Новости за 02.07.2018

Маршо Радионо бовзуьйту таханлера боцца хаамаш

Гаджиева Зульфия ХIинжа-ГIалахь хиллачу конференцин тема: хIун ю "радикализм", "экстремизм", юй къаьмнийн шайн маршонехьа къийса  бакъо? Оьрсийчоьнан мегаполисашкара, Шемара, Туркойчуьра Дагестане баьхкинчу эксперташа йийцина дахаран агIонаш экам елахь а, яц тергамза йита торуш. Муьлхачу бахьанаша гIаттайо экстремизм, радикализмах муха ларъян еза къаьмнийн синмехаллаш Малхбалехь а, Къилбаседа Кавказехь а, хоьттура гуламхоша вовшашка. "Экстремизм яьржинчу хьелашкахь къоман а, динан а ламасташ Iалашдаран перспектива" аьлла яра тема. Читать дальше...

Оьрсийчоьно набахтешкахь латточу Украинан бахархошца шаьш хийца кийча долчу 23 тутмакхан цIе яьккхина Лакхарчу Радан вице-спикеро Геращенко Иринас. "Одессехь, Харьковехь, Киевехь, Херсонехь, Тернополехь а теракташ кечдарна бехкебинарш а, ишта Донбассехь тIемашкахь лелларш, кхидолу зуламаш лелорна кхелан проццесаш дIайоьлху нах а бу уьш", - билгалдаьккхина Геращенкос. Ву царлахь украинхойн тIемалоша стохка аьхка Луганск йолчахь лаьцна Агеев Виктор а. Оьрсийчоьнан эскарехь дакъалоцуш контрактна куьйг ма яздди, Донбассе хьажийра ша аьллера цо. Читать дальше...

Тбилисерчу Хораван цIарахчу урамехь кхиазхой байарна дуьхьал йолийна хилла протестан акцеш йирзинчул тIаьхьа Гуьржийчохь дIахIоьттинчу Iедало 100 долларна лакхадаьхна ницкъаллийн структурийн белхахойн алапаш. Гуьржийн оппозицин лидеро, экс-президенто Саакашвили Михаила йоьдучу эфирехь дIакхайкхийра, ша пачхьалкхе юхавагIахь полисхойн алапаш шозза хьаладохур ду ша аьлла. Гуьйренан президентан харжамаш гергакхочучу хенахь Iедал а, оппозици а полисхой шайна тIехIиттийта гIерта оцу кепашца. Карабеанчу... Читать дальше...

Шуьйта кIоштахь Нохчийчуьрчу орцан министраллан белхахоша чIож чу воьжна ког кагбелла жимстаг кIелхьарваьккхина. Ламан ирах, чунехьа а долчу некъашкахула кегийрхойн тоба садаIа яхана хиллера. ЧIожех охьадогIучу хих дехьа бовлучу заманчохь 23 шо долу кIант галваьлла, ког а кагбеш чуваханера. ЦIеяйархошка а, орцанхошка а телефонаш йиттинера кIентан накъосташа гIо доьхуш. Пхеа сахьтехь гергга орцанхоша дIаяьхьначу операцехь аьтто хиллера кIант кIелхьарваккха. 30 сов стаг вара оцу операцехь дакъалоцуш... Читать дальше...

Нохчийчохь социалан машанехь инфрмаци яржийна махкарчу орцан министраллан цIарах Iаьмнашчохь текхаргаш ю дебна бохуш. И хаам бакъ цахиларх официалехь дIахьедо орцанхоша. Цара доьху бахархошка цу кепарчу дийцарех цатешар, оцу хьолах шайга телефонан етташ, линеш дIа ца юзар, дийцина Нохчийчуьрчу орцан министраллан зорбанчаша. Оцу юкъанна лехамашкахь ву бехкзуламан гIулллакх дуьхьал а даьккхина, и информаци дIасаяржийнарг. Шеконашкахь ву меттигера вахархо, банкан белхахо.

Миграцин политикана тIехула канцлерца Меркель Ангелаца бартбацарна ший а дарж охьадилла ша резахилар дIахаийтина Германин чоьхьарчу гIуллакхийн министро, Керстанийн-социалан юкъараллан хьалханчас Зеерхофер Хорста. Reuters агенталло бина и хаам, политикан дIахьедарна тIе а тевжаш. Германин дозанашкахь само а латтош, миграцин политика чIагIъян еза аьлла, тIедожийнера Меркелна Зеерхофера байначу баттахь. Евробератн лидершца кестолгIа Брюсселехь хиллачу саммитехь дийцаредина некъаш доллушехь, Германера цхьа дакъа мухIажирш ара ца баьхча... Читать дальше...

