Новости за 07.06.2019

Американското министерство за финансии објави дека воведува санкции против иранската национална нафтена компанија. Компанија контролира 40 проценти од иранското производство на нафта и половина од иранскиот извоз на нафта. Најновите санкции се дел од серијата потези за притисок кон Техеран за да преговара за нов договор за ограничување на својата нуклеарна програма. Санкциите се за Компанијата и за 39 нејзини подружници и странски агенти за продажба. Американските власти соопштуваат дека санкциите... Читать дальше...

Српскиот претседател Александар Вучиќ смета дека ако Албанија и Македонија добијат датум за почеток на преговорите за членство во ЕУ, тоа ќе биде добра вест за двете земји, за нивните граѓани, но и за Србија. „Тоа би била добра вест за нив и за нивните граѓани. Барем би добиле одредена надеж, што е добро за нив. А она што е добро за нив, добро е и за нас, рече денеска Вучиќ на панелот „Западен Балкан: отстапување од ЕУ?” во Братислава, одговорајќи на прашањето на модераторката Валери Хопкинс, како... Читать дальше...

Полски навивачи се степаа меѓу себе во Градскиот парк во пресрет на фудбалскиот натпревар Македонија - Полска. Полицијата ги уапси и ги одвезе, но не со марици, туку со два градски автобуси. Натпреварот меѓу македонската и полската фудбалска репрезентација во третото коло на квалификациите за Еуро 2020 започнува во 20 и 45. Полските навивачи уште вчера предизвикуваат нереди во градот. Вчера во центарот на Скопје биле приведени четворица навивачи од Полска кои се тепале меѓусебно, потврди македонската полиција. Читать дальше...

Воените власти во САД донесоа одлука да се запре обуката на турските воени пилоти за авиони Ф-35. Пилотите треба да ги напуштат САД до 31 јули. Одлуката е донесена по разговори на САД и Турција за прашањето за откажување на договорот на Анкара и Москва за испорака на руските противракетни системи С-400. Во американската база Лук во моментот на обука се четири турски пилоти и 20 техничари. Според американски медиуми, не е исклучено таа мерка да биде укината во случај Анкара да се откаже од купувањето руските системи.

Неделникот Фокус пишува за атмосферата при прославата на шампионската титула на Вардар. Капитал анализата за состојбата со македонската економија, а онлајн магазинот Глобус прашува - На што се должи поразот на Ципрас?

Српскиот и косовскиот претседател Александар Вучиќ и Хашим Тачи денеска во Братислава, во рамки на меѓународната конференција „Глобсек“ говореа за дијалогот за нормализација на односите меѓу двете земји. Вучиќ изјави дека Приштина и Србија имаат различни толкувања за територијата на Косово и дека тој е песимист за постигнување на договор со Приштина. Но тоа, според него, не значи дека нема да стори сé за одржување на мирот и стабилноста во регионот и дека ќе се обиде да најде некое решение . Хашим Тачи... Читать дальше...

Словачка силно го поддржува проширувањето на ЕУ и отворањето на преговорите за Северна Македонија, рече словачкиот министер за надворешни работи, Мирослав Лајчак на средбата со министерката за одбрана Радмила Шекеринска во Братислава. Лајчак истакна дека Словачка ќе стори сè да ја прошири пораката дека отворањето на преговорите со нашата земја би бил стратешки исправен потег на ЕУ. Шекеринска и Лајчак имаа билатерална средба за време на одржувањето на GLOBSEC форумот во Братислава, на кој се дискутираше за иднината на ЕУ и НАТО.

Дваесет и две фотографии од вкупно 25-те колку што содржи колекцијата „Моменти“ ја чинат изложбата на уметничка фотографија на Владимир Арсовски, што од 11 јуни се одржува во галеријата „Рудиќ“ во Скопје. Ова е прво нивно јавно претставување во земјава.

