تادین خان: د کندهار د عینو مېنې پرونی موټربم برید پر بلوڅانو نه و
په عینو مېنه کې تېره شپه ناوخته په یوه موټربم چاودنه کې لس کسان ټپیان شول چې شپږ ماشومان او څلور ښځې پکې شامل وو.
د کندهار امنیه قوماندان تادین خان پر خپله ټوېټرپاڼه په یوه بیان کې ویلي دي چې د دې حملې هدف معلوم نه دی، خو هلته د بلوڅانو شتون یوه بېځایه او دروغجنه ادعا ده.
تادین خان وايي، چاودنه د کندهار د ملي امنیت د پخواني ښاري مدیر ظاهر شاه د کور مخې ته شوې او ښايي نوموړی به د دې حملې هدف و.