Новости за 18.03.2021

(Казан, 18 март, «Татар-информ»). Соңгы өч дистә ел эчендә Россиядә, Татарстанда, Казанда бик күп вакыйгалар булды. Алар барысы да «Казанские ведомости» битләрендә чагылыш тапты. Газетаның беренче номеры чыгуга 30 ел тулу уңаеннан Татарстан Президенты Рөстәм Миңнеханов басманың баш редакторы Венера Якупова исеменә юллаган телеграммада шул хакта әйтә, «Казанские ведомости» һәрвакытта да укучыларына сәяси, икътисади һәм мәдәни тормыш турында хәбәр итеп торды. Шәһәр газетасының үз карашы булуы, актуаль... Читать дальше...

(Казан, 18 март, «Татар-информ»). Лениногорск районында фермер Фәрит Нәбиуллин хуҗалыгында 400 татар аты кырдагы кар өстендә «алга» сүзен ясап тезелеп баскан. «2015 елда Фәрит Нәбиуллин Татарстан Республикасы Авыл хуҗалыгы һәм азык-төлек министрлыгы ярдәме белән татар токымлы 54 баш ат сатып ала. Бүген аның ат йорты — республикада иң зурысы. Фермер аларны дөрес итеп хәрәкәтләнергә генә өйрәтеп калмыйча, флэшмобта катнаштырып, аларда патриотизм да тәрбияли», дип хәбәр итте Татарстан Авыл хуҗалыгы һәм азык-төлек министрлыгы. Читать дальше...

(Казан, 18 март, «Татар-информ»). 31 марттта 14.00 сәгатьтә Буа драма театрында Камал театрының баш режиссеры Фәрит Бикчәнтәев киләчәктә язмышын театр сәнгате белән бәйләргә хыялланган укучылар белән очраша.  Театрның матбугат хезмәте хәбәр иткәнчә, очрашуга телефон аша язылырга кирәк. Язылу өчен номеры: +7 (84374) 3-73-45. Исегезгә төшерәбез, быел Театр училищесында татар артистлары курсы җыела. 1 апрельдән Казанда һәр дүшәмбе 17.00 сәгатьтә консультацияләр үтәчәк. Документларны 2021 елның 1 июненнән 3 июленә кадәр кабул итәләр... Читать дальше...

(Әлмәт, 18 март, «Татар-информ», «Әлмәт таңнары» ). Әлмәттә кофе калдыгын бозлавыктан саклану өчен куллана башлаганнар. Элек кофейнялар кофе калдыкларын чүп чиләгенә ташлый иде. Аны бозлавык булмасын өчен сибә торган тоз урынына да файдаланырга була. Шәһәрнең заправка станцияләре һәм кофейнялары экологларның үтенече буенча ай дәвамында кофе калдыгын җыеп барган. Нәтиҗәдә, 50 кг җыелган кофе чүбе «Сәламәтлек» паркы юлларына сибелде. Бу — экологик алым. Ул аяк киемнәрен бозмый, йорт хайваннарының тән тиресенә зыян салмый. Читать дальше...

(Казан, 18 март, «Татар-информ»). Ульяновскиның «Ак мәчет»ендә өлкә ифтарын оештыру комитетының беренче утырышы узды. Төбәкнең мөселманнарының күмәкләшеп авыз ачу мәҗлесе (ифтар) быел 30 апрель көнне «Волга-Спорт-Арена» спорт сараенда үтәр дип көтелә. Өлкә Губернаторының беренче урынбасары Александр Костомаров дин кардәшләребезне регион җитәкчесе Сергей Морозов исеменнән сәламләп, хакимият органнарының өлкә ифтарын оештыруда һәрьяклап ярдәм күрсәтергә әзер булулары турында белдерде. Ул Губернаторның... Читать дальше...

(Әлки, 18 март, «Татар-информ», «Әлки хәбәрләре», Айрат Лотфуллин). 16 мартка булган мәгълүматлар буенча, Әлки районында 480 кеше коронавирустан прививка ясаткан. Баш табиб Светлана Одушкина әйтүенчә, өлкән буын арасында прививка кадатырга теләүчеләр арткан. Прививка ясатучыларның сәлаәмлеге начарлану очраклары булмаган. Яңа гына район үзәк хастаханәсенә 250 данә вакцина кайткан. Прививка ясатырга теләге булганнарга авылларда фельдшерларга, ә район үзәгендә поликлиникага мөрәҗәгать итәргә кирәк. Читать дальше...

(Казан, 18 март, «Татар-информ»). Башкортстан башкаласында «Евразия киңлекләрендә татар торак пунктлары: үткәне һәм бүгенгесе» V Бөтенроссия татар төбәк тарихын өйрәнүчеләр форумы башланды. Ике көнлек Форум программасы үз эченә туган якны өйрәнү мәсьәләләре буенча фәнни-методик семинарны, Форум секцияләре эшен, пленар утырышны ала. Бу турыда Бөтендөнья татар конгрессы матбугат хезмәте хәбәр итә. Форумның беренче көнендә исә Башкортстан Республикасы, Идел-Урал һәм Себер төбәкләре галимнәре тарафыннан... Читать дальше...

2014 елның мартында Русия Кырымга гаскәр кертеп, хәрбиләр күзәтүе астында уздырылган "референдум" нигезендә ярымутрауны аннексияләде. Кырымтатарларның күбесе ул "референдум"да катнашмады. Җиде ел узгач алар нинди хисләр кичерә? Азатлык кырымтатар активистлары белән сөйләште.

(Чирмешән, 18 март, «Татар-информ», «Безнең Чирмешән» , Кадрия Гамирова). Чирмешәннең Күл буе паркындагы үзгәртеп кору эшләре төгәлләнде. Язга аның тирә-юнен яшелләндерү планлаштырыла. Үткән ел паркта зур үзгәрешләр булды, биредә бик матур, ял итүчеләргә мөмкинлекләр күп, ул — кунакларга күрсәтерлек урын. Тирә-юньгә брусчатка җәелгән, балаларга уен мәйданчыгы корылган, волейбол һәм баскетбол мәйданчыклары да барлык таләпләргә җавап бирә. Утырып ял итәргә эскәмияләр, тротуар кырыйларында яктырткычлар да бар.