Новости за 12.06.2019

Самостојниот синдикат на новинарите и на медиумските работници (ССНМ) најостро го осудува денешното однесување на претседателот на Советот на јавни обвинители, Коле Штерјев. Како што пренесува порталот А1он, Штерјев денеска им упатил недолични пораки на новинарите на овој медиум преку нивни колега, нарекувајќи ги „неуки“, „недоквакани“ и ред други навреди. ССНМ потенцира дека ваквото однесување на избраните функционери е недозволиво и суштински поттикнува непријателско однесување кон медиумските работници, па дури и напади кон новинарите. Читать дальше...

Високата претставничка на Европската унија за надворешни работи и безбедносна политика, Федерика Могерини на денешната билатерална средба со претседателот Стево Пендаровски во Брисел рече дека Северна Македонија заедно со Албанија треба да добијат датум за почнување на преговорите во периодот јуни – јули. Могерини ова, како што истакна, ќе го препорача на сите министри за надворешни работи на земјите-членки на ЕУ наредната недела.  Претседателот Пендаровски рече дека граѓаните на Република Северна Македонија... Читать дальше...

Македонски еколози, биолози и информатичари направија апликација за мобилен телефон на која може да се поставуваат фотографии од цветови или билки и преку тоа да се дознаат нивните имиња.

Следните два дена земјата ќе биде зафатена со температури од жолта фаза, информира Управата за хидрометеоролошки работи. Па затоа Комисијата за следење на состојбата и ефектите од високите температури при Министерството за здравство апелира до граѓаните во следните денови да ги почитуваат општите препораки за заштита од високите температури.  Граѓаните треба да се заштитат од директна сончева изложеност, избегнување престој на отворено во периодот од 11 до 17 часот, да носат светла и лесна облека... Читать дальше...

Бугарскиот премиер Бојко Борисов изјави дека Бугарија, која е членка на НАТО, доколку склучи договор за купување осум авиони Ф-16 од САД, може да и помогне на Северна Македонија во заштитата на воздушниот простор. Новинската агенција БГНЕС пренесува дека Бугарија, која е исто така членка и на ЕУ, се обидува да ги замени своите стари МиГ-29 и да ја подобри усогласеноста со стандардите на НАТО. Американскиот Стејт департмент одобрил евентуалната продажба на осум авиони Ф-16 и слична опрема за Бугарија, по цена од 1,67 милијарди долари. Читать дальше...

Косовскиот премиер Рамуш Харадинај изјави дека Косово е подготвено да се помири со Србија, „и покрај тоа што таа држава пред две децении изврши геноцид“ врз косовските Албанци, јави дописникот на МИА од Приштина. Харадинај на церемонијата по повод 20-годишнината од влегувањето на силите на НАТО во Косово рече дека „мирот го творат храбрите“, па затоа Косово има храброст да се помири со Србија. Косовскиот премиер го повика претседателот на Србија, Александар Вучиќ да го признае Косово во рамки на постоечките граници. Читать дальше...

Организаторите на протестите во Судан се откажаа од генералниот штрајк и од кампањата за граѓанска непослушност, а животот во главниот град Картум полека се враќа во нормала. Силите за слобода и промени кои ги претставуваат демонстрантите во преговорите со владејачкиот Преоден воен совет ги повикаа денеска граѓаните да се вратат на работа по тридневниот генерален штрајк. А продавниците и фирмите повторно почнаа да работат. На овој потег се гледа како на можен пресврт во политичката криза во Судан. Читать дальше...

Партијата на Европските Зелени бараат од земјите членки на Европската унија итно да отворат преговори со Северна Македонија, јави дописникот на МИА од Брисел. „Ние, Европските Зелени, ги повикуваме итно земјите членки на ЕУ да помогнат за отворање на пристапните процеси со Северна Македонија. Блокирањето на оваа важна одлука сега би значело грешка од историски димензии, би имало екстремно негативни последици за европската безбедност, за стабилноста на Балканот и за кредибилитетот на ЕУ на меѓународната сцена. Читать дальше...

