هيلري کلنټن د امریکا راتلونکو ولسمشريزو انتخاباتو ته ځان نه کانديدوي

د امریکا د بهرنيو چارو پخوانۍ وزيره هيلري کلنټن وايي، د امریکا راتلونکو ولسمشريزو انتخاباتو ته به ځان کانديد نه کړي.


دې په ۲۰۱۶ میلادي کال کې د امريکا د ولسمشرۍ په انتخاباتو کې ګډون کړی و او له ډونالد ټرمپ څخه یې وبايلله.


راتلونکي ولسمشريز انتخابات به په ۲۰۲۰ میلادي کال کې کېږي.


کلنټن له نيويارک سيټي ټلويزیون سره په خبرو کې دا اعلان وکړ.


مرکه يې پرون د دوشنبې په ورځ خپره شوه.


ګڼو ډموکراتانو، والیانو او نورو په راتلونکو ولسمشريزو انتخاباتو کې د ګډون اعلان کړی دی.