Плоден состанок, конструктивна и исцрпувачка дискусија водена на високо академско ниво, вака ја оцени средбата на мешовитата македонско-бугарска експертска комисија, претседателот на македонската комисија, Драги Ѓоргиев. Тој по состанокот изјави дека е направен напредок во учебниците во делот на праисторијата и антиката и во поглед на Гоце Делчев. Станува збор за учебниците за петто одделение во Бугарија и за шесто во земјава. Следна средба е закажана за во септември во Софија, а до крајот на годината се планирани уште 2-3 состаноци. Читать дальше...

Премиерот Зоран Заев и вицепремиерот за економски прашања Кочо Анѓушев денеска на прес- конференција ги претставија податоците за раст на БДП во првиот квартал од 4,1 отсто и за пад на невработеноста на 17,8 проценти. „Растот на бруто домашниот производ во првиот квартал изнесува 4,1 процент, што е највисокиот квартален износ во последните две години. Очекуваме разликата да се зголемува, зашто во вториот квартал стапката на раст на бруто-домашниот производ во 2017 година беше -1.8 процент. Со оваа... Читать дальше...

Новинарот и пратеник од владејачката Српска напредна партија, Мирослав Лазански е именуван за нов амбасадор на Србија во Русија, објавено е во српскиот Службен весник. Со указ на претседателот Александар Вучиќ отповикан е досегашниот амбасадор во Москва Славенко Терзиќ.

Рускиот претседател Владимир Путин на меѓународниот економски форум во Санкт Петерсбург изјави дека соработката меѓу Русија и Кина е од суштинско значење за глобалната стабилност. Говорејќи пред кинескиот претседател Кси Џинпинг, тој посочи и дека Москва е отворена да работи со сите земји, вклучително и САД. Според него, сите земји во светот ќе се соочат со големи проблеми доколку продолжи трговската војна меѓу Кина и САД и дека Русија ги поддржува демократските економски односи.

Премиерот Зоран Заев денеска изјави дека информацијата оти германската канцеларка Ангела Меркел не се согласува да и се даде датум за преговори на државата е стара и оти за ова прашање се уште се во тек разговори на највисоко ниво, но и со пратеници. Заев најави и средба со Меркел. „Мене ми е драго што е испратена порака за точен термин за состанок со канцеларката Меркел. Овој успех е и на канцеларката Меркел и на земјите членки на ЕУ, која беше лично тука за референдумот да охрабри и да даде политичка поддршка, но и економска. Читать дальше...

Храбрите чекори на Северна Македонија заслужија да бидат наградени веднаш, истакнале помошник државниот секретар на САД, Филип Рикер и сенаторот Рон Џонсон на денешната средба со министерката за одбрана Радмила Шекеринска во Братислава. „Северна Македонија со своите решителни чекори и храбри решенија заслужи членство во НАТО и јасна европска перспектива“, истакнал Рикер и најавил дека САД се активни во разговорите со европските сојузници околу потребата за позитивна реакција и од ЕУ на покажаниот успех. Читать дальше...

Рускиот претседател Владимир Путин тврди дека САД се обидуваат да ја прошират својата јурисдикција низ светот. Тој го обвини Вашингтон дека ризикува ерупција на трговски војни и реални војни. Путин говорејќи на меѓународниот економски форум во Санкт Петерсбург ја искористи можноста да го подобри имиџот на Русија и да привлече инвестиции.

Вицепремиерката и министерка за одбрана Радмила Шекеринска денеска на ГЛОБСЕК Форумот во Братислава порача дека НАТО го одржал зборот кон Северна Македонија и сега е на ред Европската Унија. Според неа, на подготвеноста на државата да ги реши своите проблеми со соседите, НАТО одговорил со подготвеност да го придвижи процесот за членство. Таа посветеност на овој процес, како што наведе, може да се види и преку брзите ратификации на пристапниот протокол за членство. „Она што ние го имаме видено во... Читать дальше...

Најавената оставка од пратеничката функција на Никола Груевски е доставена во Собранието пред два дена. Се очекува оставката да биде разгледана в понеделник на координацијата на претседателот на Собранието, Талат Џафери со пратеничките групи и тие да донесат одлука дали ќе биде ставена на дневен ред на првата наредната седница закажана за вторник. Веќе се води постапка за одземање на неговиот мандат, а точката на дневен ред е ставена на истата седница.

