امریکایي محکمه: د ماریا بوتینا سزا په اپرېل میاشت کې اعلانېږي
مېرمن بوتینا اعتراف کړی چې په ۲۰۱۶ کال کې هغه مهال چې ولسمشر ډونالد ټرمپ واک ته رسېده، دې هڅه کوله چې د امریکا په محافظه کارو سیاسي حلقو کې نفوذ وکړي.
نوموړې پرون د مارچ په ۲۸مه د واشنګټن محکمې ته حاضره شوه او قاضي مېرمن تانیا چوتکان ورته وویل چې محکمه به د اپرېل په ۲۶مه خپل حکم صادر کړي.
بوتینا د دې جرم په خاطر تر پنځو کلونو پورې په حبس محکومېدای شي.
هغې د پرونۍ محکمې په جریان کې خبرې ونه کړې.
ماریا بوتینا خپل یوازنی جرم چې په بهر کې د ناراجسټر اجنټې په توګه خیانت دی، په ډسمبر میاشت کې ومانه.
پر نوموړې دا تورونه فدرالي څارنوالانو لګولي دي او دا قضیه د امریکا د ۲۰۱۶ کال د جمهوري ریاست په انتخاباتو کې د روسیې د ونډې په اړه د ځانګړي څارنوال رابرټ مولر په تحقیقاتو پورې اړه نه لري.