталло. Читать дальше...

Нохчийчуьра схьаваьлла 18 шо долу Анаев Iабдул-Малик лаьцна Страсбургехь, теракт кечдеш хилла аьлла, бехкала а воьллина. France Bleu радиостанцино бина и хаам. Дийцарехь, кху беттан 18-чохь дуьйна лаьцна хилла иза, амма информаци Iораяьккхина кIира даьллачул тIаьхьа. Лаьцначо тIе ца дуьту дохку бехкаш, амма мукIарло дина цо, интернетехь "Исламан пачхьалкх" шех олучу организацех лаьцна хаамаш кегийнера ша аьлла. Радионо дийцарца, терроризмца воьзна хилла аьлла, бехкевина, лаьцначун ваша а ву набахтехь хан токхуш. Читать дальше...

Хьалха-Мартанарчу ГихтIехь ягорг йуттучохь цIе яьлла. 30 говзанча тIеоьзна и цIе дIаяйа. "Йогург ю кхо резервуар. Карарчу заманчохь орцан министралло 30 белхало а, ворхI техника а ялийна, дIайойуш ю цIе", - хаамбина ТАСС агенталле урхаллан пресс-гIуллакххоша. Болчу хаамашца, лазийна, велла стаг вац цу зуламехь.

Шемарчу Идлиб провинцера уьдуш бу радикалан тобанхой, амма маьрша доьрзур дац цигара хьал, пачхьалкхан куьйгаллехь Асад Башар мел ву. Reuters агенталле дина цу кепара дIахьедар Туркойчоьнан президенто ЭрдохIан Реджепа. Кхо миллион вахархо веха Идлибехь, шайлахь кхоалгIа дакъа - бераш а долуш. Де хьалха ООН-ан Инарла Ассамблейн сессехь вистхуьлуш ишта ЭрдохIана дIакхайкхийра, провинцина тIелатар юхадаккха аьтто хилла, Оьрсийчоьнан а, Туркойчоьнан а бертан дийцарх пайдабаларца. Оьрсийчоьно гIо... Читать дальше...

Мобилан интернетан болх сецна аьлла, хаамбина Магасерчу бахрахоша. Массо а улхан зIенан операторийн проблемаш лаьтта телефонаш дIасаеттарехь а. Дукхахболчара дийцарехь, йочанца доьзна дац и хьал, Iедалца бертаза кхааридийнахь хIотто лерина  митинг бахьана долуш ду. ГIалгIайчоьнан социалан машанашкахь а, мессенджерашкахь а де хьалха информаци яьржира, Нохчийчоьнан а, ГIалгIайчоьнан а дозанаш тIехула иккхина конфликт бахьана долуш гуламехь бистхила дагахь бу аьлла.

Собаре хила, кхетамах ма доха, вовшашка болу тешам а ларбе аьлла, махкахошка кхайкхамбина ГIалгIайчоьнан премьер-министро Евлоев Зеламхас. Нохчийчоьнца дозанаш къастадарх лаьцна вистхиллера иза, яздо "ГIалгIайчоь" хьостано. Евлоевна хетарехь, кху муьрехь уггар коьрта а, чолхе а долчух ду "чIагIо йолуш, нийсонца ГIалгIайчоьнан дозанаш билгалдахар". Ишта цо тидаме эцна, "интернетехь вовшашкара бехкаш дохуш, агресси кхуьуш" хилар а. "Ас доьху махкарчу бахархошка, кегийрхошка кху жоьпаллин хеначохь собаре а... Читать дальше...

Нохчийчуьрчу Итон-Кхелара дIа Гуьржийчоьнан Ахметовн кIошта ткъех шераш хьалха болийна некъ юха бан тарло. И некъ Федералан маьIнехь йолчу объектийн тептаре баккхарх дийцарш дийр ду Росавтодорехь. Ткъа некъ болор бу шина пачхьалкхна юкъахь барт хиллачул тIаьхьа. Росавтодоран куьйгалхочо Старовойт Романа бина и хаам. Нохчийчуьрчу Итон-Кхелара дIа бечу некъо ткъа шо хьалха Оьрсийчоь а, Гуьржийчоь а вовшах йоьзна хила езаш яра, амма гуьржийн агIоно некъ биллар сацийнера, хаамбо ТАСС агенталло. Къилбаседа... Читать дальше...

