Новости за 04.09.2018

Хатуев Iабдул - Хьамид Юьртахошка Со хьелахь генарчу гIалахь, Даймахка ца боккхуш ког, Нохчо вац суна ма ала -Кийрахь ду нохчочун дог.  Чоийца ара ца валарх,  Ца тилларх холхазан куй,  Нохчо вац суна ма ала -  Хаалаш со нохчо вуй.  Геналлехь сатуьйсуш хьоьга,  Легашкахь сецабеш къурд,  Юха а хьо гаре хьоьгу,  Лаьмнашкахь йисна сан юрт!  Сан дог ду даима ломахь,  Ойла а лаьмнашкахь ю.  Яхалахь, Нохчийчоь хьоме,  Хьан кIентий хьоьх тешна бу!  Дайн иллеш озор ду оха,  Дегнашкахь къагор бу суй! Читать дальше...

Хатуев Iабдул - Хьамид. Синмехалаш   Дедайша лардинарг сийца, Бендоцуш дIатесна вай, Хиллачийн къайленаш йийца, Сатуьйсуш къежбелла дай. Ламанца бIаьвнийн зил тилла, Мел гучохь – къежделла чурт. Ма къиза, ма экам хилла, Нохчийчоь, хьан турпал сурт. ТIулгаш тIехь йозанаш деза, Заманаш ялхаеш кхин. Муридийн назманаш хеза, Беснеш тIехь Iийдало хи. Деза вай иймане дерза, Вон-дика цхьабосса ловш. Олучохь – массаьрца мерза, Лелачохь – массаьрца товш! Дагчуьра вайн маьлхан кешнаш... Читать дальше...

Хатуев Iабдул - Хьамид Чекхъели сан йоца бIаьсте   Чекх ели сан йоца бIаьсте, Доьлхуш ду гуьйренан дерз. ЧIир йоцуш вай вовшах къаьсти. Хеди сан пондаран мерз. Олхазарш дIатийна бен чохь, Беснеш тIехь Iийдало хи. Хьан дешнийн къахь йисна дагчохь, Вай цхьаьна доьлур дац кхин. ТIомара лахлуш ду леча, Оллийна, лазийна тIам. ХIинца хьо хьоьстур ю кхечо, Кхечо хьан туьдур ду гIан. Доьлхур ду буьйсанна орцахь Вай лахьте кховдийна ирс. Эрна ду вай довлар орцах, И шелдеш йиллича йис. Читать дальше...

Хатуев Iабдул - Хьамид. Хьо стенга гIур ву?  Жималла ягаеш,  Хьо Iеса лела,  Эхь хетац пайдечу  Нахана вела.  Дарж долчух кхоьру хьо,  Мискачух воьлуш.  Ахча дерг хетало  Массарел тоьлуш.    Нахана дехкина  Ду моьтту кешнаш,  Беллачех ца вешаш  Олу ахь дешнаш.  Дицделла кхузахь хьайн  ХIусам хир юйла,  Цкъа мацца кху керта  Хьо вохьур вуйла.    Цамгаро лаьцна хьо  Виллича метта,  Я хотIе вожийча,  Ца торчче кхетта,  Ахь Деле, кхералой,  Мохь-орца олу,  Хьайн миска са марзлой,  Дехаре волу. Читать дальше...

Хатуев Iабдул - Хьамид Тайпа доцурш Iеса адмаш гур ду вайна Сийлахь-деза къорIа, жайна Гочдеш, шайна хетарг дуьйцуш, Хьехамаш бан хьалха хуьйшуш. Сонта адмаш гур ду вайна, Иблис доттагI лоцуш шайна, Шайн вежаршна бале буьйлуш, Шайн де-ненан са-цIий муьйлуш. Акха адмаш гур ду вайна, Хьарам рицкъа гулдар тайна Шайн тIаьхьенна харцо хьоьхуш, Зулам лоьхуш, гамо лоьхуш. БIаьрзе адмаш гур ду вайна Беркат, ийман-ислам дайна, Дела воцуш, устаз воцуш, Дерза-дийша лахьта доцуш. Къора адмаш гур ду вайна Iазап... Читать дальше...