Украинските власти соопштија дека во судирите со проруските бунтовници во источниот дел на земјата загинале уште двајца војници, со што бројката на жртви во текот на оваа недела се искачи на шест. Украинскиот претседател Володимир Зеленски изјави дека Русија ја олабавила својата контрола врз бунтовниците кои ги нарече „платеници“. „Бесрамното прекршување на договорот од Минск и употребата на артилерија ја покажува барем делумната загуба на контролата врз платениците. Се надеваме дека руската страна ќе ја поврати контролата над овие единици"... Читать дальше...

Вицепремиерот за економски прашања Кочо Анѓушев денеска изјави дека растот на БДП од 4,1 отсто во првиот квартал од годинава што денеска го објави Државниот завод за статистика се темели на реалните состојби во економската сфера. Тој порача дека очекува раст на БДП и натамошен пад на невработеноста. „Тоа го засновам врз основа на реалните бројки што ги гледам во економијата, а тоа е зголемување на извозот, раст на инвестициите, намалување на невработеноста“, изјави Анѓушев. Според него, само таквата е одржлива на долг рок.

Авион на Туркиш Ерлајнс при слетување на аеродромот во Дубровник пријавил проблем со хидрауличниот систем на шасијата. Авионот Ербас А 320-232 полетал од Истанбул, а локални медиуми јавија декана аеродромот во хрватскиот град слетал со отворени врати. Според извештаите, авионот утрината слетал безбедно, без каква било интервенција.

Темата владина реконструкција се чини паѓа во втор план во најавите за владината дипломатска офанзива за датумот за почеток на преговорите за ЕУ. Од него зависат идните чекори, а засега повеќе опции се на маса.

Министерот за земјоделство Љупчо Николовски, кој е и нов генерален секретар на СДСМ денеска изјави дека разговорите околу најавената „метла“ во Владата се уште траат и се очекува, следните неколку дена премиерот Зоран Заев да излезе со конкретен став околу датумот и чекорите што ќе бидат преземени. „Вчера вечер ние имавме координација и консултациите на премиерот Зоран Заев со сите останати политички субјекти траат. Во следните неколку дена сигурно ќе излезе со конкретен став околу датумот и конкретните чекори и одлуки што ќе бидат преземени.

Русија обвини дека американски крстосувач направил „опсен маневар“ во Источното кинеско море. Според извештајот, американскиот крстосувач неочекувано го сменил курсот и преминал на патеката на руската анти подморница Адмирал Виноградов на 50 метри оддалеченост. Руската флота наведува и дека со цел да спречи судир екипажот на Адмирал Виноградов морал да изведе вонреден маневар. Се уште нема реакција на САД за тврдењата на руските власти.

Најмалку четворица милитанти, меѓу кои и двајца поранешни полицајци биле убиени во индискиот регион Кашмир за време на операција на безбедносните сили. Инцидентот се случил во реонот Пулвама каде во февруари во самоубиствен бомбашки напад загинаа 40 паравоени полицајци. Милитантите се верува дека се припадници на Џаиш-а-Мухамед, пакистанска група која ја презема одговорноста за нападот. Пакистан негира дека ги поддржува милитантите во Кашмир, но соопшти и дека го поддржува самоопределувањето на... Читать дальше...

УНИЦЕФ соопшти дека околу 115 милиони момчиња низ светот се ожениле кога биле деца. Од нив, според студијата, едно од 5 деца или 23 милиони стапиле во брак пред да наполнат 15 години. Во студијата се користени податоци од 82 земји и во неа се открива дека таквата пракса е распространета низ бројни земји во Африка, Латинска Америка и Карибите, како и јужна и источна Азија и Пацификот. Централноафриканска Република има најголема стапка на оженети машки деца, околу 28 отсто, потоа следи Никарагва со 19 проценти и Мадагаскар со 13 отсто. Читать дальше...