Стохка Дечкен-баттахь лецначу Теркйистерчу 9 жимчу стагна (Алимханов Аслан, Асхабов Джамбулат, Алиев Шемал, Дачаев Iийса, Гайрбеков Хьусайн, Гайрбеков СаIид, Китаев Мохьмад, Саралиев Ислам, Юсупов Артур) тIехь йолийна кхел ерза герга ю аьлла, хаам кхаьчна "Кавказ.Реалии" портале. Соьлжа-ГIаларчу СИЗО-хь латтош бара уьш юьхьанца дуьйна. Шаьш лахара хенаш бен тухур яц, нагахь журналисташка а, бакъонашларъярхошка а цхьана кепара информаци аш ца кхачаяхь аьлла хиллера Iедалхоша лецначийн гергарчаьрга. Читать дальше...

Нохчийчуьрчу зорбан министро Умаров Джамбулата ирландхойн латархочо МакГрегор Конора йоьдучу зорбан конференцехь мехкан куьйгалхо "нохчийн диктатор" ву аларх комментари йитина "Москоха дуьйцу" радиостанцица хиллачу интервьюхь. "Цхьана а кепара тхан лидеран сий ца дойу цуьнан багах даьллачо. МакГрегор осала стаг ву, цуьнан цIе Кадыров Рамзанан цIарца цхьана яккхар - цунна доккха дозалла ду", - аьлла министро. Ишта хьехна цо МакГрегорна, хьем ца беш, Кадыровга шена гечдар дехар. Умаровна хетарехь, психикаца лазар долуш ву спортхо. Читать дальше...

Ташкентерчу Дуьненаюкъарчу Исламан Академехь хьиджабаш лело могуьйтуш цахиларна, зудабераша шаьш доьшийлан гIишло чу кхачале коьртара йовлакхаш дIа а дохуш, парикаш а, шайн къоман песаш а дIатохку. Видео тIехь гуш ду, цхьана йоIа коьртара йовлакх жимачу касенкаца хуьйцуш. Маршо Радион Узбекистанан сервисо яьккхина хIара видео.

"Цхьаалин Оьрсийчоь" партин цIарах Петарбухахь депутат волчу Адхамов Бахтиярна тIелатар дина аьлла, шеконашца стаг лаьцна. 32 шо долу Нохчийчуьра схьаваьлла Муртазаев Апти ву лаьцнарг. КарабогIучу беттан 10-чу кхаччалц чохь вуьтур ву иза Калининскан кIоштан кхело "Кресты -2" олучу талламан изолятор чохь. Стаг вен Iалашонца кIелоян гIортарна аьлла, бехкзуламан гIуллакх долийна Муртазаевна дуьхьал. 2016-чу шеран бIаьста Васенкон урамехь мунициапалан депутат, лор, бизнесхо Адхамов Бахтияр вен гIоьртинера. Читать дальше...

ГIалгIайчоьнан а, Нохчийчоьнан а куьйгалхоша тахана куьйгаш яздан тарло Сунженскан кIоштарчу лаьттан цхьа дакъа Соьлжа-ГIалана дIалуш. Де хьалха цунна дуьхьал бевллачу гIалгIайн жигархоша чIагIбо и хаам. ГIалгIайн латта Нохчийчоьнна дIадала Iалашонна шаьш тIекхиаде аьлла, митинге бевллера 100-500 жигархо. Митинг хIотто бахьана хIоьттинера царна, "Кавказан узел" агенталло яздарехь, Сунженскан кIоштан куьйгалхочо Хашагульгов Iийсас шегара дарж охьадилларца. Фейсбукерчу шен агIонехь Хашагульговс дIахьедира... Читать дальше...