Украинскиот суд му дозволи на Сакашвили да се кандидира на избори

Украинскиот суд донесе одлука дека поранешниот грузиски претседател Михаил Сакашвили може да се кандидира на парламентарните избори во земјата закажани за 21 јули. 51 годишниот Сакашвили објави видео на Фејсбук во кое ја прочита пресудата.


Согласно изборниот законик, кандидатите за парламентарни избори мора да бидат државјани на Украина најмалку пет години. Судот соопшти дека Сакашвили бил жител на Украина од 23 февруари 2014 година до 6 јуни, 2019 година, иако беше депортиран пред една година и му беше одземено државјанството врз основа на декретот потпишан од експретседателот Петро Порошенко.