Новости за 17.01.2020

Американски и руски претставници одржаа нова рунда разговори за контрола на оружјето и за намалување на несогласувањата за критичните безбедносни прашања, соопшти Стејт департментот. Разговорите се одвивале во Виена во рамките на стратегискиот безбедносен дијалог кој има за цел намалување на ризиците од несогласувања кои би довеле до некаков конфликт. Американската делегација наскоро за резултатите од разговорите би требало да го извести НАТО.

Властите треба да направат добра кампања за зголемување на јавната свест за бенефитите од регионалните депони, велат од граѓанската организација „Ајде Македонија“. Земјата не може да воспостави систем за управување со отпад, бидејќи општините ја блокираат изградбата на регионалните депонии.

По средбата со еврокомесарот за проширување, Оливер Вархеји, лидерот на албанската опозициска Демократска партија, Љуљзим Баша изјави дека јасно потенцирал оти со Еди Рама нема слободни и фер избори. Еврокомесарот Вархеји вчера престојуваше во прва посета на Албанија откако стапи на должност. Тој се сретна со премиерот Еди Рама, претседателот Илир Мета, а го посети и Драч, едно од најпогодените места од катастрофалниот земјотрес, што ја погоди Албанија на 26 ноември. Во меѓувреме во Тирана е соопштено... Читать дальше...

Илјадници верници на Српската православна црква и граѓани протестираа против Законот за верската слобода. Црногорскиот митрополит Амфилохие кој ја предводеше поворката во Тиват повика на повлекување на законот: „Нека падне овој закон за безаконие или нека падне владата која го донесе“, рече тој. Мирни протести имаше и во Подгорица, Никшиќ и други градови. Со новиот закон се бара од верските заедници да покажат дека имаат потврда за нивниот имот од пред 1918 година. Во спротивно имотот ќе им биде одземен од државата.

Процесот за отповикување на Трамп и официјлно почна во Сенатот. Трамп се соочува со обвинувања за злоупотреба на функцијата и за опструкција на Конгресот во истрагата дали тој вршел притисок врз Украина да покрене истрага против Џо Бајден, можен претседателски кандидат на Демократската партија.

Американскиот претседател Доналд Трамп оцени дека процесот за негово отповикување во Сенатот ќе биде „многу бргу завршен“ и повтори дека станува збор за „лов на вештерки“. Процесот за отповикување на Трамп вчера и официјлно почна во Сенатот откако Претставничкиот дом изгласа резолуција тој да биде префрлен во Сенатот. Трамп се соочува со обвинувања за злоуптреба на функцијата и спречување на истрагата за тоа дека тој вршел притисок врз Украина да покрене истрага против Џо Бајден, можен претседателски кандидат на Демократската партија. Читать дальше...

Американската војска соопшти дека 11 нејзини припадници претрпеле потрес на мозокот во иранскиот ракетен напад врз ирачката база Ал Асад. Претходно американскиот претседател Доналд Трамп изјави дека во инцидентот немало повредени Американци. Иран соопшти дека нападите врз оваа и врз базата Харир биле одговор на убивањето на генералот на иранската Револуционерна гарда Касем Солеимани.

Ќе биде сончево со мала до умерена локална облачност. Претпладне ќе дува слаб до умерен северен ветер. Кон крајот на денот по одделни котлини ќе има појава на магла и ниска облачност. Утринската температура ќе биди од минус седум до еден, а дневната од пет до 12 степени. Во Скопје и околината слично време. Утринската температура ќе биде околу минус три, а дневната ќе достигне до шест степени.