Мисаран футболан лидеро Салахь Мухьаммада "Ливерпулца" керлачу контрактна куьйгяздина, хаамбо"Би-би-си-но". "Рома" олучу тобана юкъара дехьаваьлла 26 шо долчу футболхо ингалсан клубе. "Ливерпулехь" ловзучу юкъанна 52 матчехь 44 кевнаш чу буьрка тоьхна цо. Оьрсийчоьнан футболан чемпионат йоьдучу заманчохь Соьлжа-ГIалахь куп тоьхнера Мисарарчу футболан тобано.

Хир ду ала а доцург – шай пачхьалкхерчу футболан тобано Испани эшор – доггах даздира Оьрсийчуьрчу фанаташа. Букъбинера некъаш машенаша а, байракхаш карахь толам базбан арабевлачара а.

ТIаьххьарчу пхеа шерачохь лакхадаьлла Оьрсийчуьра бовда луучу кегийрхойн терахь. Пачхьалкхерчу бахархошна хетарг толлучу центро (ВЦИОМ) динчу зерашца, кхечу пачхьалкхашка дIасабаха лаам болуш бу 18 шарера 24 шаре бевлла 31 процент кегийрхой, хааме даьккхина РБК агенталло. Массо а бахархошлахь бинчу хаттамехь 10 проценто дIахьедина, шайна Оьрсийчуьра дIабаха лаар. Бахархоша къасточу пачхьалкхашлахь ю Германи. Цигахь дIатарвала хьаьгна ву 16 процент. Цунна тIаьхьа хаьржина Iамеркан Цхьанатоьхна Штаташ а, Испани а, Канада а, Итали а. Читать дальше...

Соьлжа-ГIалара Мухьаммад Iелин цIарахчу проспектехь белхаш болийна, меттигаш куьце ялош. Iалашо ю цу проспектехь машенаш дIасалела некъаш шордан а, некъахой дIасалоьлучу некъа тIера экъанаш хийца а, гIалин бахархошна садоIийлаш нисъян а, берийн майданаш а, баккхийчарна спортан хьелаш нисдан а, вилспеташ хехка некъаш дан а. Ишта битаме ялош ю йохка -эцаран объекташ а. Боксеран Мухьаммад Iелин цIарах проспект тобинчул тIаьхьа, шахьарахь уггар а тоьллачух хир бу аьлла, тIелаьцна гIалин мэрино.

ГIалгIайчоьнан куьйгалхочо Евкуров Юнус-Бека бехкбоккхуш, балхара дIаваьккхина "Водоканалан" куьйгалхо Дзейтов Муслим, аьхкенан хенахь бахархошка хица къоьлла хьегийтарна. Социалан машанашкахь хинан бала хьоьгучу ярташлахь ягарйинера Плиево а, Троицкий а, Керла Редант а. Дзейтов даржера вохо сацамбира гIалгIайн куьйгалхочо Несарахь хинан резервуараш лаьттачу меттигехь дIаяьхьначу кхеташонехь. Дзейтовн балхана ша резавацар дIа а хоуьйтуш, хIора шарахь аьхка бахархоша хица бала хьоьгий хуучу регионерчу... Читать дальше...

Соьлжа-ГIалахь керла кхин цхьаъ ортодоксан килс хьалайотта йоло Iалашо ю Нохчийсоьнан Iедалхойн. "Соьлжа-ГIалахь керла килс хьалаяр тIедиллина кху деношкахь Кадыров Рамзана министрийн кабинетна а, гIалин мэрина а", - аьлла хаамбина Iедалхойн векало. Цо бахарехь, шахьаран юккъехь ян йолор йолуш ю килс. Оцу юкъанна даре ца дина, хьенан чоьтах еш ю а, маца белхаш дIаболо лерина а. Официалан терахьашца республикехь вехаш ву 17 эзар оьрсий, царех 9 эзар Соьлжа-ГIалахь дIатарвелла веха, хаамбо Нохчийчоьнан... Читать дальше...