Новости за 29.01.2019

Повеќе од 130 мигранти се водат за исчезнати откако два пренатрупани брода се превртиле во близина на брегот на Џијабути, соопшти Меѓународната организација за миграции. Спасувачките екипи пронашле двајца преживеани и тела на 5 жртви. Според организацијата, еден од преживеаните е 18 годишно момче на чиј брод имало 130 патници, но тој немал информации за вториот брод. Се уште не се знае која националност се мигрантите.

Советот на Општината прво го избра Еуген Цами за вршител на должноста градоначланик на Дебар, потоа се обезбеди ново мнозинство и го избраа Екуран Дука за прв човек на општината. Околу оваа нејаснотија треба да пресече Министерството за локална самоуправа и надлежните државни инспектори.

Палестинскиот премиер Рам Ал Хамдалах поднел оставка од функцијата што може да има негативно влијание врз напорите за помирување со исламистичката група Хамас, која владее со Појасот Газа. Хамдалах за оставката го известил претседателот Махмуд Абас. Абас соопшти дека ја прифатил оставката и дека владата ќе продолжи да ги извршува своите должности додека не биде биде формирана новата влада. Хамдалах, кој беше малку познат академик ја предводеше владата од 2014 година.

Директорот на американската разузнавачка служба, Ден Коутс изјави денеска дека Русија и Кина претставуваат најголеми закани за шпионажа и сајбер криминал. Според него, двете земји заедно со Иран и Северна Кореја засилено користат сајбер операции со цел да крадат информации, да влијаат врз граѓаните во САД и да ја нарушат критичката инфраструктура. Во сведочењето пред американските сенатори, тој истакна и дека противниците на САД веќе се обидуваат да се вмешаат во изборите во 2020 година, преку... Читать дальше...

Основното јавно обвинителство отвори предмет по допрен глас во врска со евентуални неправилности при увозот, дистрибуцијата и употребата на вакцината МРП, во периодот од крајот на 2018 и почетокот на 2019 година. „Со таа цел надлежен јавен обвинител веќе издаде наредба до Бирото за јавна безбедност при Министерството за внатрешни работи со која побара да се извршат проверки во правното лице „Македонија лек“, како увозник и дистрибутер на вакцината МРП“, се наведува во соопштението на ОЈО. Проверки... Читать дальше...

Меѓународниот монетарен фонд во извештајот за Македонија за минатата година ја оценува поставеноста на монетарната политика како соодветна, а банкарскиот сектор стабилен, се наведува во соопштението од НБРМ. Во поглед на макроекономските движења, ММФ очекува економскиот раст годинава да забрза на 2,8 проценти, поддржан од закрепнувањето на инвестициската активност и на 3,4 отсто на среден рок. Според ММФ, зголемениот глобален протекционизам и затегнувањето на меѓународните финансиски услови се... Читать дальше...

Шефицата на СЈО, Катица Јанева денеска изрази загриженост дека осум истраги на СЈО се под знак прашалник за предмети кои биле преземени од ОЈО, а за кои има прислушувани разговори. Според неа, истрагите зависат од тоа како во новиот закон ќе биде решена одредбата со која се утврдува дека СЈО има рок од 18 месеци од преземање на предметите и материјалите да подигне обвинение за случаите. Таа за време на дебатата во МАНУ, порача и дека Министерството за правда треба да најде начин како ќе се чуваат... Читать дальше...

Бугарскиот премиер Бојко Борисов изјави денеска дека неговата земја се уште има за цел да го воведе еврото до 2022 година и покрај отпорот од некои локални бизнисмени кои стравуваат од поголема контрола врз економијата. Според него, една од главните придобивки од воведување на еврото е тоа што банкарскиот систем на Бугарија ќе биде повеќе дисциплиниран, бидејќи ќе биде надгледуван од Европската Централна банка, а не од властите кои, како што наведе Борисов, знаат понекогаш да бидат поблаги.

Најмалку 8 луѓе загинале во напад на полициска станица во покраината Балочистан во Пакистан додека се одвивала регрутација на полицајци. За време на инцидентот биле присутни околу 900 кандидати за работно место во безбедносните служби, при што било повредено и 21 лице. Нападот го извршиле тројца милитанти кои носеле елеци со експлозивни направи и биле вооружени со автоматско оружје. Двајца од нив го активирале експлозивот, а третиот бил убиен од страна на безбедносните служби.

Пратениците во Собранието жестоко дебатираат за интерпелацијата на министерот Никола Димитров која ја поднесе ВМРО-ДПМНЕ, при што се обвинуваат меѓусебно за предавство на државата поради ратификувањето на Договорот од Преспа.

Вицепремиерот Бујар Османи денеска рече дека „апсолутно немало никаква злоупотреба“ на пари од Фондот за пензиско, но министерката за одбрана Радмила Шекеринска вели дека е јасно оти злоупотреба имало и таа мора да се истражи.

Министерството за здравство информираше денеска дека шест нови случаи со мали сипаници се регистрирани во Скопје и околината, а меѓу заболените е и бебе од Чаир од месец ипол, кое е на домашно лекување. Според министерството, три деца се на болничко лекување, од кои едното е двегодишно дете од село Моране, другото е двегодишно од Ѓорче Петров, кое не посетува детска градинка, а третото е дете на возраст од 3,5 години, кое исто така не посетувало градинка. Oд почетокот на епидемијата, досега, регистрирани се 117 случаи со морбили.

