Новости за 07.09.2018

Маршо Радион таханлера боцца хаамаш

Шемарчу Идлиб провинцера хьал дIанисдар хьокъехь саммит хилла ТехIранехь. Цигахь дакъалоцуш бара Оьрсийчоьнан а, Туркойчоьнан а, ГIажарийчоьнан а президенташ. Цу кхаа пачхьалкхо барт бина Шемахь тIеман операци дIахьочу заманна аьлла, амма Туркойчоь шайн махка мухIажираш хьовдаш хиларх кхоьруш ю, нагахь Идлибехь тIом марсабалахь. Туркойн сингаттам коьртачех цхьа хаттар дара ТехIранерчу саммитан. Идлиб тIаьххьара меттиг ю Шемарчу оппозицин тобанаша шайн карахь латтош йолу. Президентан Асад Башаран эскарш тIемашца чудоьлхуш ду цига... Читать дальше...

Оьрсийчоьнан сом дайлуш хиларан бахьанаш дийцина министро Силуанов Антона. Цунна хетарехь, Оьрсийчоьнан ахча дайдаларан бахьана ду санкцийн шолгIачу муьро Iаткъам бан мегаш хиларе хьежар а,  кхууьш экономика йолчу пачхьалкхийн, шайна юкъахь Туркойчоь а, Къилба Африкан Республика а, Аргентина а йолуш, рынкашкахь лаьтта хьал цхьана эшшара ца хилар а. Силуановс билгалдаккхарехь, Iедалш Iалашо йолуш дац сом деза я дораха хилийта. Къоман валютан курсаца доьзна хьал прогноз ялуш хила деза, боху цо. ... Читать дальше...

Мацал хьейинарг ву Швецехь куп тоьхначу "Вайфонд" цIе йолчу гIо-накъосталлан юкъараллан куьйгалхо Садулаев Мансур. Цу кепара цо ша а, шен накъостий а дуьхьал хилар гайтина Боснин Iедалша нохчочунна Алтамиров Ахьмадна Оьрсийчу экстрадици ян бинчу сацамна.   ГIалгIайчохь ваьхна 24 шо долу Алтамиров Оьрсийчоьне дIавала сацамбина Боснин, Герцеговинан юстицин министралло. Иза бехке веш ву Шемарчу даIишхойн могIаршкахь латтарна. Цунах лаьцна дийцина "Кавказ.Реалии" портале Европан кхелехь Алтамировн адвокат волчу Оболенец Алексейс. Читать дальше...

ШолгIа де ду Дагестанехь 6 шо долу йоI лоьху. Иза яйна Гезгмашин-беттан 6-чохь Кизилюьртан кIоштарчу Чонтаулехь. Республикерчу чоьхьарчу гIуллакхийн министраллан урхалло бинчу хаамца, еарийн дийнахь йоI, школера цIа а еана, ловза аряьлла хилла. Цул тIаьхьа иза гина стаг вац. ЙоI лоьхуш арабевлла бу орцанхой а, полицин белхахой а, меттигера бахархой а. ХIинца каронза ю Дагестанехь а, Нохчийчохь а лоьхуш йолу 8 шо долу Омарова Калимат. Иза яйна Дагестанерчу Каспийскехь Товбецан-беттан (Июль) 29-чу дийнахь. Читать дальше...

Шен воьIан бераш Шемара маьрша цIадерзадар доIанашкахь доьху Деле Мохидилхонас. Массех шо хьалха, майрачух къайлах, шеца бераш а дуьгуш, едда цуьнан нус, юхьанца Туркойчу кхаьчна, цигара - ДаIишо олалла дечу метте. Уьш стенгахь бу, бу я бац дийна, хууш дац. "Тхайн цIарх а доцуш" цIе йолчу проектан шолгIа видео ю хIара.

Forbes (Форбс) журнало арахецна хIора шарахь ша хIоттош йолу Оьрсийчуьрчу уггаре хаьл долчу доьзалийн рейтинг. Цуьнца а догIуш хьалхарчу меттехь бу цхьаьнатоьхначу бахаман барам 5,97 миллиард доллар болу Гуцериев Минкаил коьртехь волу доьзал. Буьйцурш бу «Сафмар» тобанан долахой Гуцериев Михаил а, Гуцериев Саит-Салам а, «Фортеинвестан» инарлин директор Гуцериев СаьIид а, «М.видеон» инарлин директор Ужахов Билан а.   Стохка хиллачуьнца буьстича, церан бахаман терахь лахделла 3,94 миллиард долларна. Читать дальше...

Forbes (Форбс) журнало арахецна хIора шарахь ша хIоттош йолу Оьрсийчуьрчу уггаре хаьл долчу доьзалийн рейтинг. Цуьнца а догIуш хьалхарчу меттехь бу цхьаьнатоьхначу бахаман барам 5,97 миллиард доллар болу Гуцериев Минкаил коьртехь волу доьзал. Буьйцурш бу «Сафмар» тобанан долахой Гуцериев Михаил а, Гуцериев Саит-Салам а, «Фортеинвестан» инарлин директор Гуцериев СаьIид а, «М.видеон» инарлин директор Ужахов Билан а.   Стохка хиллачуьнца буьстича, церан бахаман терахь лахделла 3,94 миллиард долларна. Читать дальше...

Вевзаш воцу вахархо лаьцна ФСБ-н Нохчийчуьрчу дозанан урхаллан эскархоша Чантыбарз олучу дукъехь. Таллам бича гучудаьлла иза меттигера вахархо Мусранилов А. хилар. Нохчйчуьрчу ФСБ-н урхаллан дозанхоша дийцарехь, цара елла бакъо а йоцуш, дозанна гергахь шен цIийнан хьашташна хьажийна юьртабахаман  белхаш беш хилла иза. Низам дохийначунна бехке диллина дозанца хIоттийна дозанан раж йохор. Цу стаганна гIуда тоха мегаш ду кхело 30-100 туьма барам болуш, нагахь цу тапйаниг лело мегар дац аьлла, варе а вина иза ца витахь.