Хатуев Iабдул - Хьамид Овкъарлахь Iуьллуш ю аре   Овкъарлахь Iуьллуш ю зезагийн аре, Юкъ кегош хьоькхуш бу дарбелла мох. Мила ву сатесна со цIехьа варе, Я цхьаьнга валур вац со цигахь вох? Ло санна оьгуш ду жималлин заза, Гатлуш бу безначу нийсархойн гуо, ЛагIлуш бу сан деган пондаран мерз а, Сел аьрха ойланаш го йисна буо. Йолало алаша, некъ хьулбарх дарцо, Лан беза бехк боцчу гIалатийн мохь: Даима хилла ю, хир а ю харцо, Даима лепар бу нийсонан бохь. Урх хецна воьду со хьийзачу новкъа... Читать дальше...

Хатуев Iабдул - Хьамид Весет    ГIелбелла, богуш бу Боданехь чIурам,  Къежделла, маллуш ду  Дахаран тай.  Когаш кIел боьгIначу  Iожаллин гуро,  Ханйоцуш, маьхьарца  Къастор дув ай.    Сихвелла, бохамехь  Нехан дог хьаста,  Доьзална аьттонаш  Бан кхиъна вац.  Къоналло, кхойкхий,  ДIавуьгуракхарста,  Безаршна дитна сан  ХIумма а дац.    Курачу паччахьел  Комаьрша хилла:  Со бахьнехь кхулур бац  Цхьаьннен а малх.  Къихкина лелочух  Ямартло, хIилла,  Кхийрина тIебиссарх,  Яхьйоцу нах. Читать дальше...

ESET олучу антивирусан программаш кечйечу компанино хаам бина, Android-на шпионийн программа кечйина хиларх лаьцна, яздо "Грузия онлайн" сайто. И программа яьржаш ю, Viber мессенджеран сурт а эцна. ESET-ан кхерамазаллехула волчу говзанчана Стефанко Лукасна карийна «харц Viber» Google Play туьканах тарйинчу сайта тIехь. Цу тIехь ю "Редакцин харжам" аьлла билгало. Массо а хIума тардина ду баккъалла а йолчу Google Play-х. Амма, цо доьхург а дина, ерриг а информаци чуязйича цу программо лечкъайо WhatsApp-хула а... Читать дальше...

Евчин Дмитрий Аннитова Инна Iамеркан Штатийн Пачхьалкхан департаменто кIира хьалха деклараци араяьккхина, "хьенан ю ГIирма?", "хийцалур юй цуьнан статус?" бохучу хеттаршна жоьпаш луш. Кхаа абзацах лаьтта и документ даржийна цо шен сайта тIехь.  Шога дешнаш ца кхоош довзийтира цуьнан маьIна департаментан куьйгалхочо Пампео Майка Конгрессехь. "Iамеркан Цхьаьнатоьхначу Штаташа къобал ца до, дийр а дац ГIирмина аннекси яр. Вай а, вайн партнераш а, дуьненан юкъаралла а ю Украинан цхьааллехьа. ГIирма Украинан дола юхаерззолц... Читать дальше...

Бесланан трагеди йицъяр хьанна пайден ду?

ММА кепехь хир долчу Тухугов Зубайран а, Лобов Артеман а латарехь хIун жамI хир ду бохург хьокъехь, шена хетарг довзийтина UFC чемпионан Нурмагомедов Хьабибан дас Нурмагомедов Iабдулманапа. Цунах лаьцна яздо "Лента.ру" зорбанан портало. "Суна хаьа Зубайра Артемал а ,массо а агIор, онда хилар, цундела и латар цхьа ша тайпа хIума ду олийла дац. Тухуговс хIаллаквийр ву Лобов. Суна хетарехь, цо сацор ву иза 1-чу я 2-чу раундехь", - аьлла Iабдулманапа. UFC Fight Night 138 турнирехь Тухуговн а, Лобовн... Читать дальше...