Собраниската Комисија за прашања на изборите и именувањата денеска ги избра членовите на комисијата кои ќе треба да извршат селекција на пријавените кандидати за Државната комисија за спречување на корупција. Четворица се од редовите на пратениците, односно по двајца од власта и опозицијата, односно Мухамед Зекири од СДСМ, Атран Груби од ДУИ, Зоран Илијоски од ВМРО-ДПМНЕ и Владанка Авировиќ од независната пратеничка група на ВМРО-ДПМНЕ. Останатите тројца членови се Драги Целевски номиниран од Народниот правобранител... Читать дальше...

„Субверзија во црвено“, проектот на уметницата Нада Прља и на Музејот на современата уметност од Скопје, ќе ја претставува Република Македонија на 58-та Интернационална ликовна изложба во Венеција, што ќе се одржи од 9 мај до 24 октомври годинава.

Британската премиерка Тереза Меј изјави денеска дека гласањето во Парламентот е шанса да се повлече линија меѓу поделбите, кои предизвикале да не биде одобрен нејзиниот план за Брегзит и е шанса да и се покаже на ЕУ што сакаат пратениците. Таа порача дека и е јасно дека пратениците не го сакаат постоечкиот договор за Брегзит, но сега треба да пратат порака како го замислуваат излегувањето на Британија од ЕУ. Според неа, има волја од страна на ЕУ за постигнување на договор со Британија.

Снимките кои Албанија требаше да ги достави до Македонија за бегството на поранешниот премиер Никола Груевски не се доставени до македонското обвинителство, затоа што биле избришани соопшти денеска државниот јавен обвинител Љубомир Јовески. Тој на денешната конференција одговарајќи на новинарски прашања изјави дека снимките не се обезбедени затоа што, според образложението што го добиле од Албанија, системот не можел да чува голем опсег на податоци и автоматски ги бришел снимките по извесно време. Читать дальше...

Украинскиот претседател Петро Порошенко денеска најави дека ќе се кандидира за уште еден претседателски мандат на 31 март и вети дека ќе изврши притисок за членство на земјата во ЕУ и НАТО. Тој во својот говор истакна дека чувствува длабока одговорност пред земјата, пред минатите и идните генерации и дека тоа го натерало да се одлучи за да побара од народот уште еден петгодишен мандат на престојните претседателски избори. Тој дојде на власт по проевропските протести во февруари 2014 година откако... Читать дальше...

Политичката неизвесност го изеде приватниот сектор, голем број на компании се заинтересирани да си ги преселат своите бизниси во соседството, предупредуваат од Сојузот на стопански комори. Стопанските комори на денешната прес конференција испорачаа седум приоритети според кои како што рече претседателката Даниела Арсовска мора да се испочитуваат за да биде годинава економска година. „Обезбедување политичка и правна сигурност, континуиран раст на стопанството, менување на законите исклучиво во консултација со бизнисот... Читать дальше...

Прашањето за името е решено, сега останува да се испорачаат реформите во првосудството, борбата против корупцијата, во безбедносните служби и јавната администарција, изјави Директоратот за соседство и преговори за проширување на Европската комисија Кристијан Даниелсон

Европската унија ги повика големите социјални мрежи да ја интезивираат борбата против дезинформациите во пресрет на европските парламентарни избори оваа пролет. Европската комисија денеска го објави овој повик како дел од извештајот за тоа како се справиле минатата година социјалните мрежи во борба со лажните вести он лајн. Во него е наведено дека постои загриженост дека трета страна како на пример Русија би можеле да влијаат на престојните анкети, со цел да ги зајакнат популистичките, евроскептични партии. Читать дальше...

Во земјата има добри закони за борба против корупцијата, но проблемот е што не се спроведуваат, а за тоа клучна е политичката волја, вели претседателката на Транспаренси Интернејшнал Македонија, Слаѓана Тасева. Според најновиот извештај, Македонија се уште е меѓу најкорумпираните држави на Балканот.

Стартуваше седницата за интерпелација на министерот за надворешни работи Никола Димитров. Координаторот на пратеничката група на ВМРО-ДПМНЕ Никола Мицевски кој е и подносител на интерпелацијата од собраниската говорница побара од пратениците да ја изгласат интерпелацијата за Димитров затоа што, како што вели министерот го навредил македонскиот народ од собраниската говорница со тоа што го нарекол „искомплексирана нација“. Тој во својот говор истакна дека Димитров го нарушил угледот и достоинството... Читать дальше...

Руските власти ги критикуваат САД поради превратот во Венецуела при што ја повторија нивната поддршка за оспорениот претседател Николас Мадуро. Москва остро ги критикуваа санкциите кои Вашингтон ги наметна за венецуелската државна нафтена компанија. Рускиот министер за надворешни работи Сергеј Лавров денеска го обвини Вашингтон дека „ јавно поставува курс за нелегално менување на режимот“ со признавањето на лидерот на опозицијата Хуан Гваидо за преоден претседател. „ Заедно со другите одговорни членови на светската заедница... Читать дальше...

Тројца полицајци се повредени при вчерашниот инцидент во скопската населба Шуто Оризари. Според полицискиот билтен вчера попладне малолетничка тврдела дека видела како непознати луѓе насилно внеле женско лице во комбе, по што вечерта се собрале група револтирани граѓани кои нападнале возило кое било управувано од полицајци кои не биле во тоа време на должност. При инцидентот се повредени двајцата полициски службеници кои биле во автомобилот и еден кој бил службено повикан да интервенира во смирување. Читать дальше...

При напад на полициска станица во Пакистан, загинале најмалку тројца полицајци а ранети се над 10 цивили велат локалните власти. Неколкумина напаѓачи денеска пукале кон канцеларијата на инспекторот во југозападнатапровинција Балочистан. На нападот му претходела експлозија предизвикана од бомбаш самоубиец.Ниту една милитантна група до сега не преземала одговорност за нападот.