Новости за 13.07.2018

Димашкъо официалехь дехар дахь бен шайн эскарш Шемара арадохур дац шаьш аьлла ГIажарийчоьнан Лакхарчу лидеран дуьненаюкъарчу гIуллакхашхахула волчу хьехамчас Велаяти Iела Акбара ша Оьрсийчу веанчу муьрехь. ПIераскандийнахь "Валдайн клубан" йоьдучу кхеташонехь аьлла Велаятис "гIажаройн тIеман хьехамчаш" Шемахь бу, и пачхьалкх террорхойх а, Iамеркан Цхьанатоьхначу Штатех а ларъярхьама аьлла. Шаьш Шемахь хиларх Израилна хетачуьнца ТIеIеранан бала бац аьлла гIажаройн лидеран хьехамчас. Делахь а, билгалдаьккхина цо... Читать дальше...

ТIаьххьарчу эхашерачохь Нохчийчохь наркотикаш лелийна аьлла, 384 гIуллакх диллина. Прокуратуран зерашца, кху шеран Дечкен-баттахь дуьйнна байначу батте кхаччалц дерриг а наркотикашца а, психотропан молаханшца а доьзна 384  зуламан гIуллакх ду айдинарг. Оцу юкъанна наркотикаш юхку 28 стаг ву кхеле валийна. Ерриг а цаьргара схьаяьккхинарг ю 15 кила. Бинчу талламмийн зерашца наркотикаш юхкуш лаьцначу 27 стеган а, баккхийчу барамашкахь Iалашъеш хиларца гучуваьллачу 53 вахархочун а довхоттуш ду.

Австрихойн Енбах гIалахь Нохчийчуьрчу "Ахматан" а,  ингалсан "Бирминген" тобанца дIахьочу матчехь лер-аларш хилла. "Соьлжа-ГIаларчу "Ахмат" клубан ловзархой сийсазбан гIоьртинера къаьркъа мелла ингалсан тобан фанаташ. Цул тIаьхьа меттабалийра уьш "Ахматан" агIончаша", - аьлла, яздина нохчийн клубан Твиттерерчу официалан агIон тIехь. "Нохчийчоь Тахана" агенталлан корреспонденте "Ахмат" клубан пресс-гIуллакххоша дийцарехь, футболах ловзархойн лер-аларш тIера доладелира дов, цул тIаьхьа маьттазчу дешнашца цIогIа еттара цара аьлла. Читать дальше...

Полисхошка шолгIа зударий балабе аьлла, омра дина бохуш, зорбанашкахь баьржина хаам бух болуш а бац, цул совнах социалан машанашкахула и дезинформаци яржийнарш лоьхуш ду шаьш аьлла, дIакхайкхийна махкарчу чоьхьарчу гIуллакхийн министралло. Керланаш агенталло дуьцу цунах. Маршо Радионо яздира, ватсапехула дIасакхоьхьуьйтучу аудиохаамна тIе а тевжина, карара бутт бале зударий балор тIедожийна чоьхьарчу гIуллакхийн министраллан белхахошна аьлла.

Стохка дуьйнна Москох иммунодефицитан (СПИД) цамгар яржар лакхадаьлла  20 процентна. Оьрсийчоьнан могушаллин министралло хIора шарахь арахоьцучу статистийн тептар тIехь ду и терахьаш, яздо РБК агенталло. Шина регионехь 100 проценте кхиина цомгушчийн барам. Чукоткехь 152 процент, Тувахь 133. Тамбовн кIоштахь а, Марий Эл, Карелин республикашкахь а, Ивановон кIоштахь а 50 – 66 проценте дистина терахь. СПИД цамгарна дуьхьал къийсам латточу Федералан центран куьйгалхочунна Покровский Вадимна хетарехь... Читать дальше...

Бороздиновская олучу нохчийн эвлахь бехачу дагестанхойн гергарчара орца дехна "Керла гIуллакх" ("Новое дело") газетан редакцига. Цара бахарехь, кху деношкахь полисхоша лецна бигинчу церан эвларчу нахана тIенхь къизаллаш лелош ю. СаIид цIе йолчо бахарехь, буса 11 сахьт даьллачу хенахь дIавигинера Курбан цIе йолу цхьа жимстаг. "Аьлла хIума а доцуш, церан хIусамчу а лилхина дIавигинера иза. Цхьа хан яьллачу хенахь баьхкина кхин а пхи стаг дIавигинера полисхоша", - дийцина цо. Еххачу хенахь уьш бигина меттиг ца къаьсташ леллера уьш... Читать дальше...

Бакъо йоцуш герз лелийна, Iедалан векалш сийсазбийна аьлла, бехк хьарчийначу гIалгIайн оппозиционеран Хазбиев Мохьмадан вешин зудчо дийцина, полисхой ХазбиевгIеран цIийнах хьовсарх. Цо дIахьедо, карийна аьлла, Iорадаьккхина герз хIусамехь цахиларх а. Кхело хеттарш дан лерина хилла мехкан куьйгалхо Евкуров Юнус-Бек тIе ца веана. Магасехь йоьдучу кхелехь суьдхочо дIадийшира, Евкуров белхан хьокъехь дIасаваьлла хиларна ван аьтто боцуш висарх ГIалгIайчоьнан куьйгалхочун администрацера деана кехат. Кху Iай дIалаьцна оппозиционер Хазбиев... Читать дальше...

Байина оьрсийн " Forbes " журналан редактор Хлебников Пол а, "Новая газетан" журналист Эстемирова Наташа а дага а лоцуш, Iамеркан Госдепо Оьрсийчоьне сацаде аьлла бозуш боцчу журналисташна дуьхьал зуламаш дахар, яздо ТАСС агенталло. "Iамерко сагатдо Оьрсийчоьнан Iедалхоша журналисташ а, политикан оппозицера нах а саццаза хьийзош, маршо къуьйлуш хиларна", - аьлла Пачхьалкхан департаментан пресс-гIуллакххойн куьйгалхочо Науэрт Хезера. Цо билгалдаьккхина, журналисташ байинарш а, уьш байа аьлла кхайкхийнарш а хIинца а кхеле хIиттийна цахилар. Читать дальше...

Полисхошна шишша зударий балор тIедожош ватсапехула баьржина хаам бакъ ца бина Нохчийчуьрчу зорбан министро Умаров Джамбулата "Дождь" телеканална еллачу интервьюхь. Социалан машанехь лела яьлла абсурде забар Маршо Радионо йийцаре яьккхина цхьа а бух боцуш аьлла министро. "Со хууш вац Маршо Радионо и хаамаш стенгара лехьош бу. Бакъ дац иза. Цхьа а доцург ду иза", - аьлла Умаровс. Делахь а, карладоккху хьаькамо, республикехь "божарел а зударий дукха хиларна, меттигаш хилар шиъ, кхоъ, йиъ зуда ялош. Читать дальше...