Опозициските пратениците во Собранието на Србија, потписници на Договорот со народот од протестите „1 од 5 милиони“, денеска најавија дека ќе продолжат со бојкот на Парламентот и со протестите сè додека не добијат гаранции дека ќе се нормализира собраниската работа, не се „ослободат медиумите“ и не се спроведат фер избори. Со соопштение денеска се огласи и опозициското Движење на слободните граѓани (ПСГ), кое ја повика српската премиерка Ана Брнабиќ да се произнесе за однесувањето на министерот за надворешни работи Ивица Дачиќ во ОН. Читать дальше...

Претседателот Стево Пендаровски од Брисел порача дека „заморот од проширувањето“ на кој се повикува Европската Унија го чувствува и Северна Македонија. Тој на конференција организирана од тинк-тенкот „Пријатели на Европа“ порача дека земјава е рекордер во чекање старт на пристапните преговори со Европската Унија. Пендаровски нагласи дека се исполнети сите реформи и дека земјата испорачала за спорот со името. „И сега што? Повторно треба да чекаме? На чија страна е заморот?“, праша Пендаровски. Според него... Читать дальше...

Парламентот на Естонија денеска го ратификуваше протоколот за членство на Северна Македонија во НАТО. Естонија е 17-та земја што го ратификуваше Протоколот, откако тоа минатата недела го стори германскиот Бундестаг, а денеска во Комисијата за надворешни работи на американскиот Сенат ќе има сослушување поврзано со пристапувањето на Северна Македонија во НАТО. На сослушувањето во Сенатот повикани се помошник државниот секретар на САД за Европа и Евроазија, Филип Рикер и Кетрин Вилбаргер, американски... Читать дальше...

Специјалната јавна обвинителка Катица Јанева денеска изјави дека Сашо Мијалков, еден од обвинетите во случајот „Таргет – Тврдина“ не бил цел на прислушување, туку додека бил директор на УБК по негова наредба се прислушувало. „Обвинетиот Сашо Мијалков не е таргет на прислушување. Таргет се други лица блиски до него, фамилијарни. Тој не е таргет. А тоа кој прислушувал во Македонија неспорно е докажано и има докази за тоа дека тоа се случувало во периодот кога тој бил директор на Управата за безбедност и контраразузнавање... Читать дальше...

Времетраењето на постапките, управувањето со судските процеси, одложувањата на рочиштата поради отсуства на обвинетите и законските рокови кои се ризик за бегство на обвинетите се дел од забелешките на ОБСЕ во вториот извешај.

Лос Анџелес, Њујорк и Чикаго се најстресните градови во САД, покажуваат резултатите од најновата анкета спроведена во пет американски градови. Во анкетата учествувале над 3.000 жители на Лос Анџелес, Њујорк, Далас, Чикаго и Мајами. Дури 76 проценти од нив се изјасниле дека во нивниот град чувствуваат зголемeен стрес секојдневно, но најмногу негативни гласови добил Лос Анџелес, објави Индипендент.  Жителите на Њујорк, сепак, не заостануваат многу, па 72 проценти од нив пријавиле секојдневен стрес... Читать дальше...

Заменик-помошникот државен секретар на САД, Метју Палмер во своето обраќање на церемонијата по повод 20-годишнината од влегувањето на силите на НАТО во Косово, на косовските и српските лидери им порача да се угледаат на своите колеги од Северна Македонија и Грција. Тој побара од лидерите на двете земји да го остават настрана минатото и да работат посветено на постигнувањето договор, кој ќе резултира со меѓусебно признавање. „Треба да се заборават инаетите. САД продолжуваат да го поддржуваат Косово и да го охрабруваат да напредува. Читать дальше...

Полицијата уапсила повеќе од 200 луѓе за време на протестите во Москва за поддршка на новинарот Иван Голунов, кои беа најавени пред тој да биде ослободен од обвиненијата за обид за продавање на наркотици. Опозицискиот политичар Алексеј Навални и неколку новинари се меѓу уапсените. Полицијата соопшти дека лицата биле уапсени за учество во јавен собир кој не бил одобрен од локалните власти. Организаторите на протестот за „Слобода на Голунов“ претходно на Фејсбук соопштија дека не добиле дозвола за... Читать дальше...