Чубоьхкина нах шаьш бехачу меттигашна гергарчу колонешка хьежо беза аьлла хета Оьрсийчуьрчу юстицин министраллана. Цу хьокъехь оьшуш долу низам кечдеш ю и хьукмат. Цу белхан юкъахь дакъалоцуш ю Оьрсийчоьнан омбусмен Москалькова Татьяна. Шайн гергарнаш ган юккъера алапа долчу нехан а аьтто бац Москохара Архангельске я Нохчийчуьра Красноярскан махка баха, аьлла дIахьедар динера Москальковас хьалхо. Цу кепара адамашна юкъара зIенаш хеда, цара вовшашна сагатдеш хоьгу бала ца бийцича а, бохуш яра омбудсмен.

Оьрсийчоьнан федералан кхерамазаллин сервисан дозанан Нохчийчуьрчу урхалло сема хила аьлла, кхайкхам бина республикерчу бахархошка динца йоьзна литература оьцуш я сагIийна елларг схьаоьцуш. Къаьсттина иза хьакхалуш ду кхечу пачхьалкхе баханчу, ша аьлча, ХьажцIа баханчу нахах. Динца йоьзна книжка я кхин йолу материал оьцуш я совгIатана елларг схьаоьцуш дагабовла беза хьаьжой шайн тобанна хьалхаваьллачу муфтиятан векалца, аьлла хьехар дина ФСБ-но. Цу кепара махка экстремистийн материалаш кхехьар сацо аьтто хир бу аьлла хета Iедалшна.

Маршо Радион "Карара Зама" ("Настоящее Время") проектан корреспондент хилира Дагестанерчу гIазгIумкийн Кули юьртара жаIу Кадинаев Iабдурахьман волучохь. …Дагестанерчу фермерашлахь-м алссам бу жаIуй, амма бац и саннарш. Цо Инстагремехь лелочу агIонах "Оьрсийчохь цхьаъ бен воцчу жаIун-блогеран агIо" олу интернетхоша, эзарнашкахь бу оцу агIоне "богIу" хьовсархой.

Полшин Iедалша Оьрсийчоьне дIавелла Байдуев Азамат Нохчийчохь лачкъийна бохург харцдина чоьхьарчу гIуллакхийн министраллан Нохчийчуьрчу урхалло. Цунах лаьцна хаам бина РБК хаамийн агенталло. Нохчийчуьрчу МВД-н векалша дийцарехь, Байдаев лаьцна Iедалша, кхечу пачхьалкхехь тIеман тобанна юкъахь хиларна цунна дуьхьал долийна бехктакхаман гIуллакх хилар бахьана долуш. Маршо Радионо хаам бина ма хиллара, Полшано байначу беттан тIаьххьарчу дийнахь Оьрсийоьне дIавелла Байдуев Азамат Нохчийчохь лачкъийна... Читать дальше...

Полшин Iедалша Оьрсийчоьне дIавелла Байдуев Азамат Нохчийчохь лачкъийна бохург харцдина чоьхьарчу гIуллакхийн министраллан Нохчийчуьрчу урхалло. Цунах лаьцна хаам бина РБК хаамийн агенталло. Нохчийчуьрчу МВД-н векалша дийцарехь, Байдаев лаьцна Iедалша, кхечу пачхьалкхехь тIеман тобанна юкъахь хиларна цунна дуьхьал долийна бехктакхаман гIуллакх хилар бахьана долуш. Маршо Радионо хаам бина ма хиллара, Полшано байначу беттан тIаьххьарчу дийнахь Оьрсийоьне дIавелла Байдуев Азамат Нохчийчохь лачкъийна... Читать дальше...