Новости за 14.09.2018

ДаIишхойх дIакхеттачу Дагестанерчу 22 шо долчу Будайханова Викторин гIуллакхан хьокъехь ладегIарш дIахьур ду Москохарчу тIеман кхелехь пIераскандийнахь. Йоьдучу кхеташонехь прокуроро дIакхайкхор ду лаьцначунна догIу таIзар. 20 шаре кхаччалц хан йогIу цунна низамашкахь. Кхелахошка жимчу зудчо дIахьедина, ша бехкехиларх "тIамтIехь Iарна а, цигахь шозза марехь хиларна а, шен шина а цIийндена юург-мерг латтийна а".  Амма ша кхечу "Исламан пачхьалкх" шех олучу тобанхошна лоьралла ца дина боху цо. Талламчийн версица... Читать дальше...

Оппозиционерца Навальный Алексейца довкъастош видеокхайкхам Росгвардин куьйгалхочо Золотов Виктора шен лаамехь бина бу аьлла оцу структуран пресс-гIуллакхоша. Маршо Радионо ма яздарра, Золотовс Навальный "лата кхойкхуш", ша цунах "мутте отбивной" йийр ю бохуш, шинаридийнахь видеоролик яржийра. Навальныйс куьйгалла дечу коррупцица къийсам латточу Фондо ша лелочу хьарамлонех информаци Iораяьккхича, цунна жоп деллера Къоман гвардин хьалханчас. "Росгвардин пресс-гIуллакхошка цуьнан дIахьедаран хьокъехь оьхуьйту хаамаш бахьанехь дIахьедо оха... Читать дальше...

Лаккхара хенаш тоьхначу Куьршаларчу кегийрхойн гергарчара меттигерчу телехьожийлехь дехар дина, кхелан сацамна оьгIазбахначийн видео дIаса ма яржаяхьара аьлла. Маршо Радионо яздира Куьршала кIоштарчу 14 вахархочунна 9,5 шарна тIера 10,5 шаре кхаччалц хенаш тохарх. Ватсапехула яржийначу кхелан гIишлонна хьалха йинчу видеоно дийцарш даржийра Нохчийчохь. Кхелан сацамна шаьш реза цахилар дIахоуьйту оцу видео тIехь гергарчара, Iедалхошна яппарш еш. Куьршала кIоштарчу 14-нна хенаш тохарх дуьххьара хаам баьржира Ватсапехула кхааридийнахь. Читать дальше...

Маршо Радион таханлера боцца хаамаш

Михальченко Лидия Вевзаш волчу гIалгIайн оппозиционеран Хазбиев Мохьмадан кхелехь 38 шо кхаьчначу Хазбиевн дов Магасерчу кхело листа долийна кху аьхка. Цунна бехкедо ГIалгIайчоьнан куьйгалхочунна Евкуров Юнус-Бекна, Iедална, кхеланна, ницкъхошна дуьхьал гамо яржор, иштта тIехьерчадо низамехь а доцуш герз лелор (Оьрсийчоьнан бехктакхаман кодексан артиклаш: 282, 3I9-чун I-ра дакъа, 222). Герзаца бозу бехк боцург, бисина бехкаш берраш а Iедлахошна "карийна" Хазбиев Мохьмада цкъа мацца а меттигерчу сайтна еллачу 3 сахьтах лаьттачу интервьюхь. Читать дальше...

Еарийдийнахь Венерчу Цхьаькхеттачу Къаьмнийн организацин гIишлонна хьалха гулам хIоттийра ши эзар гергга вахархочо. Дуьненаюкъарчу хьукмато шен кхеташонехь мухIажирийн хьал дийцаре дарца доьзна баьхкинера нах. Мигранташца шагъеллачу Европига а, Iамерке а шайна а, шаьш санначарна а къинхетам боьхура Азерчу а, Африкерчу а, Гергарчу Малхбалерчу а мухIажирша. Нохчийн а бара гуламхошлахь.

Еарийдийнахь а, пIераскана а Германехь дийцарш дара дIадоьлхуш Оьрсийчоьнан арахьарчу гIуллакхийн министран Лавров Сергейн цигарчу коллегица Маас Хайкца. Дипломатийн хIусамашна гонах протестан гуламаш хIиттийра украинхоша а, нохчаша а, даймахкал арахьа бехачу оьрсийн оппозиционераша а. Гуламхоша емалйира Кремлан арахьара а, чоьхьара а политика. Нохчаша, масала, хьехабора къоманна маршо лехарна Оьрсийчоьно эзарнашкахь набахтешкахь кхобу шайн нах.

Бакъонашларъяран "Мемориал" центран Къилбаседа-Кавказерчу программан куьйгалхочунна Орлов Олегна 10 эзар сом гIуда тоьхна кхело, Титиев Аюбана гIо лоцуш, пикет дIаяхьарна. Шена тIехьарчийна 10 эзар бакъдо Орловс. "10 эзарна тIера 20 эзаре кхаччалц барамехь тухуш ду гIуда, суна лахара тоьхна", - аьлла Орловс. Шайн нохчийн коллега Титиев маьршаваккхар тIедожош Москох пикете арадаьллера бакъонашларъярхо Ганнушкина Светалана а, Орлов Олег а дахначу кIирандийнахь. Дукха ца Iаш полицино дIалаьцнера и шиъ. Читать дальше...

Нохчийчуьрчу зорбан министро Умаров Джамбулата комментари йитина спортхочунна Нурмагомедов Хьабибна а, рэперна Тиматина юкъахь иккхинчу конфликтах. "Концертан программа вовшахтухучунна хаа деза, ша артист стенга вуьгуш ву. Суна хетарехь, тIаккха хир бац цакхетамаш", - аьлла министро. Цул совнах, нохчий дагестанхойн позицина тIетов а аьлла цо. "Дагестан вайн вежараллин республика ю. Нохчийн къомана тховкIело елла, кхача белла уггар а хьоме регион ю иза. Тхан менталитет а цхьаъ ю, дин а цхьаъ ду  тхан... Читать дальше...

Дахначу шинаридийнахь Шела кIоштан кхело яккхий хенаш йиттинчу кегийрхойн цIераш Iораяьхна блогеро Абдурахманов Тумсос. Цхьа шой ах шой хьалха Куьршала кIоштахь лецначарна юкъахь хиллачу бархIаннан цIе ю тептарехь. Маршо Радионо яздира шен агIонехь, яккхий хенаш йиттина, Шела кIоштан кхело Куьршалара 14 жимстаг набахье хьажорах. Дийцарехь, 18 шарера 30 шерашка бовллалц стохка Дечкен-баттахь дIалецначех бу и кегийрхой. Чоьхьарчу гIуллакхийн министраллан цхьана декъанна тIелатардан кечлуш хилла уьш аьлла, дIахьединера Iедалхоша хIеттахь. Читать дальше...

Германерчу Оьрсийчоьнан векалтна хьалха митинг дIаяьхьна еаридийнахь Берлинерчу жигархоша, оьрсийн набахтешкахь политикан тутмакхашна тIехь гIело латторна шаьш дуьхьал дуйла дIахоуьйтуш. "Укринформ" хьостано бо и хаам. Хилла царлахь немцой, оьрсий, нохчий. Оьрсийчоьнан набахтешкахь политикан тутмакхашна тIехь Iазапаш латто сацадар доьхура протестхоша шайн карарчу транспаранташца. Гулбеллачара емалйира Путинан раж, хIоьттинчу системана дуьхьал къийсам латтон Оьрсийчоьнан бахархой а, кхечу пачхьалкхашкара... Читать дальше...