Новости за 14.01.2020

Иранскиот претседател Хасан Рохани во време на интензивните протести во земјата побара формирање на специјален суд за истрага на околностите во кои беше урнат украинскиот патнички авион. Минатата недела тој беше погоден по грешка од иранските воздушни сили, веднаш по полетување од аеродромот во Техеран, а во несреќата загинаа сите 176 луѓе кои беа во авионот. Рохани денеска во телевизиско обраќање рече дека сите одговорни за оваа „непростлива грешка“ мора да бидат казнети. Протестите во повеќе ирански градови почнаа на 11 јануари... Читать дальше...

Американскиот амбасадор во Србија Ентони Годфри изјави дека се надева оти Белград и Приштина ќе постигнат договор за Косово до есен и оти очекува дека ќе има поместување пред американските претседателски избори. „Овој процес е апсолутно неопходен за стабилноста во регионот. Затоа ќе ја продолжиме нашата работа за поддршка на дијалогот“, изјави тој за српскиот весник „Вечерње новости“. Дијалогот меѓу Белград и Приштина е во застој од ноември 2018 година кога Косово воведе давачки од 100 насто за увоз на стока од Србија и Босна и Херцеговина.

По интервенција на Министерството за инфраструктура и транспорт на Грција ќе бидат отстранети плакатите што вчера се појавија на станиците во атинското метро против абортусот во рамките на кампања зад која стои движењето „Оставете ме да живеам“. Рекламните плакати предизвикаа бура реакции во Грција, како од корисниците на социјалните мрежи, така и од дел од опозициските партии. Членови на подмладокот на СИРИЗА интервенираа на една метро станица и врз постоечкиот плакат залепија порака „Нашите тела ни припаѓаат нам“.

Американскиот претседател Доналд Трамп жестоко ги критикуваше своите демократски противници, наведувајќи дека им се благонаклонети на иранските власти. Тој на Твитер објави фото монтажа на која лидерите на демократите, претседателката на Претставничкиот дом Ненси Пелоси и лидерот на демократите во Сенатот Чак Шумер се претставени со турбан и чадор. Пелоси го критикуваше убиството на иранскиот генерал Касим Солејмани по што Претставничкиот дом усвои резолуција за ограничување на воените акции по налог на американскиот претседател.

Американскиот државен секретар Мајк Помпео оцени дека притисокот врз Иран дава резултати и оти Вашингтон нема да се двоуми во своите постапки доколку Иран ги ексалира своите акции во регионот и пошироко.

Лидерот на најголемата опозициска партија во Албанија Љуљзим Баша е ослободен од обвинувањето за злоупотреба на јавни пари што беше доведена во врска со добивање тајни средства од Русија. Судот во Тирана соопшти дека изнесените докази не овозможуваат покренување процес против Баша и двајца претставници на неговата Демократска партија кои исто така се ослободени од обвинението. Пред две години беше покренато обвинување против нив по наводите на американскиот магазин „Мадер Џонс“ дека Демократската... Читать дальше...

Хрватска на денешната пленарна седница на Европскиот парламент во Стразбур ќе ги претстави приоритетите на нејзиното претседателство со Европската унија. За време на минотелните свеченост во загреб по повод преземањето на претседавањето, хрватскиот премиер Андреј Пленковиќ изјави дека главни приоритетит ќе биде процесуирањето на Брегзитот, односно излегувањето на Британија од Унијата, најавено за 31 овој месец и проширувањето на ЕУ со земјите од Западен Балкан. Шафот на европската дипломатија Џозеп... Читать дальше...

По котлините во поголемиот дел од денот ќе има појава на магла и ниска облачност, а во останатите делови ќе преовладува сончево време со мала до умерена облачност. Утринската температура ќе биде од минус четири до четири, а дневната од четири до 11 степени. Во Скопје и околината слично време. Утринската температура ќе биде околу еден, а дневната ќе достигне до пет степени.