هند ته له هرات نه هوايي دهلېز پرانیستل کېږي
د هرات د صنایع او سوداګرۍ خونې اجرائیه امر خلیل احمد یارمند پهدې اړه وویل:
"موږ هیلهمند یو تر شااوخوا ۱۰ ورځو پورې لومړنی صادراتي کاروان د هندوستان لوري ته ولېږو. زما په فکر په دې کې به بادام او پسته شامله وي."
د ښاغلي یارمند په خبره له دې کبله چې د هوایي دهلېز له لارې صادرات ګران تمامېږي، حکومت به د دغو صادراتو د لګښتونو ۶۰ فیصده په غاړه واخلي.
د هرات د سوداګرۍ او صنایعو خونې مسؤلین وایي د کارګو پروازونو پیل د صادراتو د ډېرېدو لپاره یو مثبت ګام دی او دا به پر پاکستان د ټرانزیت په برخه کې د افغانستان اتکا کمه کړي.