پروان چارواکي: کابل ته د چرسو د قاچاقو مخه ونیول شوه

د پروان ولایت پولیسو کابل ولايت ته د چرسو د قاچاقو مخه ونيوله.


يو تن چې ۱۵ کيلوګرامه چرس يې په يوه موټر کې پټ ایښي وو او غوښتل يې چې کابل ته يې قاچاق کړي، په چاريکار ښار کې د موټرو د تلاشۍ پر مهال ونيول شول.


له نشه يي موادو سره د مبارزې معينيت د رسنيو دفتر ازادي راډيو ته وويل، په چاريکار ښار کې يو بل تن هم نيول شوی چې پر معتادينو يې هيرويين پلورل.