Обвинителката Вилма Русковска во врска со случајот за злоупотреба на ИПА фондовите во кој се осомничен државен секретар и вработен во министерството за информатичко општество и администрација нагласи дека се уште нема осомничени од фирмите во земјава во кои е вршен претрес. Според неа, треба време за да се подготват сите докази, а потоа ќе се согледа дали истрагата ќе се прошири и на други осомничени. Во претресите што се спроведени во Италија, како што истакна Русковска, биле пронајдени докази за случајот. Читать дальше...

Портпаролот на Владата Муамет Хоџа денеска изрази надеж дека заедничката комисија меѓу Северна Македонија и Бугарија ќе изнајде решенија кои ќе бидат во насока на добрососедството и пријателството. Бугарската министерка за надворешни работи Екатерина Захариева најави дека земјата може да се повлече од работата на заедничката комисија доколку не се утврди дека Гоце Делчев е Бугарин. „Се надеваме дека комисијата формирана меѓу двете влади врз основа на Договорот за добрососедство и пријателство... Читать дальше...

„Оваа зграда зборува (на)вистина“, павилјонот на Република Северна Македонија, чиј автор е Филип Јовановски, куратор - Ивана Васева, а комесар Фросина Зафировска, е добитник на главната награда „Златна трига“ на актуелното Прашко квадриенале за перформанс дизајн и простор.

Потребно е да се зголеми свеста на вработените и работодавачите за правата и обврските кои ги носи законот за Законот за безбедност и здравје при работа, велат упатените. Во меѓувреме, се работи на подготовка на нов закон, а од Синдикатот апелираат тој доследно да се применува во пракса.

Шефот на Мисијата на ОБСЕ Клеменс Која денеска изрази загриженост за законот за обвинителство и ги повика сите политички партии да постигнат согласност и да се овозможи СЈО да продолжи непречено да работи. Тој во обраќањето на презентацијата на вториот преоден извештај на ОБСЕ за работата на СЈО, кажа и дека исто така е важно обвинителството да продолжи да работи на независен и професионален начин. Специјалната јавна обвинителка Катица Јанева истакна дека очекува законот за СЈО да биде донесен... Читать дальше...

Амбасадорите на ЕУ се согласиле да ја продолжат забраната за инвестиции на полуостровот Крим на уште една година. Извори блиски до прашањето за РСЕ соопштија дека санкциите официјално ќе бидат продолжени на министерско ниво во наредните две недели. Санкциите на ЕУ беа воведени во 2014 година како одговор на руската анексија на Крим. Мерките предвидуваат забрана за увоз од Крим освен ако производите имаат украински сертификати, забрана за крстосувачки бродови кои пловат под знамето на земја-членка на ЕУ... Читать дальше...

Во ракетен напад на јеменските бунтовници Хути на аеродром во јужниот дел на Саудиска Арабија повредени се 26 цивили. Меѓу повредените има три жени и две деца. Според соопштението на воената коалиција предводена од Саудиска Арабија, нападот е доказ дека Хутите обезбедиле напредно оружје од Иран. Бунтовните претходно потврдија дека го извршиле ракетниот напад на аеродромот.

Полицијата во Хонг Конг употребила солзавец и палки против демонстрантите кои протестираа против законот со кој ќе се овозможи на луѓето обвинети за злосторства да бидат екстрадирани во Кина. Илјадници демонстранти, од кои најмногу млади луѓе се собраа пред Владата, при што некои од нив фрлале предмети врз полицајците. За време на изминатиот викенд во градот имаше масовни протести, на кои според организаторите, учествувале повеќе од милион луѓе.

Претседателот на Европскиот совет Доналд Туск по средбата со претседателот Стево Пендаровски во Брисел изјави дека во изминатите две години Северна Македонија ги испорачала сите вистински политички сигнали кои ги очекувала ЕУ, при што централна тема на разговорите бил датумот за отпочнување преговори. „Вие направивте се што се очекуваше од вас. Но, сакам да бидам искрен, не сите земји - членки се подготвени да ја донесат одлуката за отворање на преговорите во наредните денови. Јас лично верувам дека може да има само една одлука... Читать дальше...