د غزني په دهیک کې ۷ ملکي وګړي ووژل شول
د غزني په دهیک ولسوالۍ کې اووه ملکي وګړي د سړک د غاړې بم چاودنه کې ووژل شول.
د غزني د والي ویاند عارف نوري د دې پېښې په اړه نن ازادي راډیو ته وویل، دغه پېښه تېره ورځ ناوخته د ده یک ولسوالۍ په شاخوګ سیمه کې شوې ده.
هغه وویل، یوه موټر چې د پکتیکا اوسیدونکي پکې سپاره وو، د وسله والو طالبانو پر یوه ښخ شوي ماین برابر شوی و چې د چاودنې په نتیجه کې یې اووه تنه سپرلۍ په شهادت رسیدلي چې ټول نارینه او ملکیان دي.
د وسله والو طالبانو ویاند ذبیح الله مجاهد ازادي راډیو ته وویل چې د دغې پیښې په اړه څیړنه کوي.